Os 9:6 - Kaqchiquel Bible

⁶ Roma k'a ri wululen ri xtipe pan iwi' kan xkixbe; ri Egipto kan xkixruk'ul chik k'a, chupan k'a ri tinamit Menfis xkixmuq-wi. Ri saqipueq ri xk'oje' iwik'in xa xkebek'iy-pe k'ix pa ruwi'. Ri akuchi xk'oje-wi-el ri iwachoch xa xkebenoj-pe chi k'ix.

Os 9:6 ပူးပေါင်းရင်းမြစ်များ

2 Rey 13:7

Y kan man e k'iy ta chik aj-labal ri xek'oje' kan rik'in ri Joacaz, xaxe chik k'a e kawineq lajuj achi'a' ri yech'oke' chirij kiej, e lajuj carruaje y 10,000 aj-labal ri nikiben oyowal chikaqen, ri xekanej kan rik'in; roma ri rey richin Siria kan xeruk'is k'a konojel, kan xuben chike achi'el ri poqolaj.

Wuj Richin Bix Chire ri Dios 107:34

Ri qasanbel taq ulew kan nuben chire chi man yewachin ta chik. Kere' nuben chire roma ri kimak ri winaqi' ri ek'o chuwech.

Wuj Richin Etamabel-Tzij 24:31

Jari' toq xintzu' kan chi janila chi k'ix ri k'iyineq-pe chupan y ri amley kan rutz'apen-ruwi' ri ulew; y ri abej ri e nuk'un-q'anej, ri nik'atzin richin man jun nok-apo ri chiri', xa xewuluwu' yan qa.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Isaías 19:13

Ri e tata'al ri ek'o pa Soan kan maneq chik kina'oj; ri e tata'al ri ek'o pa tinamit Menfis xa xkeq'olotej. Xa kan xkisech kik'u'x ri winaqi' aj-Egipto.

Wuj Richin ri Isaías 27:12

Chupan k'a ri q'ij ri' ri Jehová kan k'o k'a ri xtiberubana'. Nitiker-pe chupan ri raqen-ya' Éufrates y napon k'a pa raqen-ya' Egipto, kan xkeruk'is k'a konojel. Xtiban chike achi'el toq nich'ay ri trigo. Jak'a rix aj-Israel xa kan xkixmol chi'ijujunal.

Wuj Richin ri Isaías 32:13

Chuqa' kixoq' pa ruwi' ri ulew, roma kan xkenoj k'ix chupan. Kixoq' pa kiwi' ri jay akuchi janila yekikot ri winaqi', y chijun ri tinamit ri yenimaq'ijun.

Wuj Richin ri Isaías 34:13

Chupan ri rachoch kan ri rey xkebek'iy-pe jalajoj ruwech k'ix, chuqa' chikij ri tz'aq richin tobel kan xkebek'iy-pe ri ley. Chiri' xkek'oje-wi ri utiwa', y chiri' chuqa' xkek'oje-wi ri túkur.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin ri Isaías 7:23

Chuqa' chupan ri q'ij ri' ri akuchi xk'oje' 1,000 juwi-uva, ri kan janila rajel, xa xkebek'iy-pe ri q'ayis ri janila kik'ixal chuwech.

Wuj Richin ri Jeremías 2:16

Ja jun ri winaqi' aj-Egipto ri e richin ri tinamit Menfis y Tafnes xkiqasaj-iq'ij.

Wuj Richin ri Jeremías 42:22

Roma ri' re wakami kan qitzij ninbij chiwe chi xkixken chi espada o rik'in wayjal o rik'in nima-yabil, chiri' akuchi nirayij yixbek'oje-wi, xicha' chike.

Wuj Richin ri Jeremías 44:1

Ri Dios xch'on chik wik'in richin ninya' re rutzijol re' chike ri nuwinaq ri ek'o wawe' pa ruwach'ulew Egipto chupan ri tinamit Migdol, Tafnes, Menfis y chike ri winaqi' ri ek'o-q'anej pa xokon chire ri ruwach'ulew, y xubij:

Wuj Richin ri Jeremías 44:12

Xtinben chiwe ri xixpe pan Egipto chi kan xkixink'is. Xkixtzaq chi espada y xkixken roma wayjal. Ri más ko'ol k'a ri más nim, kan xkixinkamisaj y xkixok ya'ol taq k'ix. Iwoma rix ri ch'aqa' chik winaqi' xtikixibij-ki' y chuqa' xtiqaqa itzel pan iwi'.

Wuj Richin ri Jeremías 44:13

Kan xtinya' k'a rutojbalil pan iwi' wawe' pan Egipto, achi'el ri rutojbalil ri xinya' pan iwi' chiri' pa Jerusalem. Xkixken chi espada, rik'in wayjal y yabil.

Wuj Richin ri Jeremías 46:14

tinya' rutzijol chijun ri ruwach'ulew Egipto y ri pa taq tinamit Migdol, ri Menfis y ri Tafnes. Y tabij k'a: ¡Kixyakatej y tinaba-iwi', roma ri espada najin chik chi kamisanik!

Wuj Richin ri Jeremías 46:19

Rix winaqi' richin re ruwach'ulew Egipto, kan tichojmirisaj k'a iwi' richin rix yixtalutej-el, roma ri tinamit Menfis kan xtok kan jun tz'iran, kan xtiwuluwu' y man jun chik xtibek'oje' chiri'.

Ez 30:13

Kan xkenwulaj ronojel wachibel, xkenwulaj chuqa' ri ki-dios ri tinamit Menfis. Chuqa' chupan ri ruwach'ulew Egipto kan man jun chik wineq ri nino'on ta richin xtiq'aton-tzij pa ruwi' y roma ri' ri winaqi' janila kixibin-ki'.

Ez 30:16

Xtinya' k'a ruq'aq'al chijun ri ruwach'ulew Egipto. Ri tinamit Sin kan janila ruk'ayewal xtipe pa ruwi', xtikiwulaj k'a ri tz'aq richin ri tinamit Tebas, y ri winaqi' aj-Menfis kan chaq koyoben janipe' napon ri oyowal kik'in.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

Os 11:11

Kan achi'el k'a aj-xik' chikopi' xtikiben richin xke'el-pe pan Egipto. Achi'el k'a nuben ri paloma, keri' xtikiben richin xke'el-pe pan Asiria. Kan xtuben k'a chike chi xkek'oje' chik pa kachoch.

Os 2:6

Roma ri' kan xtintz'apej ri rubey rik'in k'ix kan xtinya' k'a jun tz'aq chirij richin chi nisach ruk'u'x y man nril ta chik rubey.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 7:13

Kan toq'ex k'a kiwech ri aj-Israel roma xa xkich'er kan ki' chuwe yin. Kan xtipe k'a ri wululen pa kiwi'. Kere' xtikik'uluwachij roma xa xkipaba-ki' chinuwech. Xenkol y rije' xa xkitz'uk-tzij chuwij.

Os 7:16

Xa jak'a ri wachibel ri xekitzeqelibej kan, rije' xa kan e achi'el k'a jun rute-ch'ab ri xa kotokik rubanon. Ri e aj-raqen chikikojol rije' xa xekamisex chi espada roma ri kinimirisanen. Chupan ri ruwach'ulew Egipto xtiban k'a yojobenik chikij, nicha' ri Dios.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Sofonías 1:11

Kixoq' rix winaqi' ri ixk'o pa xulan-qa chire ri tinamit, roma konojel ri k'ayinela' xkek'is jumul. Kan xkek'is k'a konojel ri yejalo ri méro chupan ri tinamit.

1 Sam 13:6

Toq ri israelita xkina' chi kan yech'akatej yan koma ri aj-Filistea, xa xe'animej y xkewaj-ki' pa taq jul, chuxe' taq ulew, kojol taq abej y chupan ri nima'q taq jul ri e k'oton.