Wuj Richin Bix Chire ri Dios 1:3 - Kaqchiquel Bible

³ Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

Wuj Richin Bix Chire ri Dios 1:3 ပူးပေါင်းရင်းမြစ်များ

Wuj Richin ri Jeremías 17:8

Kan xtik'iy k'a achi'el jun che' ri tikil chuchi' jun raqen-ya' y ri ruxe' man nichaqi'j ta qa toq napon ri k'aten. Chuqa' ri ruxaq beneq ruwech rex-rex rubanon. Y chupan ri saq'ij man xtimayamo' ta qa y kan beneq ruwech nuya' ruwech ri che' ri'.

Ez 47:12

Y chi e ka'i' ruchi' ri raqen-ya' ri' xkebek'iy-pe jalajoj kiwech che'. Y ri che' ri' kan xkewachin y e tijel ri ruwech. Ri kixaq man jun bey xketzaq-el y jantape' yewachin. Ik'-ik' yechaq'aj kiwech ri che' ri', roma ri niya'an richin ja ri ya' ri nel-pe pa rachoch ri Dios. Y ri ruwech kan richin yetij y ri kixaq ri che' ri' kan xtik'atzin richin aq'om, xcha' ri achin ri'.

Wuj Richin Bix Chire ri Dios 92:14

Stape' kan k'o chik kijuna', kan utz nel chikiwech ronojel. Kan jantape' k'a k'o kuchuq'a' y jebel yetzu'un.

San Juan 15:6

Wi rix man itunun ta iwi' wik'in, xa xkixelesex-el. Wi keri' xa ix achi'el jun ruq'a' ri juwi-uva ri xa chaqi'j chik ri yebemol-pe richin yek'aq pa q'aq'.

Ez 19:10

Ri Judá achi'el xa ta juwi-uva ri tikil chunaqaj ya' kan jebel niwachin y jebel nijotayin roma kan nibiyin ya' chuxe'.

Wuj Richin ri Rutikeribel 39:23

Y roma kan pa ruq'a' ri José k'o-wi ronojel, ri aj-raqen richin ri cárcel kan man jun chik nuch'ob pa ruwi' ronojel, roma ri Jehová kan nuto-wi ri José y ronojel ri nuben kan utz nel chuwech.

Apocalipsis 22:2

Pa nik'aj chire ri nima-bey richin ri tinamit, chiri' niq'ax-wi ri raqen-ya'. Y chuchi' k'o-wi ri che' ri niya'on k'aslen. Kablajuj bey nuya' ruwech pa jun juna', roma kan ik'-ik' nuya' ruwech. Y ri ruxaq kan aq'om richin yek'achoj ri winaqi' ri e peteneq pa ronojel ruwach'ulew.

Ez 17:8

stape' kan xtik pa jun utzilej ulew chunaqaj ri akuchi k'o janila ya', richin kan jebel ruq'a' nik'oje' y chuqa' kan jebel niwachin.

San Mateo 13:6

Xa jak'a toq xpe ruwech ri q'ij, xemayamo-qa y xechaqi'j-qa, roma xa man nej ta beneq-qa ri kixe'.

2 Crón 31:21

Ronojel ri samaj ri xuben pa rachoch ri Dios kan achi'el ri ruchojmilal ri tz'ibatel chupan ri pixa'. Kan xusamajij k'a ri Dios rik'in ronojel ránima, y roma ri' kan ronojel k'a utz xel chuwech.

Wuj Richin ri Rutikeribel 39:3

Y ri rajaw kan xunabej chi ri Jehová kan k'o-wi rik'in ri José, roma ronojel ri nuben rija', ri Dios kan nuben chire chi kan utz nel chuwech.

Wuj Richin Bix Chire ri Dios 128:2

Kan ja ri ruwech ri atiko'n ri xtatej; xkakikot k'a y kan utz xtel ronojel chawech.

Wuj Richin ri Isaías 3:10

Tibij k'a chike ri choj kik'aslen chi kan utz xkebe, roma kan xtikitej ruwech ri kitiko'n.

Wuj Richin ri Isaías 44:4

Rije' kan xkewinaqir, achi'el nijotayin ri q'ayis, y achi'el ri lama' ri e tikil chuchi' ri raqen taq ya'.

Wuj Richin ri Achin Job 14:9

Jak'a wi nuk'ul ri ya' xa kan niberaxer-pe, y kan nibe-el chik pe ruq'a' achi'el jun che' ri kan k'a alaj na.

San Mateo 21:34

Toq xapon yan ruq'ijul richin niban ri wuxuj-uva, ri rajaw ri ulew xeruteq k'a rusamajela' kik'in ri qajoy ulew richin ta chi xbekik'ulu-pe ri ruwech ri uva qajibel richin ri ulew.

San Mateo 21:19

Toq e beneq, rija' xutz'et k'a jun che' wíkix tikil chuchi' bey. Xbe-apo chukanoxik ruwech, jak'a xa man jun ti ruwech k'o, xa ruyon ruxaq. Jari' k'a toq ri Jesús xch'on rik'in ri che' y xubij k'a: Man jun bey chik k'a xkawachin, xcha'. Y ri wíkix ri' kan jari' xchaqi'j-qa.

Judas 1:12

Ri winaqi' ri' xa nikik'en-pe ruk'ixbilal toq rix nimol-iwi' rik'in ajowabel y junan niben jun wa'in. Xa kan e achi'el ri yuq'unela' ri xaxe rije' nikitzuq-qa-ki' y man yekich'ob ta ri kawej. E achi'el ri sutz' ri man richin ta job ri e uk'uan roma kaq'iq'. Xa e achi'el chaqi'j taq che' ri man nikiya' ta kiwech, achi'el kaminaqi' taq che' ri e k'uqutajineq chik el.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

San Mateo 21:41

Ri winaqi' xkibij k'a: Ri rajaw ri ulew man k'a xtujoyowaj ta kiwech ri itzel taq qajoy-ulew y xkeruk'is; y k'ari' ri rulew xtuya' chik kan pa qajik chike ch'aqa' chik qajoy taq ulew, ri kan xtikiya-wi ri uva qajibel richin, toq napon ri ruq'ijul, xecha'.

1 Crón 22:11

Wakami k'a, nuk'ajol yin; kan ja ri Jehová ri xtik'oje' awik'in richin xtapaba-q'anej ri rachoch, achi'el ri rubin chi ja rat xkabanon.

Wuj Richin Bix Chire ri Dios 129:8

K'ate' ta man jun xtik'utun urtisanik pa kiwi' ri winaqi' ri', y chuqa' man ta jun xturtisan kichin pa rubi' ri Jehová. Jak'a roj kan niqak'utuj urtisanik pan iwi' pa rubi' ri Jehová.

2 Crón 32:23

K'ari' e k'iy k'a winaqi' ri man e aj-Judá ta xe'apon pa Jerusalem rik'in jalajoj ruwech sipanik ri xalex-pe pa kánima richin xkiya' chire ri Jehová. Chuqa' xkiya' sipanik ri janila rejqalen chire ri Ezequías, rey richin Judá. Jari' k'a toq xnimer kan ri rubi' chikiwech ch'aqa' chik ruwach'ulew.

Wuj Richin ri Q'axanri'il 24:6

Kan achi'el jun tinamit ri yuquyik y runuk'uk'en-ri', achi'el jun qejoj ri k'o chuchi' jun raqen-ya'. Rix ix achi'el ri sávila ri kan ja ri Jehová tikiyon-qa, achi'el ri nima'q taq tiox-che' ri yek'oje' chuchi' jun raqen-ya'.

Deut 28:8

Ri Jehová kan xtuben chi xtuya-pe urtisanik pa kiwi' ri iyakonabal richin ri jalajoj ruwech ixin, y chuqa' pa ruwi' ronojel ri xtiben, y xtuya' kikoten iwik'in chupan ri ruwach'ulew ri xtiberuya' chiwe.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

1 Crón 22:13

Kan xkabe k'a pa jotol wi rat xtaben ronojel ri achike nubij ri pixa' ri ya'on kan chire re tinamit ri xuya' ri Jehová chire ri Moisés. Kan tatija' k'a aq'ij: Kan kof k'a kak'oje': Man k'a kamayamo-qa: Y man taxibij-awi'.

Wuj Richin ri Achin Job 22:28

Ronojel k'a ri xtach'ob chi naben, kan utz xtel chawech; roma ri aj-chikajil saqil, kan xtusaqirisaj ri abey.

Wuj Richin Bix Chire ri Dios 92:15

Y keri' nitalutej ri utzilej rutzijol, chi ri Jehová ri nutobal kan choj-wi, y chi rik'in rija' kan xaxe ri ruchojmilal k'o.

Wuj Richin ri Isaías 58:11

Yin xkixinyuqej beneq ruwech, y stape' rix ix beneq pa tz'iran ruwach'ulew, kan xtinya' iway pa ruk'iyal. Chuqa' kan xtinya' jebel iwuchuq'a', y kan xtinben chiwe achi'el jun qejoj ri jebel ya'an, chuqa' achi'el jun alaxibel-ya' akuchi jantape' k'o ya'.

Ez 31:5

Y roma janila ya' rik'in kan janila k'a xk'iy; chikiwech ri ch'aqa' chik che' ri ek'o pa taq juyu'. Ri ruq'a' kan janila xek'iyer y kan janila xenimer.