Os 8:13 - Kaqchiquel Bible

¹³ Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 8:13 ပူးပေါင်းရင်းမြစ်များ

Ex 20:3

Man tiben chi kan ek'o ch'aqa' chik dios, roma xaxe yin ri qitzij Dios.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin Etamabel-Tzij 21:27

Ri kamelabel ri nikiya' ri winaqi' ri kan e banoy richin ri etzelal, xa netzelex roma ri Jehová, y más nretzelaj toq xa rik'in jun itzel kánima nikiya'.

Wuj Richin ri Isaías 1:11

¿Achike ta k'a nik'atzin chuwe ri janila chi kamelabel ri niben? Kan xik'o yan nuk'u'x rik'in ri poron taq karne'l, y ri kiq'anal ri e tiojirisan taq chikopi'. Man ninrayij ta chik ri kikik'el ri bóyix, ni kichin ri alaji' taq karne'l ni ri taq tzuntzun.

Wuj Richin ri Jeremías 14:10

Y ri Jehová jare' ri xubij pa kiwi' rije': Re tinamit re' niqa' chikiwech yebe-kela' yebe-kela' nikiben. Roma ri' man niqa' ta chinuwech ri nikiben. Re wakami kan noqaqa chinuk'u'x ri kimak y kan xtinya' ri rutojbalil pa kiwi', xcha' chuwe.

Wuj Richin ri Jeremías 6:20

Kan man jun nuq'ajuj chuwe richin nik'en-pe pom ri k'o chiri' pa tinamit Sabá. Chuqa' man ninwajo' ta jubulej taq aji'j richin nej taq ruwach'ulew. Chuqa' man niqa' ta chinuwech ri poron taq chikopi' y kan man niqa' ta chinuwech ri ikamelabal.

Ez 29:16

Y ri tinamit Israel kan man jun bey chik xtukuquba' ruk'u'x rik'in, xa k'ari' xtiq'ax chuwech chi kan man utz ta ri xuben toq xberuk'utuj to'onik iwik'in. Keri' ri awinaq aj-Egipto kan xtiketamaj chi ja yin Jehová.

Os 11:5

Rije' man xketzolin ta chik k'a pan Egipto, pa ruk'exel ri' xa jak'a ri rey richin Asiria ri xtik'oje' pa kiwi'. Kere' xtikik'uluwachij roma kan man xkajo' ta xtzolej kik'u'x wik'in.

Os 12:11

Ri winaqi' richin Galaad xa ja ri dios ri man e qitzij ta ri xekitzeqelibej. Ri winaqi' ri ek'o pa Guilgal xekisuj k'a richin kamelabel ri achija' taq wákix. Ri kiporobal rije' xa ruyon k'a mulumeq taq abej ri ek'o chukojol boloj ulew richin pa juyu'.

Os 4:9

Kan xtinya' k'a rutojbalil-mak pa ruwi' ri nutinamit. Junan kik'in ri sacerdote, xtikik'ul k'a rutojbalil ri kibanobal.

Os 5:6

Chirij k'a ri' xkekik'uaj k'a ri kiwákix y ri kikarne'l, richin chi xkinkikanoj yin Jehová. Jak'a xa kan man xkinkil ta roma yin xa man xkik'oje' ta chik kik'in.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 7:16

Xa jak'a ri wachibel ri xekitzeqelibej kan, rije' xa kan e achi'el k'a jun rute-ch'ab ri xa kotokik rubanon. Ri e aj-raqen chikikojol rije' xa xekamisex chi espada roma ri kinimirisanen. Chupan ri ruwach'ulew Egipto xtiban k'a yojobenik chikij, nicha' ri Dios.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

Os 9:6

Roma k'a ri wululen ri xtipe pan iwi' kan xkixbe; ri Egipto kan xkixruk'ul chik k'a, chupan k'a ri tinamit Menfis xkixmuq-wi. Ri saqipueq ri xk'oje' iwik'in xa xkebek'iy-pe k'ix pa ruwi'. Ri akuchi xk'oje-wi-el ri iwachoch xa xkebenoj-pe chi k'ix.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Am 5:22

Man ninwajo' ta nisuj chikop ri niporox chijun. Man nink'awomaj ta ri sipanik richin jalajoj ruwech ixin. Toq nik'en-pe ri sipanik ri niq'alajirisan chi junan iwech wik'in, re' kan man jun rejqalen chinuwech yin.

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.

San Lucas 12:2

Ronojel ri man q'alajirisan ta xtibeq'alajin-pe. Y ronojel ri tz'apel kan rij, xtel k'a pe chuwa saqil.

1 Corintios 11:20

Y toq rix nibij chi nimol-iwi' richin chi ninataj ri rukamik ri ajaw Jesucristo, kan niben-wi k'a ri nima-wa'in, jak'a xa man pa ruchojmilal ta niben chire.

1 Corintios 11:29

Roma wi xa man niq'ax ta chiwech ri rejqalen ri ruch'akul ri ajaw Jesucristo toq nitej ri kaxlan-wey y niqum ri vino, kan k'o k'a ri ruk'ayewal ri niqaqa pan iwi'.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Deut 28:68

Stape' ri Jehová xubij chiwe richin man jun bey chik xkixtzolin pan Egipto, xa kan xkixruteq k'a el pa taq barco y xa xkixtzolin chik chiri'. Xtiwajo' xtik'ayij-iwi' pa kiq'a' ri e etzelanel iwichin richin xkixok loq'on taq samajela' jak'a xa kan man jun xtiloq'on iwichin. Ronojel k'a re' xtik'uluwachij wi rix man xtiben ta ri nubij ri pixa', xcha' ri Moisés chike.

Apocalipsis 16:19

Y ri akuchi k'o-wi ri nimalej tinamit Babilonia xjaqatej ri ruwach'ulew roma ri silonel. Pan oxi' k'a xuben chire ri tinamit ri'. Y ri ch'aqa' chik nima'q taq tinamit ri ek'o chuwech ri ruwach'ulew, xetzaq. Richin keri' ri Dios xuben ruk'exel chike ri winaqi' aj-Babilonia, y xuben chike chi tikiqumu' ri royowal rija'.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.