Os 9:7 - Kaqchiquel Bible

⁷ Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Os 9:7 ပူးပေါင်းရင်းမြစ်များ

2 Rey 9:11

Chirij ri' ri Jehú xbe'el-pe pa jay y ri rachibil xkik'utuj chire: ¿Man jun xak'uluwachij? ¿Achike roma xpe la jun ch'u'j la' awik'in?, xecha' chire. Ri Jehú xubij: Rix kan iwetaman chik ri achike ch'abel yerubij ri achin ri', xcha'.

Wuj Richin ri Isaías 10:3

¿Achike k'a xtiben rix chupan ri q'ij richin ri rutojbalil, toq xkepe nej ri ruk'ayewal? ¿Achoq ik'in xtito-iwi'? ¿Achoq ik'in xke'iya' kan ri ibeyomel?

Wuj Richin ri Isaías 26:11

Rat Jehová kan atzeqen k'a ri aq'a' pa kiwi' richin naya' rutojbalil-mak chike, jak'a rije' xa man nikajo' ta k'a nikak'axaj. Tabana' utzil tak'utu' ri awajowabal pa kiwi' rije' richin xkek'ixbitej. Taya' q'ij chi ri q'aq' kan xkeruk'is ta rije', achi'el xkek'is ri e etzelanel awichin rat.

Wuj Richin ri Isaías 34:8

Ja q'ij ri' toq ri Jehová xtuya' rutojbalil pa kiwi'; ja q'ij ri' toq xkeruto' ri winaqi' aj-Sión.

Wuj Richin ri Isaías 44:25

Ja yin ri yiyojon ri retal chuwech ri nubananej chi retaman ri peteneq chuwech-apo, y kan yench'ujirisaj ri e etamanel. Ja yin ri ninben chike ri aj-na'oj taq achi'a' richin nikitzolij-ki' chikij, y ronojel ketamabal man jun achoq chuwech niq'ax-wi.

Wuj Richin ri Jeremías 10:15

Kan man jun k'a kejqalen y toq xtapon k'a ri q'ij richin ri aq'atbel-tzij, k'ari' k'a xke'ak'is.

Wuj Richin ri Jeremías 11:23

Kan man jun k'a chike rije' xtik'ase' kan roma kan xtipe ri q'ij chi yin xtinchojmirisaj ronojel kik'in ri aj-Anatot y kan xtinya' k'a tijoj-poqonal pa kiwi', xcha' ri Dios chuwe.

Wuj Richin ri Jeremías 16:18

Kan xtinben chike chi xtikitoj ka'i' mul ri itzel taq kibanobal y ri kimak, roma rije' xkitz'ilobisaj ri nuruwach'ulew. Y rije' xekitorij kan ri itzel taq wachibel ri nikiya' kiq'ij achi'el ri kaminaqi' ri man e muqun ta. Xkiben chire chijun ri ruwach'ulew ri xinya' chike richin xkichinaj kan chi man jun rejqalen, roma xkiben itzel taq banobel chuwech ri kan man utz ta nintz'et yin, xcha' chuwe.

Wuj Richin ri Jeremías 23:13

Yin kan e nutz'eton chi ri winaqi' ri ek'o pa tinamit Samaria kan nikiben ri man niqa' ta chinuwech. Kan nikiq'alajirisaj ri rubi' ri Baal y kan xkiben chike ri winaqi' richin ri tinamit Israel chi xkichop chik el jun bey.

Wuj Richin ri Jeremías 25:14

Chuqa' rije' xke'uk'uex pa ximonri'il koma nima'q taq tzobaj winaqi'. Keri' yin Jehová xtinya' ri rutojbalil-mak pa kiwi', xicha' chike.

Wuj Richin ri Jeremías 29:26

Ri Jehová xtuben chi rat Sofonías xkatok nimalej sacerdote pa ruk'exel ri Joiadá, richin chi ja rat yak'oje' pa ruwi' ronojel chiri' pa rachoch ri Jehová y roma ri' wi napon jun ch'u'j y nich'on achi'el jun q'alajirisey ruch'abel ri Dios, rat xtachop y xtaxim ri ruq'a-raqen y ri ruqul chuwech jun che'.

Wuj Richin ri Jeremías 46:21

Ri aj-labal ri kan e rutojon richin nikiben oyowal, xa kan e achi'el wákix ri janila e ti'ojirisan. Y ri achi'a' ri' kan junanin k'a xke'animej-el roma man xketikir ta xtikikoch' ri ruk'ayewal toq xtapon ri q'ij richin ri rutojbalil.

Wuj Richin ri Jeremías 6:14

Kan ek'o k'iy winaqi' richin ri tinamit ri ek'o pa q'axo'n, jak'a rije' xa nikibij chi k'o uxlanibel kik'in.

Wuj Richin ri Jeremías 8:11

Nikiben chi achi'el nikaq'omaj ri sokotajik toq nikibij: Ronojel utz beneq, toq xa ronojel beneq pa xulan.

Wuj Richin ri K'uxla'anik 2:14

Ri achi'a' ri xkibananej chi e q'alajirisey ruch'abel ri Dios, xa tz'ukuj-tzij ri xkiben, y ri xkibij xa man jun rejqalen. Rije' man xkiq'alajirisaj ta ri imak, richin xtzolin ta pe ik'u'x, y man ta xixbe pa ximonri'il. Ri xkiq'alajirisaj chiwech xa xixruk'uaj chik kan pa jun bey.

Ez 13:10

Rije' xa xkiq'ol ri nutinamit y xkibij chike ri winaqi' chi ronojel utz beneq, toq xa man keri' ta. Rije' xkikusaj ri kich'abel xaxe richin xekichop ri winaqi' y ri kich'abel xa xuben achi'el xchumex rij jun tz'aq ri xa man kow ta k'o.

Ez 13:3

Yin Jehová ninbij chi toq'ex k'a kiwech ri e q'alajirisanela' ri xa kiyon rije' nikinojij y xa e nakaneq, roma ri yekibij xa man k'utumajineq ta chikiwech.

Ez 25:17

Kan xtinya' rajel-ruk'exel chike y rik'in janila woyowal kan xtinya' k'a ri rutojbalil-mak pa kiwi'. Y toq xtinben kere' k'ari' rije' xtiketamaj chi ja yin Jehová ri ink'o pa ruwi' ronojel, xcha'.

Ez 38:23

Keri' xtink'ut k'a chikiwech ri ch'aqa' chik ruwach'ulew chi yin kan in loq'olej y kan nimalej nuq'ij. K'ari' k'a xtiketamaj konojel chi ja yin Jehová ri ink'o pa ruwi' ronojel.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 5:9

Kan ninya' k'a rutzijol chire ri Israel ri xtibebanatej. Ri ruwach'ulew Israel kan xtitole' k'a kan jumul, chupan ri q'ij richin ri tojbalil mak.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 9:8

Ri Dios kan xuya' k'a ri q'alajirisey ruch'abel richin xok jun chajinel chire ri tinamit Israel. Jak'a ri winaqi' xa xkiyala' pikbel pa rubey re jun q'alajirisanel re', stape' kan pa rachoch ri Dios ek'o-wi, xa kan k'o ch'upun-k'u'x kik'in.

Am 8:2

Y ri Dios xuk'utuj chuwe ri achike nintz'et. Y yin xinbij chire chi nintz'et jun chakech ruwech che' ri jebel e cheq', e cheq' chik. Y ri Dios xubij chuwe: Achi'el re ruwech che' re', ri utz chik richin yewux y nimol kichi', keri' chuqa' ri winaqi' israelita ruk'amon chik chi yemol y ye'uk'uex-el. Y roma ri' yin kan man jun bey chik xtinkuy ri kimak.

Wuj Richin ri Miqueas 2:11

Rix xa niwajo' jun q'alajirisanel ri ruk'uan itzel bey, ri xaxe q'oloj ruk'amon-pe, ri nubij ta chiwe chi xtik'oje' iwik'in pa ruk'iyal vino y ya' ri niq'abarisan. Ri xtibin keri' chiwe, jari' k'a ri q'alajirisanel ri iwichin rix.

Wuj Richin ri Miqueas 7:4

Ri más juba' utz chikikojol rije' xa achi'el ri k'ix. Ri más juba' choj chike rije' xa achi'el jun cholaj k'ix. Roma ri' ri q'ij richin rutojbalil ri imak naqaj chik k'o-wi. Ri q'ij ri' kan bin-pe chiwe koma ri e ya'ol rutzijol. Toq xtapon, kan xtisach k'a ik'u'x chi'iwonojel.

Wuj Richin ri Sofonías 3:4

Ri e q'alajirisey nuch'abel xa xkinimirisaj-q'anej-ki', y xa yekiq'ol ri winaqi'. Ri e sacerdote xkiqasaj ruq'ij ri wachoch. y kan xkiq'ej ruwi' ri nupixa', ja yin Jehová ri yibin.

Marcos 3:21

Toq ri e rach'alal ri Jesús xkinabej-pe, xe'apon richin nibekik'ama-pe, roma xkich'ob chi ri Jesús xa xch'ujer.

San Lucas 21:22

Roma toq xtapon k'a ri q'ij richin ri tijoj-poqonal, jari' k'a toq ri tinamit xtuk'ul rutojbalil ronojel ri e rubanalon, y kan xtibanatej k'a achi'el ri tz'ibatel kan chupan ri ruch'abel ri Dios.

2 Corintios 5:13

Wi rix nich'ob chi roj oj ch'ujerineq, kan ja ri Dios ri etamayon. Y wi nich'ob chi oj raxneq, kan k'o k'a utz xtuk'en-pe chiwe rix.

Apocalipsis 16:19

Y ri akuchi k'o-wi ri nimalej tinamit Babilonia xjaqatej ri ruwach'ulew roma ri silonel. Pan oxi' k'a xuben chire ri tinamit ri'. Y ri ch'aqa' chik nima'q taq tinamit ri ek'o chuwech ri ruwach'ulew, xetzaq. Richin keri' ri Dios xuben ruk'exel chike ri winaqi' aj-Babilonia, y xuben chike chi tikiqumu' ri royowal rija'.