Wuj Richin Bix Chire ri Dios 1:5 - Kaqchiquel Bible

⁵ Roma ri' rije' kan man xkekolotej ta k'a chuwech ri ruq'atoj-tzij ri Dios. Ni man xkek'oje' ta chikikojol ri choj kik'aslen.

Wuj Richin Bix Chire ri Dios 1:5 ပူးပေါင်းရင်းမြစ်များ

Wuj Richin Bix Chire ri Dios 24:3

¿Achike ta k'a xtitikir xtijote' pa ruwi' ri juyu' richin ri Jehová? ¿Achike kami xtitikir xtapon ri k'a akuchi k'o-wi rija'?

Wuj Richin Bix Chire ri Dios 26:9

Tabana' utzil man nawelesaj nuk'aslen junan kik'in ri aj-maki'. Man naben chuwe chi junan nink'uluwachij kik'in ri e kamisanela',

Wuj Richin Bix Chire ri Dios 5:5

Ri kinimirisan-ki' kan man xkek'oje' ta chawech rat; rat kan ye'awetzelaj k'a ri itzel taq kibanobal.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.

San Mateo 13:49

Keri' k'a xtik'uluwachitej pa ruk'isibel taq q'ij. Ri ángel xkepe k'a chikicha'ik ri winaqi'. Juk'an xkekiya-wi ri choj chik kik'aslen, y xkekelesaj k'a kan ri man e utz ta.

San Mateo 25:32

Kan xkemol-wi k'a apo chinuwech ri winaqi' richin konojel ri ruwach'ulew. Kan xkench'er-wi-el konojel, achi'el nuben jun yuq'unel kik'in ri taq rawej toq yeruch'er ri taq karne'l y ri taq tzuntzun.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

San Mateo 25:46

Y ri winaqi' ri' kan xkebe-wi k'a pa tijoj-poqonal richin jantape'. Jak'a ri chojmilej taq winaqi' xtikil k'a jun k'aslen ri man k'isel ta. Keri' k'a ri ch'abel ri xubij ri Jesús.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

Judas 1:15

richin xtuq'et-tzij pa kiwi' konojel, y richin xtuya' ruk'ayewal pa kiwi' ri winaqi' ri man kik'uan ta ri k'aslen ri niqa' chuwech rija', xa ja ri itzel k'aslen kik'uan, y yekibila' poqon taq ch'abel chirij, xcha'.