Os 9:16 - Kaqchiquel Bible

¹⁶ Ri tinamit Israel kan xsokotej k'a, ri ruxe' xa xchaqi'j-qa y man xtiwachin ta chik. Stape' ye'alk'ualan, yin man xtinya' ta q'ij richin nik'ase' ri kalk'ual, nicha' ri Dios.

Os 9:16 ပူးပေါင်းရင်းမြစ်များ

Wuj Richin ri Rutikeribel 41:23

Xeri' xintz'et chi ek'o wuqu' chik ruwi' trigo ri xebek'iy-pe, ri e chaqi'j-chaqi'j yetzu'un, taq e kokoj ok kipan y e k'atineq roma ri kaq'iq' ri nipe ri pa relebel-q'ij.

Wuj Richin ri Achin Job 18:16

Kan xtuk'uluwachij k'a achi'el nuk'uluwachij jun che', toq nichaqi'j-qa ri ruxe', y keri' k'a pa rutum-el.

Wuj Richin ri Isaías 40:24

Roma rije' xa man yeyaloj ta el, achi'el k'a ri tiko'n ri k'ari' yetik-qa, y k'ari' nuk'en-qa ri kixe'. Jak'a ri Dios xa nuxupuj chik el, y xa yechaqi'j-qa, y kan yeruk'uaj-el kaq'iq' achi'el nuben chire ri solot.

Wuj Richin ri Isaías 5:24

Roma ri' rix kan xkixk'is k'a, achi'el ri ruxaq-q'aq' ri kan nuk'is ri chaqi'j ruxaq taq che', achi'el chuqa' ri q'aq' ri nuk'is jumul ri k'im. Kan keri' k'a xkixbek'is rix chi'iwonojel, achi'el ri q'ayis ri niq'ey ri ruxe', y ri rusi'j xa nik'is-qa y nok achi'el poqolaj ri nuk'uaj-el ri kaq'iq'. Ronojel k'a re' xtibanatej roma kan xmulun ik'u'x chirij ri rupixa' ri Jehová k'iytisanel richin ronojel, y chuqa' roma xiwetzelaj kan ri Jehová ri qa-Dios.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Os 5:11

Ri Israel kan poqonatajineq roma kan xya'ox rutojbalil-mak pa ruwi' ri kan ruk'amon richin nuk'ul. Roma kan xerutzeqelibej ri xa man jun kejqalen.

Os 8:7

Ri israelita xkitik k'a kaq'iq'; xtikiwachij k'a surkum. Man jun k'a ruwech tiko'n xtikik'ol chire ri ruwi' trigo, kan man xtiban ta k'a k'ej; y wi ta xtiban ri k'ej, xa winaqi' e aj juk'an chik xketijo-el.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.