Wuj Richin Bix Chire ri Dios 1:6 - Kaqchiquel Bible

⁶ Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.

Wuj Richin Bix Chire ri Dios 1:6 ပူးပေါင်းရင်းမြစ်များ

2 Timoteo 2:19

Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

San Juan 10:14

Ja yin k'a ri utzilej yuq'unel y wetaman kiwech ri kan e wichin yin, y rije' kan ketaman k'a chuqa' nuwech.

Wuj Richin Etamabel-Tzij 15:9

Kan netzelex-wi roma ri Jehová, ri rubanobal ri wineq itzel; jak'a ri winaqi' ri kan nikitzeqelibej ri chojmilej k'aslen, rija' janila yerajo'

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.

Wuj Richin Bix Chire ri Dios 146:9

Ri Jehová kan yeruchajij ri e aj juk'an chik ruwach'ulew. Ri meba'i' y ri malkani' kan yeruq'axaj k'a. Jak'a kan nusech kik'u'x ri e banoy taq etzelal.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

Wuj Richin Etamabel-Tzij 14:12

Kan k'o-wi k'a bey ri choj niq'alajin chuwech ri wineq; jak'a ri pa ruk'isibel nibeq'alajin-pe chi xa bey richin kamik.

San Mateo 7:13

Kixok k'a chupan ri okibel richin ri bey ri janila latz'. Roma xa kan nim ruwech ri okibel ri rubey ri itzel k'aslen, y ri bey ri nik'amon-pe ri kamik janila nim ruwech; y e janila k'a winaqi' ri ye'ok ri chiri'.

Wuj Richin ri Achin Job 23:10

Jak'a rija' kan retaman achike bey ri nuchapon-el, y toq yiruya' pa tejtobenik, kan yinok k'a achi'el ri q'anapueq toq nich'ich'an.

Wuj Richin Bix Chire ri Dios 142:3

Jehová, toq yin kan janila yibison, rat kan atk'o wik'in richin natz'et ri nubey. Rat xatz'et chi ri akuchi yibe-wi, ri e etzelanel wichin nikiyala' pikbel pa nubey.

2 Pedro 2:12

Jak'a ri man e qitzij ta tijonela' kan e achi'el k'a chikopi' ri man yech'obon ta jebel, ri xe'alex xaxe richin yebechap-pe y yekamisex. Rije' itzel yech'on chirij ri xa man niq'ax ta chikiwech; roma ri' chuqa' xa xkekamisex achi'el ri chikopi'.

Wuj Richin Bix Chire ri Dios 112:10

Jak'a toq ri wineq banoy etzelal nutz'et re', kan xtiyakatej royowal. Kan xtuqach'ach'ila' rey roma ri royowal y xa xtipe ruyabil. Keri' ri kirayibel ri e banoy taq etzelal, xa xtik'is.

Wuj Richin Bix Chire ri Dios 9:6

Ri e etzelanel kan xek'is k'a richin jantape'; kan xetzaq k'a ri nima'q taq kitinamit ri xe'atzeq rat. Kan man jun k'a natabel kichin xk'oje' kan.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

Wuj Richin Bix Chire ri Dios 142:4

Yitzu'un ri pa wijkiq'a', y man jun k'o richin yiruto'. Man jun akuchi ta ninto-wi-wi', ni kan man jun nichajin wichin.