Os 9:17 - Kaqchiquel Bible

¹⁷ Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.

Os 9:17 ပူးပေါင်းရင်းမြစ်များ

Os 7:13

Kan toq'ex k'a kiwech ri aj-Israel roma xa xkich'er kan ki' chuwe yin. Kan xtipe k'a ri wululen pa kiwi'. Kere' xtikik'uluwachij roma xa xkipaba-ki' chinuwech. Xenkol y rije' xa xkitz'uk-tzij chuwij.

Hechos 3:23

Jak'a achike k'a ri man xtiniman ta chire, xtelesex k'a el chiqakojol ri oj rutinamit chik ri Dios, y xtiqaqa k'a ri kamik pa ruwi', nicha' ri rutz'iban kan ri Moisés.*f11*

Wuj Richin ri Zacarías 1:4

Roma ri' rix man tikowirisaj-iwi' achi'el xkikowirisaj-ki' rije' toq xban ch'owen kik'in koma ri e nabey q'alajirisey nuch'abel yin Jehová k'iytisanel richin ronojel. Ri q'alajirisanela' ri' xkibij chi titzolej-pe kik'u'x wik'in, y tikiya' kan ri itzel taq bey y ri itzel taq banobel. Jak'a rije' xa xkiben chi man xq'ax ta chikiwech y man xkak'axaj ta ri xinbij chike.

Wuj Richin ri Miqueas 7:7

Jak'a yin Miqueas kan ja ri Jehová ri xtintzu' jantape'. Kan xtinwoyobej k'a ronojel pa ruq'a' ri Dios ri xtikolon wichin, Y ri nu-Dios yin kan xkirak'axaj ri nink'utuj chire.

Wuj Richin ri Isaías 48:18

¡Xa ta iya'on ixikin chire ri nupixa'! Xk'oje' ta uxlanibel-k'u'x pa ruk'iyal iwik'in, achi'el jun raqen-ya' ri kan nibulbu'x. Xk'oje' ta ch'akonik jantape' iwik'in rix, achi'el ri ruwi' ri palou ri kan jantape' ye'apon-qa pa sanayi'.

Am 9:9

Yin kan xtinben chiwe rix israelita achi'el xa ta xkixinchayuj kan, achi'el toq nichayux ri trigo. Rix ri yixtzeqeliben wichin kan xkixtalutej k'a el pa taq ruwach'ulew. Jak'a ri man xkinkitzeqelibej ta xa xke'ok achi'el q'ayis ri nichayutej kan.

Os 4:10

Roma xa xkimestaj chi k'o chi yinkisamajij, xkewa' k'a, jak'a xa man xtinoj ta kipan. Xkemakun kik'in ixoqi', jak'a xa man xkewinaqir ta. Ronojel re' xtipe pa kiwi' roma xa xinkimalij kan.

Wuj Richin ri Isaías 7:13

K'ari' ri Isaías xubij: Tiwak'axaj k'a rix ri ix rijatzul kan ri rey David: ¿Kan achi'el niben chike ri winaqi' toq niyek koyowal y kan keri' chuqa' niwajo' niben chire ri qa-Dios?

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin Bix Chire ri Dios 31:14

Jak'a yin kan nukuquban nuk'u'x awik'in rat Jehová, roma kan ja rat at nu-Dios.

Wuj Richin ri Nehemías 5:19

Roma ri' yin xich'on rik'in ri nu-Dios y kere' xinbij chire: Nata' Dios, kinoqaqa k'a chi'ak'u'x, roma ronojel ri xinben pa ruwi' re tinamit re' kan utz ta k'a xuben chawech rat, xicha'.

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

2 Crón 18:13

Jak'a ri Micaías xubij: Chuwech k'a ri k'aslik Jehová, ninbij chi achike xtubij ri Jehová chuwe, jari' ri xtinbij yin, xcha' chire ri oyonel richin.

Deut 32:26

Yin xitikir ta xixintaluj-el richin xixtalutej ta chi nej chi naqaj chuwech re ruwach'ulew richin chi man jun chik tinatan iwichin.

Santiago 1:1

Yin Santiago, jun rusamajel ri Dios y ri ajaw Jesucristo, ninben-el re wuj re' chiwe rix ri ix nuwinaq judío ri ix talutajineq chuwech re ruwach'ulew, tik'ulu' k'a re rutzil-iwech re ninteq-el.

Filipenses 4:19

Ri qa-Dios ri kan k'o-wi ruq'ij-ruk'ojlen y janila rubeyomel, xtuya' k'a ronojel ri xtik'atzin chiwe roma jun ibanon rik'in ri Cristo Jesús.

San Juan 20:28

K'ari' ri Tomás xubij chire ri Jesús: Kan ja rat k'a nu-Dios yin y wajaw yin, xcha'.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

San Juan 7:35

Y ri achi'a' ri kan k'o-wi kiq'ij nikibila' chikiwech: ¿Akuchi kami k'a xtibe-wi re Jesús re'? Roma nubij chi man xtibeqila' ta chik pe. ¿Nibe kami k'a pa ch'aqa' chik ruwach'ulew richin niberutzijoj ri ruch'abel chike ri qawinaq judío y chike ri man e judío ta?

Am 8:2

Y ri Dios xuk'utuj chuwe ri achike nintz'et. Y yin xinbij chire chi nintz'et jun chakech ruwech che' ri jebel e cheq', e cheq' chik. Y ri Dios xubij chuwe: Achi'el re ruwech che' re', ri utz chik richin yewux y nimol kichi', keri' chuqa' ri winaqi' israelita ruk'amon chik chi yemol y ye'uk'uex-el. Y roma ri' yin kan man jun bey chik xtinkuy ri kimak.

Wuj Richin ri Jeremías 6:30

Roma ri' ninbij chi rije' e achi'el ri saqipueq ri man nik'atzin ta chik, roma rat Jehová kan xe'awetzelaj.

Deut 4:25

Toq rix ek'o chik iwalk'ual, iwiy-imam y xixrijix yan chupan ri ruwach'ulew ri', man ke'ibanala-q'anej wachibel e paban o xabachike wachibel ri man niqa' ta chuwech ri qa-Dios richin man niyek royowal.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Wuj Richin ri Jeremías 7:13

Stape' k'iy bey nubin chiwe chi rix xa jantape' yixmakun, rix kan man iwajowan ta iniman nutzij y kan ja ri pa rutikeribel kan keri' ibanon.

Wuj Richin ri Jeremías 7:15

Kan xkixinwelesaj-el chinuwech achi'el xenwelesaj-el pan Israel konojel ri iwach'alal ri xek'oje' chiri', xcha'.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.