Os 9:13 - Kaqchiquel Bible

¹³ Yin nintz'et chi ri tinamit Israel kan junan rik'in ri tinamit Tiro. Ri kan jebel ri akuchi k'o-wi; jak'a xa kan xeruk'iytisaj ri ralk'ual xaxe richin yerujech pa kamik.

Os 9:13 ပူးပေါင်းရင်းမြစ်များ

2 Rey 15:16

K'ari' ri Menahem, xuben oyowal kik'in ri aj-Tífsah, xuch'ek k'a y xerukamisaj konojel ri winaqi', y kan xujeq kipan konojel ixoqi' ri koyoben alanik. K'ari' xrelesaj-pe chuwi-kiq'a' ronojel ri k'o rejqalen. Kan keri' chuqa' xuben kik'in konojel ri tinamit ri ek'o chunaqaj y k'a napon ri pa Tirsá. Keri' xuben roma kan man xkajo' ta k'a richin xok rey pa kiwi'.

Wuj Richin ri Achin Job 27:14

Y stape' kan e janila e k'iy kalk'ual xkek'oje', xa pa labal xkebeken-wi kan, y ri más kokoj xa xkeken roma wayjal.

Wuj Richin ri Jeremías 7:15

Kan xkixinwelesaj-el chinuwech achi'el xenwelesaj-el pan Israel konojel ri iwach'alal ri xek'oje' chiri', xcha'.

Wuj Richin ri Jeremías 9:21

Ri kamik kan xok yan apo pa taq qachoch, chuqa' xok yan apo chiri' pa taq tobel. Chuqa' ri pa taq bey; ja ri taq ak'uala' ri yeken kan y pa taq nima'q ruwech bey richin molojri'il, ja ri alaboni' ri yeken kan.

Wuj Richin ri K'uxla'anik 2:22

Xak'en k'a pe janila ruk'ayewal pa qawi', kan achi'el toq nikimol-ki' ri janila chi winaqi' pa jun nimaq'ij. Chupan ri q'ij richin ri awoyowal, kan man jun k'a xtikir xukol-ri' chawech. Ri etzelanel qichin kan xeruk'is k'a konojel winaqi' ri e nuk'iytisan-pe ri winaqi' ri nuya'on-pe tijonik chike, wakami xa xeken yan.

Ez 27:3

Ri tinamit Tiro k'o chuchi' ri palou. Rija' banoy k'ayij y loq'oj kik'in konojel ruwach'ulew ri ek'o chuchi' ri palou. Ri Dios nubij chi rija' nuch'ob chi jebel ok,

Os 10:14

Roma ri' ri winaqi' ri ek'o pa taq itinamit xa kan xtisach k'a kik'u'x. Ronojel ri jay richin tobel ri tz'apen-kij chi tz'aq xa xkewulex, achi'el xuben ri rey Salman chire ri tinamit Bet-arbel chupan ri labal, toq ri teja' xekamisex junan kik'in ri taq kal.

Os 13:16

Ri tinamit Samaria kan xtiqaqa k'a ri rutojbalil-mak pa ruwi' roma kan xupaba-ri' chuwech ri Dios, kan xkekamisex chi espada. Ri taq ak'uala' kan xkek'aq k'a pan ulew, ri ixoqi' ri nibe'alex yan taq kal xa kan xtijaq k'a ri kipan, ncha' ri Dios.

Os 13:8

Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 9:16

Ri tinamit Israel kan xsokotej k'a, ri ruxe' xa xchaqi'j-qa y man xtiwachin ta chik. Stape' ye'alk'ualan, yin man xtinya' ta q'ij richin nik'ase' ri kalk'ual, nicha' ri Dios.

Am 7:17

Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.