Os 9:8 - Kaqchiquel Bible

⁸ Ri Dios kan xuya' k'a ri q'alajirisey ruch'abel richin xok jun chajinel chire ri tinamit Israel. Jak'a ri winaqi' xa xkiyala' pikbel pa rubey re jun q'alajirisanel re', stape' kan pa rachoch ri Dios ek'o-wi, xa kan k'o ch'upun-k'u'x kik'in.

Os 9:8 ပူးပေါင်းရင်းမြစ်များ

Os 5:1

Ri Jehová nubij: Rix sacerdote kan tiwak'axaj k'a ri xtinbij. Tinamit Israel, kan tiya' k'a ixikin chire ronojel re', rix ri ix aj pa rachoch ri rey kan tiwak'axaj k'a. Ronojel ri q'atoj-tzij ri xtiberuya' ri Dios, kan pan iwi' k'a rix xtiqaqa-wi ronojel. Rix xa kan xixok k'a jun pikbel chupan ri tinamit Mizpá, achi'el jun ya'l ri rik'il, keri' xiben pa ruwi' ri juyu' Tabor.

Ez 3:17

Rat Ezequiel, yin xinben chawe richin xatok achi'el jun chajinel pa kiwi' ri awinaq israelita. Tawak'axaj k'a ri xtinbij yin y rat k'o chi xtabebij chike ri awinaq.

Wuj Richin ri Miqueas 7:4

Ri más juba' utz chikikojol rije' xa achi'el ri k'ix. Ri más juba' choj chike rije' xa achi'el jun cholaj k'ix. Roma ri' ri q'ij richin rutojbalil ri imak naqaj chik k'o-wi. Ri q'ij ri' kan bin-pe chiwe koma ri e ya'ol rutzijol. Toq xtapon, kan xtisach k'a ik'u'x chi'iwonojel.

Wuj Richin ri Isaías 62:6

Ri Dios e ruya'on chajinela' pa ruwi' ri tz'aq richin ri Jerusalem, y chi paq'ij chi chaq'a' rije' man yetane' ta richin nikiya' rutzijol.

Hebreos 13:17

Kan tiqanimaj k'a kitzij ri qach'alal ri e uk'uey qichin richin niqaya' kikoten pa taq kánima, roma ja rije' ri yechajin ri qánima, y k'o chi nibekiq'alajirisaj chuwech ri Dios ri samaj ri nikiben. Roma wi xa man niqanimaj ta kitzij, rije' xtikiben ri kisamaj rik'in bis. Y re' xa man jun utz ruk'amon-pe.

San Juan 15:24

Stape' rije' xkitz'et re nusamaj, jak'a xa yinketzelaj yin y chuqa' ri nata'. Nubanalon k'iy meyel taq banobel. Y wi man ta kitz'eton re banobel re', man ta niq'alajin chi e aj-maki'.

Ez 33:7

Jak'a rat ri xatincha' chikikojol ri winaqi' richin at okineq jun chajinel pa ruwi' ri nutinamit Israel, ja rat ri xkak'ulun ri ninbij y rat xkaya'on rutzijol chike ri awinaq ri ninwajo' ninbij chike.

Wuj Richin ri K'uxla'anik 4:13

Jak'a ronojel re' xk'uluwachitej roma ri kimak ri e q'alajirisey ruch'abel ri Dios. Re' xbanatej k'a roma ri e sacerdote xa xexotoxo'. Rije' xkiben chi xbiyin kik' pa taq bey chiri' pa Jerusalem. Rije' kan xekikamisaj ri choj kik'aslen.

Wuj Richin ri K'uxla'anik 2:14

Ri achi'a' ri xkibananej chi e q'alajirisey ruch'abel ri Dios, xa tz'ukuj-tzij ri xkiben, y ri xkibij xa man jun rejqalen. Rije' man xkiq'alajirisaj ta ri imak, richin xtzolin ta pe ik'u'x, y man ta xixbe pa ximonri'il. Ri xkiq'alajirisaj chiwech xa xixruk'uaj chik kan pa jun bey.

Wuj Richin ri Jeremías 31:6

Roma xtoqaqa k'a jun q'ij toq xkech'on-q'anej ri yechajin chiri' pa taq juyu' richin Efraín, richin yixkoyoj rix richin yixjote-el pa tinamit Sión richin niya' nuq'ij yin Jehová ri i-Dios.

Wuj Richin ri Jeremías 14:13

K'ari' yin xinbij chire: Jehová, ri nikibananej chi e q'alajirisey ri ach'abel rat, xa nikibij chike ri winaqi' chi man xtibanatej ta ri labal, ni man xtipe ta wayjal y chi rat kan xtaya' jun uxlanibel-k'u'x richin q'asen re wawe'.

Wuj Richin ri Jeremías 6:17

Xenya' chajinela' richin chi xkibij chiwe chi tiya' ixikin chire ri trompeta. Jak'a rix xa xibij chi man niwajo' ta niya' ixikin chire.

Wuj Richin ri Jeremías 6:14

Kan ek'o k'iy winaqi' richin ri tinamit ri ek'o pa q'axo'n, jak'a rije' xa nikibij chi k'o uxlanibel kik'in.

Wuj Richin ri Nimalej Bix 3:3

Xink'utuj k'a chike ri chajinela' ri yechajin ri tinamit, y xink'utuj chike wi kitz'eton ri ninwajo' yin.

2 Rey 13:21

Y k'o k'a jun bey toq ri aj-Moab xepe richin ye'eleq', y ri israelita ye'ajin chumuqik jun achin kamineq. Toq xekitz'et k'a ri eleq'oma', janila xkixibij-ki' y roma ri' xkik'eq kan ri kamineq, ri akuchi muqun-wi ri Eliseo y xe'animej. Y toq ri ruch'akul ri kamineq ri' xutun-ri' rik'in ri ruch'akul ri Eliseo, jari' toq ri kamineq ri' xk'astej chik jun bey y xpa'e-q'anej.

2 Rey 7:19

Toq ri to'onel richin ri rey xubij k'a chire ri Eliseo chi stape' ri Jehová nujeq ta pe ri kaj richin yerutzuq, man xtibanatej ta ri nubij ri Eliseo, jari' toq ri Eliseo xubij, chi rija' kan xtutz'et rik'in ri runaq'-ruwech; jak'a kan man jun xtutej chire ronojel ri'.

2 Rey 7:2

Y ri to'onel richin ri rey xubij chire ri Eliseo: Stape' ri Jehová nujeq ta pe ri kaj richin yojrutzuq, man xtibanatej ta ri nabij, xcha'. Jak'a ri Eliseo xubij: Rat kan xtatz'et rik'in ri runaq' taq awech; jak'a kan man jun xtatej chire ronojel re', xcha'.

2 Rey 5:27

Roma kere' xaben, ri ruyabil ri Naamán xtiq'ax chawij rat y chikij ri awijatzul richin q'asen, xcha' ri Eliseo. Keri' ri Guehazí xel-el chiri' rik'in ri Eliseo, y kan nojineq ri ruch'akul rik'in ri yabil, y kan seq-seq rubanon achi'el ri chuma-tew.

2 Rey 5:14

K'ari' xbe ri Naamán, y xuch'ej-ri' wuqu' mul chupan ri raqen ya' Jordán, achi'el xubij-el ri rusamajel ri Dios chire. Y ri ruch'akul xch'ajch'ojir, y kan achi'el ruch'akul jun ak'ual xuben kan.

2 Rey 4:43

Y ri rusamajel xubij: Re juba' kaxlan-wey re' man nuben ta chi yentzuq re e wok'al achi'a' re ek'o wawe', xcha'. Jak'a ri Eliseo xubij chik jun bey chire: Taya' kiway ri winaqi' richin yewa', roma ri Jehová nubij chi kan xkewa' jebel y kan k'a k'o na xtikolotej kan, xcha'.

2 Rey 4:41

K'ari' ri Eliseo xuk'utuj juba' k'ej, y xuchipipej-qa chupan ri bojo'y. Y k'ari' xubij chi tijach ri kiq'utun. Y konojel k'a ri e q'alajirisey ruch'abel ri Dios xewa', roma ri q'utun xa xban yan raq'omal, y kan utz chik richin nitij.

2 Rey 2:21

Y xbe k'a rija' chuchi' ri ralaxbel-ya'; y xujopij-qa ri atz'an chupan, y xubij: Kere' rubin ri Jehová: Yin ninwaq'omaj re ralaxbel-ya' re'. Man chik jun xtiken roma re ya' re'; keri' chuqa' ri ulew kan xtiwachin, xcha'.

2 Rey 2:14

Y rik'in ri tzieq ri', ri Eliseo xukajij ri ya' achi'el xuben ri Elías toq xeq'ax-apo, y xubij: ¿Akuchi k'o-wi ri uchuq'a' ri xuya' ri Jehová chire ri Elías?, xcha'. Y ri ya' ri' kan xch'aratej chik pa nik'aj, y keri' ri Eliseo xq'ax-apo ri juk'an chik ruchi' ri raqen-ya'.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

1 Rey 22:22

Y ri espíritu ri' xubij: Yin xkibe y xkinok jun espíritu richin tz'ukuj-tzij, y xtinben chike ri achi'a' ri e q'alajirisanela' richin xtikitz'uk-tzij. Y ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.

Romanos 3:7

Jak'a wi xa roma ri tz'ukun taq tzij ri yeqaben roma ri' nibeq'alajin-pe ri qitzij richin ri Dios y nunimirisaj ruq'ij-ruk'ojlen, ¿achike ta k'a roma ri Dios nuq'et-tzij pa qawi' achi'el aj-maki'?

1 Rey 22:11

Y jun k'a chike rije' ri rubini'an Sedequías, ruk'ajol ri Quenaaná, e rubanon ka'i-oxi' ruwachibel uk'a' rik'in q'eqapueq, y rija' xuq'alajirisaj k'a: Kere' nubij ri Jehová: Rik'in k'a re uk'a' re' xke'ikoq'ila-wi ri aj-Siria achi'el nitoq'on jun wákix, k'a toq xkek'is na pan iq'a', xcha' chike.

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

1 Rey 18:19

Tataqa' k'a rubixik chike ri winaqi' aj-Israel chi tikimolo-ki' wik'in yin ri chiri' pa ruwi' ri juyu' Carmelo, y chuqa' chi tikimolo-ki' ri e 450 achi'a' ri yesamajin kichin ri Baal, y ri e 400 achi'a' ri yesamajin kichin ri Asera, ri yetzuq roma ri Jezabel, xcha' ri Elías.

1 Rey 18:1

Toq q'axineq chik k'a ri q'ij, chupan ri rox juna', ri Jehová xch'on chik rik'in ri Elías y xubij chire: Kabiyin y tabek'utu-awi' chuwech ri Acab, y yin kan xtinben chi xtipe job chuwech re ruwach'ulew, xcha'.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

Wuj Richin Bix Chire ri Dios 124:7

Roj xojkolotej kan, achi'el nikolotej jun aj-xik' chikop chuwech jun pikbel ri nuya' kan ri kanonel. Xraq'ach'itej k'a ri kipikbal y roj kan xojkolotej kan.

Wuj Richin ri Molojri'il 9:12

Y roj man qetaman ta achike xtuben ri qak'aslen chiqawech-apo. Xa achi'el ri ker ri nikiya-ki' pa ya'l y ri taq aj-xik' chikopi' toq nikiya-ki' pa pikbel. Xa kan keri' chuqa' niqaben roj. Toq man jun niqach'ob, kan jari' niqaqa ri ruk'ayewal ri k'aslen pa qawi'.

Wuj Richin ri Jeremías 23:13

Yin kan e nutz'eton chi ri winaqi' ri ek'o pa tinamit Samaria kan nikiben ri man niqa' ta chinuwech. Kan nikiq'alajirisaj ri rubi' ri Baal y kan xkiben chike ri winaqi' richin ri tinamit Israel chi xkichop chik el jun bey.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.