Os 9:11 - Kaqchiquel Bible

¹¹ Ri ruwaq'ijaj ri xk'oje' rik'in ri tinamit Israel xa kan xtibe achi'el nuben jun aj-xik' chikop. Roma ri' xa kan man jun chik k'a xtalex chikikojol, ri ixoqi' man xkeyawej ta chik chirij ak'ual, kan man jun chik k'a ak'ual xtitz'ukutej-pe kik'in.

Os 9:11 ပူးပေါင်းရင်းမြစ်များ

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 9:14

Jehová, kan taya' k'a pa kiwi' ri k'o chi naya-pe. Tabana' chike ri ixoqi' chi nikiben ta el tzaqonik. Ri ruwa taq kik'u'x tabana' chike chi maneq ta tz'umaj chupan.

Os 4:7

Rokik más xek'iyer-q'anej ri sacerdote, keri' chuqa' más xk'iyer-q'anej ri mak chinuwech yin. Yin kan xtinben k'a chi pa ruk'exel ri ruwaq'ijaj ri kik'uan, xa kan xtikiya' k'a kik'ix.

Deut 28:18

Ri Jehová xtuben chi juba' ok iwalk'ual xkek'oje', y xa juba' ok xtiwachin ri itiko'n, y ri kal ri iwawej kan e juba' ok.

San Lucas 23:29

Roma kan ek'o k'a q'ij xke'oqaqa toq k'ayew ri xtibanatej. Roma ri' xtibitej chi jebel ruwa-ruq'ij ri ixoq ri man xalan ta, ni man jun bey xroyobej ta jun ak'ual, y man xuya' ta chuqa' rutz'um jun ak'ual.

Am 1:13

Kere' nubij ri Jehová pa kiwi' ri aj-Amón: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xkiqupij kipan ri ixoqi' ri koyoben alanik ri chiri' pa ruwach'ulew Galaad. Ronojel re' xkiben xaxe richin chi ninimer ri kulew.

Wuj Richin ri Molojri'il 6:3

Stape' jun achin xeralk'ualaj ta e wok'al ralk'ual y kan janila xyaloj xk'ase-el, ri rujuna' kan janila k'iy ri xukochij-el. Y man xuya' ta chire ri ránima janipe' ri xurayij, y kan man xmuq ta chi utzil. Yin ninch'ob chi k'o más rejqalen ri ak'ual ri kamineq xalex ri man xril ta ruq'ijul ke chuwech ri jun achin ri'.

Wuj Richin Bix Chire ri Dios 58:8

Kan ta k'a xkek'is rije' achi'el ri chikop ri nibix pur chire, ri eqal-eqal nik'is-qa. Man ta k'a xtikitz'et ri saqil, achi'el jun ak'ual ri kamineq xalex.

Wuj Richin ri Achin Job 18:5

Kan qitzij chi ri kik'aslen ri winaqi' ri maneq Dios chikiwech, kan achi'el jun q'aq' y k'o jun q'ij xa xtichup; y ri ruxaq ri kiq'aq' ri' man xtisaqirisan ta chik.

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.

Wuj Richin ri Rutikeribel 49:22

Ri José achi'el tipe jun tikilik che', rija' tikil chuchi' jun ralaxbel-ya' y jebel niwachin, ri ruq'a' kan yejote' k'a chuwech ri tz'aq.

Wuj Richin ri Rutikeribel 41:52

Y xalex k'a ri ruka'n ruk'ajol y xubini'aj Efraín y re' nel chi tzij niwachin, roma rija' xubij: Ri Dios xuben chuwe richin xek'oje' walk'ual chupan re ruwach'ulew akuchi janila xintej poqon, xcha'.

Wuj Richin ri Isaías 17:3

Ri tinamit ri sutin-kij ri ek'o chiri' pan Israel kan xkewulatej, Y ri uchuq'a' ri k'o rik'in ri rey richin Damasco xa xtelesex-el. Y ri juba' ri xkekolotej kan chike ri aj-Siria xa kan xkek'ixbitej achi'el xkiben ri aj-Israel. Yin Jehová k'iytisanel richin ronojel ri yinbin.

Os 5:9

Kan ninya' k'a rutzijol chire ri Israel ri xtibebanatej. Ri ruwach'ulew Israel kan xtitole' k'a kan jumul, chupan ri q'ij richin ri tojbalil mak.

2 Sam 6:23

Y ri Mical ri rumi'al kan ri Saúl kan man jun bey xk'oje' ta ral chijun ruk'aslen.