Os 7:13 - Kaqchiquel Bible

¹³ Kan toq'ex k'a kiwech ri aj-Israel roma xa xkich'er kan ki' chuwe yin. Kan xtipe k'a ri wululen pa kiwi'. Kere' xtikik'uluwachij roma xa xkipaba-ki' chinuwech. Xenkol y rije' xa xkitz'uk-tzij chuwij.

Os 7:13 ပူးပေါင်းရင်းမြစ်များ

Os 9:12

Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

Os 11:12

Rije' xa kan xaxe k'a tz'ukuj-tzij nikiben chuwech. Kan ruyon k'a q'oloj nikiben. Ri aj-Judá kan kich'aron k'a kan ki' chire ri Dios. Wakami xa jak'a ri wachibel ri xkitzeqelibej.

Apocalipsis 8:13

Jari' toq xintz'et y xinwak'axaj chi tiropop beneq jun kot pa kaq'iq' y janila nej jotol chikaj y rik'in k'a ronojel ruchuq'a' xubij oxi' mul: Kan toq'ex k'a kiwech ri winaqi' ri ek'o chuwech ri ruwach'ulew toq xkeq'ajan-pe ri oxi' chik trompeta ri yexupux koma ri ángel, nicha'.

1 Juan 1:10

Y wi niqabij chi man jun mak niqaben, kan niqaben chi man qitzij ta ri nubij ri Dios. Y ri ruch'abel xa man k'o ta pa taq qánima.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Jonás 1:10

Rija' xutzijoj k'a chike chi animajineq chuwech ri Jehová, y toq xkak'axaj ronojel re' y xkitz'et chi ri kaq'iq' xnimer-pe, más xkixibij-ki'. Roma ri' xkik'utuj chire: ¿Achike k'a roma at animajineq-pe chuwech ri a-Dios? ¿Wakami achike k'a niqaben awik'in rat richin chi ri ya' nisile-qa y yojkolotej?, xecha' chire.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

Os 11:2

Toq yin más yenwoyoj, jari' toq rije' más xkijech'ej kan ki' wik'in yin. Xa chikiwech k'a ri Baal ri xekamela'an-wi, xa chikiwech k'a ri wachibel ri xkisujula-wi ri poron chikop.

Os 9:17

Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.

Os 7:3

Rik'in k'a ri itzel taq kibanobal nikiya' kikoten chire ri ki-rey. Ri e tata'al kan yekikot k'a rik'in ri tz'ukuj-tzij ri nikiben ri winaqi'.

Os 7:1

Ri Jehová nubij: Rokik yin ninwajo' ninwaq'omaj ri tinamit Israel, xa xbek'ulun k'a pe ri rumak. xbek'ulun-pe ri itzel taq rubanobal ri tinamit Samaria. Rije' xa kan xaxe k'a q'oloj nikiben, e achi'el k'a eleq'oma' ri ye'ok pa taq jay, kan yekichop k'a ri winaqi' pa taq bey.

Ez 34:6

Xkitaluj k'a el ki' pa taq ruwi' juyu' y xesach k'a el chupan chijun ri ruwach'ulew. Kan man xich'ob ta juba' kij richin xe'ikanoj.

Ez 18:25

Jak'a rix nibij chi yin man pa ruchojmilal ta ri ninben. Roma ri' kan ninbij chiwe rix winaqi' israelita chi xa ja rix ri yixbanon ronojel itzel taq banobel y re' man pa ruchojmilal ta.

Ez 18:2

¿Achike roma iwik'in rix israelita jantape' nibix ri jun k'ambel-tzij ri nubij: Ri te'ej-tata'aj nikitej ri uva ch'om y ja ri alk'ualaxela' ri nijuch'uch' key roma ri ruch'amil ri uva ri'?

Ez 16:23

Roma ri', yin Jehová ninbij chi kan toq'ex k'a awech, roma ronojel itzel ri xe'abanala'.

Wuj Richin ri K'uxla'anik 5:16

Ri ruwaq'ijaj ri xk'oje' qik'in xa kan xk'is k'a jumul. Kan toq'ex k'a qawech wakami roma kan xojmakun.

Wuj Richin ri Jeremías 42:20

Rix xa iyon xiq'ol-qa-iwi', roma ja rix ri xixtaqon-el wichin richin xich'on rik'in ri Jehová ri qa-Dios y xibij chuwe: Tak'utuj utzil pa qawi' roj chire ri Jehová ri qa-Dios y ri xtubij chawe, rat xtabij chiqe y roj xtiqaben, xixcha' chuwe.

Wuj Richin ri Jeremías 14:10

Y ri Jehová jare' ri xubij pa kiwi' rije': Re tinamit re' niqa' chikiwech yebe-kela' yebe-kela' nikiben. Roma ri' man niqa' ta chinuwech ri nikiben. Re wakami kan noqaqa chinuk'u'x ri kimak y kan xtinya' ri rutojbalil pa kiwi', xcha' chuwe.

Wuj Richin ri Isaías 63:8

Y rija' kere' xubij pa ruwi' ri qatinamit Israel: Rije' e nutinamit yin, alk'ualaxela' ri man jun bey xkinkimalij kan, xcha'. Y roma ri' rija' kan xerukol-wi.

Wuj Richin ri Isaías 59:13

Kan janila itzel xqaben chawe rat Jehová, y kan xqach'er-el-qi' awik'in. Xa xojch'on rik'in q'oloj y yakatajinenri'il. Kan xeqatz'ila' ch'aqa' chik winaqi', y xa xeqabij ch'abel ri xa e tz'ukun y man e ruk'amon ta.

Wuj Richin ri Isaías 43:1

Jak'a re wakami kere' nubij ri Jehová ri k'iytisanel kichin ri e rijatzul kan ri Jacob: Yin xibanon iwichin rix israelita. Y roma ri' man tixibij-iwi' roma kan ja yin ri xikolon iwichin. Yin kan xixinwoyoj rik'in ri ibi', y roma ri' xixok wichin yin.

Wuj Richin ri Isaías 41:14

Man tixibij-iwi' rix ri ix rijatzul kan ri Jacob, stape' rix nina-iwi' chi man jun iwejqalen. Man timalij-qa ik'u'x, stape' kan ix juba' ok y kan maneq iwuchuq'a', roma ja yin ri xkixinto'. Yin ri in Loq'olej, ri ink'o pan iwi' kan xkixinkol.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Wuj Richin Bix Chire ri Dios 106:10

Ri chiri' xerukol k'a pa kiq'a' ri e etzelanel kichin. Xerelesaj k'a el chikiwech ri e yakatajineq chikij.

Wuj Richin ri Achin Job 22:17

Rije' kan kibin k'a chire ri Dios chi keruya' kan kiyon, roma ri Dios ri k'o ronojel uchuq'a' pa ruq'a', man jun ruk'ayewal nitikir nuya' pa kiwi'.

Wuj Richin ri Nehemías 1:10

Y ri xaben kik'in ri qate-qatata' chi xe'akol rik'in ri nimalej y janila awuchuq'a', keri' tabana' qik'in roj ri atinamit.

Deut 15:15

Man timestaj chi roj chuqa' xojxime' pa samaj chiri' pan Egipto, y ri Jehová ri qa-Dios xojrelesaj-pe chiri'. Roma ri' wakami ninbij re jun ruchojmilal re' chiwe.

Wuj Richin ri Jeremías 7:15

Kan xkixinwelesaj-el chinuwech achi'el xenwelesaj-el pan Israel konojel ri iwach'alal ri xek'oje' chiri', xcha'.

Wuj Richin ri Jeremías 51:9

Jak'a ri winaqi' richin ch'aqa' chik ruwach'ulew xtikibij: Xqaya' yan kaq'om ri aj-Babilonia, jak'a man xe'aq'omatej ta. Keqaya' kan y qojel-el re wawe'. Jo', pa taq qaruwach'ulew roma ri kamisanik ri nikiben kan napon k'a chila' chikaj y kan nijote' k'a q'anej pa taq sutz', xkecha'.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.

Wuj Richin ri Isaías 30:2

Kan chi'anin k'a xixbe pan Egipto, richin xik'utuj to'onik. Yin man xinik'ulubej ta, jak'a xa rik'in ri ki-rey xik'utuj to'onik.

Os 5:7

Kan xemakun k'a chinuwech roma ek'o alk'ualaxela' kik'in ri xa jun chik kitata'. Roma ri' pa jun ik' xkebek'is konojel, rije' y ri kiruwach'ulew.