Os 7:11 - Kaqchiquel Bible

¹¹ Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 7:11 ပူးပေါင်းရင်းမြစ်များ

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

2 Rey 16:7

K'ari' ri Acaz xeruteq k'a el rusamajela' rik'in ri Pul rey richin Asiria, richin xubij-el chire: Yin kan in asamajel y kan achi'el jun chike ri ak'ajol. Katanpe k'a, y kinakolo-el pa ruq'a' ri rey richin Siria, y chuqa' pa ruq'a' ri rey richin Israel, ri kan e yakatajineq chuwij, xcha-el.

Wuj Richin Etamabel-Tzij 15:32

Ri wineq ri kan man jun ruq'ij ri tijonik chuwech, kan nretzelaj-wi ri ruk'aslen; jak'a ri kan niqa' chuwech ri tijonik, nuch'ek k'a na'oj.

Wuj Richin Etamabel-Tzij 17:16

¿Kan k'o kami nik'atzin-wi ri méro ri napon pa ruq'a' jun wineq ri xa maneq runa'oj? ¿Kan nukusaj kami ri méro ri' richin nuloq' retamabal, stape' maneq runa'oj?

Wuj Richin Etamabel-Tzij 6:32

Jak'a ri achin ri nuju-ri' rik'in jun k'ulan ixoq, xa ruyon rija' nroyoj wululen chirij, roma kan man nich'obon ta juba'.

Wuj Richin ri Jeremías 2:18

Rix ikuquban ik'u'x kik'in ri aj-Egipto y ri aj-Asiria y kik'in ri ki-dios, y niwajo' niqum ri ya' chupan ri raqen-ya' Nilo y ri Éufrates.

Wuj Richin ri Jeremías 2:36

¿Achike k'a roma kan chaq jantape' niwajo' yixbe-kela' yixbe-kela', richin nikanoj to'onik? Ri ruwach'ulew Egipto chuqa' xkixruk'ixbisaj achi'el xixruk'ixbisaj ri ruwach'ulew Asiria.

Os 11:11

Kan achi'el k'a aj-xik' chikopi' xtikiben richin xke'el-pe pan Egipto. Achi'el k'a nuben ri paloma, keri' xtikiben richin xke'el-pe pan Asiria. Kan xtuben k'a chike chi xkek'oje' chik pa kachoch.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.

Os 12:2

Ri Jehová kan nuben k'a oyowal kik'in ri aj-Judá, richin nuya' rutojbalil-mak pa kiwi' ri rijatzul kan ri Jacob, roma ri bey ri kitzeqeliben. Kan xtuya' k'a rutojbalil chike achi'el ri rubanik ri kibanobal.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Os 4:11

Ri itzel banobel y ri vino kan nuben chi ri nutinamit nisach ruk'u'x y man nuna' ta ri achike yeruben.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

Os 5:4

Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Os 9:6

Roma k'a ri wululen ri xtipe pan iwi' kan xkixbe; ri Egipto kan xkixruk'ul chik k'a, chupan k'a ri tinamit Menfis xkixmuq-wi. Ri saqipueq ri xk'oje' iwik'in xa xkebek'iy-pe k'ix pa ruwi'. Ri akuchi xk'oje-wi-el ri iwachoch xa xkebenoj-pe chi k'ix.

Wuj Richin ri Abdías 1:7

Konojel ri man e iwinaq ta ri xjunamatej-kiwech iwik'in, xa xkixkiq'ol y xkixkelesaj chupan ri iwulew. Stape' xkiben tununri'il iwik'in, xa xkeyakatej-pe richin xkixketzelaj kan. Y stape' xkitijla' ri ikaxlan-way, xa xtikiya' pikbel pan ibey. Y rix man jun xtiq'ax chiwech.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.