Os 9:12 - Kaqchiquel Bible

¹² Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

Os 9:12 ပူးပေါင်းရင်းမြစ်များ

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

2 Rey 17:23

Y roma ri' ri Jehová kan xerelesaj k'a el chiri' chupan ri kiruwach'ulew, achi'el rubin chike ri rusamajela' ri e q'alajirisey ri ruch'abel. Y ri israelita xeq'axex chupan ri ruwach'ulew Asiria k'a re wakami.

Wuj Richin ri Achin Job 27:14

Y stape' kan e janila e k'iy kalk'ual xkek'oje', xa pa labal xkebeken-wi kan, y ri más kokoj xa xkeken roma wayjal.

Wuj Richin ri Jeremías 15:7

Xkixintaluj k'a el achi'el nutaluj ri' ri páxa y xkixink'uaj-el chupan ri ch'aqa' chik ruwach'ulew. Kan iwonojel xkixk'is roma kan man xiwajo' ta xiya' kan ri itzel k'aslen.

Wuj Richin ri Jeremías 6:8

Y rix winaqi' aj-Jerusalem, tichojmirisaj k'a ri ik'aslen, roma wi man xtiben ta, yin kan xtinch'er-el-wi' iwik'in roma janila woyowal. Y kan xtinben chire ri iruwach'ulew chi xtok jun tz'iran, jun tinamit ri kan man jun chik wineq ri xtik'oje' kan chupan.

Wuj Richin ri K'uxla'anik 2:20

Nimalej Jehová, tabana' utzil tatz'eta' y tach'obo' chi kan man jun chik achoq pa ruwi' aya'on-wi re jun ruk'ayewal re'. ¿Kan xkekitej kami qa ri teja' ri taq kal, ri k'a yetz'uman na? ¿Kan xtaya' ta kami q'ij richin yekamisex ri e sacerdote y ri e q'alajirisey ri ach'abel chupan ri awachoch?

Wuj Richin ri K'uxla'anik 2:22

Xak'en k'a pe janila ruk'ayewal pa qawi', kan achi'el toq nikimol-ki' ri janila chi winaqi' pa jun nimaq'ij. Chupan ri q'ij richin ri awoyowal, kan man jun k'a xtikir xukol-ri' chawech. Ri etzelanel qichin kan xeruk'is k'a konojel winaqi' ri e nuk'iytisan-pe ri winaqi' ri nuya'on-pe tijonik chike, wakami xa xeken yan.

Os 7:13

Kan toq'ex k'a kiwech ri aj-Israel roma xa xkich'er kan ki' chuwe yin. Kan xtipe k'a ri wululen pa kiwi'. Kere' xtikik'uluwachij roma xa xkipaba-ki' chinuwech. Xenkol y rije' xa xkitz'uk-tzij chuwij.

Os 9:13

Yin nintz'et chi ri tinamit Israel kan junan rik'in ri tinamit Tiro. Ri kan jebel ri akuchi k'o-wi; jak'a xa kan xeruk'iytisaj ri ralk'ual xaxe richin yerujech pa kamik.

Os 9:16

Ri tinamit Israel kan xsokotej k'a, ri ruxe' xa xchaqi'j-qa y man xtiwachin ta chik. Stape' ye'alk'ualan, yin man xtinya' ta q'ij richin nik'ase' ri kalk'ual, nicha' ri Dios.

Wuj Richin ri Malaquías 2:12

Ri Jehová kan xtukamisaj ta k'a xabachike ri nibanon keri', stape' ta xtusuj sipanik chuwech.

Wuj Richin ri Q'axanri'il 14:34

Ri nachanela' kawineq q'ij ri xbekibana' richin xbekinik'oj ri ruwach'ulew. Y rix xtiq'axaj tijoj-poqonal roma ri imak y k'ari' xtiwetamaj achike rupoqonal ri xtiqaqa pan iwi', roma yin in yakatajineq chiwij. Re' k'o chi niq'axaj kawineq juna', jun juna' roma jun q'ij.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Deut 28:18

Ri Jehová xtuben chi juba' ok iwalk'ual xkek'oje', y xa juba' ok xtiwachin ri itiko'n, y ri kal ri iwawej kan e juba' ok.

Deut 28:32

Kan chiwech rix xkejach-el ri iwalk'ual pa kiq'a' ch'aqa' chik winaqi' ri man e iwinaq ta, y jantape' k'a xtiwajo' xtitz'et chik kiwech, jak'a man jun chik xkixtikir xtiben richin xketzolej ta chik pe iwik'in.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.

Wuj Kichin ri To'onela' 4:16

Y ri aj-labal y ri achi'a' ri e beneq pa carruaje xe'animej k'a, y ri Barac y ri achi'a' ri e rachibilan-el xekitzeqelibej-el k'a pa Haróset-goím. Konojel aj-labal richin ri Sísara xekamisex chi espada, y kan man jun k'a ri xkolotej kan.

1 Sam 16:14

Ri Espíritu richin ri Jehová xel k'a el rik'in ri Saúl, y ri Jehová xuteq chik k'a pe jun itzel espíritu rik'in, y jari' ri nich'ujirisan richin.