Os 9:15 - Kaqchiquel Bible

¹⁵ Ri Jehová nubij k'a: Ronojel ri mak ri xkiben ri aj-Israel pa Guilgal; kan ja ri chiri' xinchop-pe richin yenmalij kan, roma ronojel ri etzelal ri nikiben. Kan xkenwelesaj k'a el chupan ri wachoch, kan man xkenwajo' ta chik, konojel ri tata'al xa man pa ruchojmilal ta nikiben xa kan e itzel taq winaqi'.

Os 9:15 ပူးပေါင်းရင်းမြစ်များ

Os 12:11

Ri winaqi' richin Galaad xa ja ri dios ri man e qitzij ta ri xekitzeqelibej. Ri winaqi' ri ek'o pa Guilgal xekisuj k'a richin kamelabel ri achija' taq wákix. Ri kiporobal rije' xa ruyon k'a mulumeq taq abej ri ek'o chukojol boloj ulew richin pa juyu'.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Am 5:5

Man tikanoj ri tinamit Betel. Man kixbe pa tinamit Guilgal. Chuqa' man kixq'ax-el pa Beerseba, roma ri aj-Guilgal kan xke'uk'uex-el pa ximonri'il. Y ri Betel kan xtiwuluwu' kan.

1 Sam 7:16

Y ronojel k'a juna' napon chupan re tinamit re': Pa Betel, pa Guilgal y pa Mispá richin nuq'et-tzij pa kiwi'.

Wuj Richin ri Sofonías 3:3

Ri e aj-raqen ri ek'o pan itinamit Jerusalem e achi'el koj ri yewuyin. Ri to'onela' kan e achi'el utiwa'. Rije' xaxe chi'aq'a' yebiyaj richin nikikanoj kiway. Y toq niseqer-pe ri jun chik q'ij, man jun chik k'o kik'in.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Hechos 4:27

Kan qitzij wi, chi achi'el ri tz'ibatel kan, keri' ri xbanatej. Roma ri rey Herodes Antipas y ri q'atoy-tzij Poncio Pilato, ri qawinaq y ri man e qawinaq ta; rije' xkimol-ki' wawe' pa Jerusalem richin xeyakatej chirij ri Jesús ri loq'olej ak'ajol ri acha'on-pe.

Wuj Richin ri Zacarías 11:8

Pa jun ik' xenwelesaj k'a el oxi' chike ri yuq'unela', roma xkiben chuwe richin xik'o yan nuk'u'x kik'in. Chuqa' ri winaqi' xa kan xinketzelaj.

Wuj Richin ri Miqueas 3:11

Ri e q'atoy taq tzij xa k'o chi yepuaqix na richin nikiq'et-tzij. Ri e sacerdote xa roma k'a méro toq yetijon. Y ri e q'alajirisanela' xa kan nikik'utuj kajel richin nikibij ri niq'alajirisex chikiwech. Stape' rije' nikiben ronojel re', kan nikibij chi ri Jehová kan k'o kik'in. Y chuqa' nikibij chi man jun ruk'ayewal xtiqaqa pa kiwi' rije' roma kan k'o ri Jehová kik'in.

Am 5:27

roma yin xkixinteq-el más k'a kela' chirij ri ruwach'ulew Damasco. Yin Jehová ri Dios ri k'o ronojel uchuq'a' wik'in ri yibin.

Am 4:4

Kixbiyin pa Betel, y chiri' kixmakun-wi. Kixbiyin pa Guilgal, y kixmakun más ri chiri'. Ronojel k'a nimaq'a', tisuju' kamelabel richin nikuyutej ri imak. Y pa taq ox-ox q'ij, tik'ama' k'a pe ri jun chire ri lajuj chire ronojel.

Os 9:17

Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

Os 4:9

Kan xtinya' k'a rutojbalil-mak pa ruwi' ri nutinamit. Junan kik'in ri sacerdote, xtikik'ul k'a rutojbalil ri kibanobal.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Os 1:9

Y ri Dios xubij chik k'a chuwe: Ri ti ak'ajol xtubini'aj: Ri Man Nutinamit Ta,*f2* roma wakami rix xa man ix nutinamit ta chik y yin man in i-Dios ta chik, xcha'.

Os 1:6

Ri wixjayil xyawej chik k'a jun bey y xk'oje' chik jun ti ral xten y ri Dios xubij k'a chuwe: Ri ti ami'al xtubini'aj: Man Jun Xtijoyowan ruwech,*f1* roma yin kan man xtinjoyowaj ta chik ruwech ri tinamit Israel y kan man xtinkoch' ta chik.

Ez 23:18

Y keri' xuk'ayij ri' chubanik ri itzel k'aslen y xuk'utula' ri ruch'akul. Roma ri' yin Jehová kan rik'in ronojel wánima itzel k'a xintz'et achi'el xinben chuqa' rik'in ri rach'alal.

Ez 22:27

Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Wuj Richin ri Jeremías 11:15

Chuqa' xubij chi kere' tinbij chike ri nuwinaq: Rix ri ix wichin yin y ri kan janila yixinwajo', kan man jun iq'a' richin ixk'o wawe' pa wachoch roma xa janila etzelal ibanalon. Ri sipanik ri ye'isuj man yixruto' ta chupan ri rutojbalil.

Wuj Richin ri Jeremías 5:5

Wakami k'a yibe kik'in ri nima'q taq winaqi' richin yibech'on kik'in, roma rije' kan ketaman ri rubey ri Jehová, ri ruchojmilal richin ri Dios. Jak'a rije' chuqa' xa xkiq'ej ri rutzij ri Jehová y man xkinimaj ta rutzij.

Wuj Richin ri Jeremías 3:8

Y rije' xkitz'et chi ri tinamit Israel man xkijech ta ki' xaxe chuwe yin, xa xkiya' kiq'ij ch'aqa' chik dios. Roma ri' yin kan xinjech-wi' kik'in y kan xinya' jun wuj chike richin ri qach'arojri'il. Jak'a ri itzel rach'alal Judá xa man xkixibij ta ki' xa kan keri' chuqa' xkiben rije'.

Wuj Richin Bix Chire ri Dios 78:60

Xumalij k'a kan ri rachoch banon rik'in tzieq, ri paban-q'anej pa Siló, ri jay ri akuchi xk'oje' rija', chikikojol ri qawinaq.

Wuj Richin ri Josúe 10:43

K'ari' ri Josué y ri aj-labal xebe y xetzolin-qa pa Guilgal ri akuchi ek'o-wi-qa.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Hechos 5:21

Roma ri' nimaq'a' yan ruka'n q'ij xebe ri pa rachoch ri Dios, y yekitijoj k'a ri winaqi'. Rokik ri', juk'an chik, ri nimalej sacerdote y ri rachibil xekiteq k'a koyoxik ri achi'a' ri k'o kiq'ij. Y konojel rije' xkimol-ki'. K'ari' xkiteq kik'amik ri e taqon roma ri Cristo ri ek'o pa cárcel.

Wuj Richin ri Jeremías 12:8

Ri tinamit ri' ri kan wichin yin, nikireq kichi' chuwij yin, achi'el jun koj ri k'o pa k'echelaj y kan niq'ajan-pe. Roma ri' kan yenwetzelaj.

Os 12:2

Ri Jehová kan nuben k'a oyowal kik'in ri aj-Judá, richin nuya' rutojbalil-mak pa kiwi' ri rijatzul kan ri Jacob, roma ri bey ri kitzeqeliben. Kan xtuya' k'a rutojbalil chike achi'el ri rubanik ri kibanobal.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.