Os 6:7 - Kaqchiquel Bible

⁷ Jak'a rix xa kan xiben achi'el xuben ri Adán, xa xiq'ej ruwi' ri nujikibel-tzij. Kan janila k'a xixmakun chinuwech yin.

Os 6:7 ပူးပေါင်းရင်းမြစ်များ

Wuj Richin ri Rutikeribel 3:11

Y ri Dios xubij chire: ¿Achike xbin chawe chi at ch'anel? ¡Xa xatej ruwech ri che' ri xinbij chawe chi man tatej!, xcha'.

Wuj Richin ri Rutikeribel 3:6

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

2 Rey 17:15

Xa man xkitaqej ta ri pixa', y chuqa' man xkajo' ta xkitzeqelibej ri jikibel-tzij ri rubanon ri Jehová kik'in ri kite-kitata'. Pa ruk'exel ri' xa xekitzeqelibej dios ri xa man jun kejqalen, y xa kiyon rije' xkiben chi maneq kejqalen. Ri Jehová xubij chike chi kan man nikiben ta ri achi'el ri ch'aqa' chik winaqi' aj-Canaán, jak'a rije' xa xekitzeqelibej ri itzel taq banobel.

Wuj Richin ri Achin Job 31:33

Yin kan man jun bey nubanon ta chi wewan numak, achi'el nikiben ch'aqa' chik achi'a', chi wewan ta pa wánima ri itzel taq nubanobal.

Wuj Richin ri Isaías 24:16

Kan xtak'axatej k'a ri bix, k'a pa rutikeribel y pa ruk'isibel chire ri ruwach'ulew. Y kere' ri xtikibixaj: Nim ruq'ij ri Dios ri kan choj ruk'aslen, xkecha'. Jak'a yin xtinbij: Toq'ex nuwech yin, toq'ex nuwech yin. Man jun achoq ik'in xtinkuquba-wi nuk'u'x, roma konojel xa e q'olonel.

Wuj Richin ri Isaías 24:5

Ri ruwach'ulew kan xok man ch'ajch'oj ta roma rije' kan man xkitaqej ta ri pixa'. Kan man xkiben ta ri xbix chike, y kan xkiq'ej ruwi' ri jikibel-tzij richin ri Dios.

Wuj Richin ri Isaías 48:8

Rix man jun bey iwajowan iwak'axan ta re', ni man jun bey iwajowan ta niwetamaj, roma ri' man xiwajo' ta xiwak'axaj. Yin kan wetaman chik chi rix kan ix q'olonel-wi, roma kan k'a ja toq man jani kixalex, rix kan ix yakatajineq chik chuwij.

Wuj Richin ri Jeremías 3:7

Y xinbij: Chirij ronojel ri itzel rubanobal ri xuben, rija' xtitzolin chik pe wik'in. Jak'a xa man xtzolin ta; y re' xutz'et ri tinamit Judá, ri rach'alal ri itzel chuqa' ruk'aslen.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Jeremías 34:18

Rix xiben re jun jikibel-tzij re', jak'a man xitaqej ta. Y roma ri' ninya' rutojbalil-mak pan iwi'. Rix xich'er k'a pa nik'aj ri alaj achij wákix y xiya' kan pa ka'i' cholaj. K'ari' xiq'ax pa kinik'ajal.

Wuj Richin ri Jeremías 5:11

Xtinben ronojel re' roma rix aj-Israel y aj-Judá xa xixyakatej chuwij.

Wuj Richin ri Jeremías 9:6

Tachajij-awi' roma kan chikikojol atk'o-wi. Y roma ri kiq'oloj, rije' nikibij chi man ketaman ta nuwech. Yin Jehová ri yibin.

Os 5:7

Kan xemakun k'a chinuwech roma ek'o alk'ualaxela' kik'in ri xa jun chik kitata'. Roma ri' pa jun ik' xkebek'is konojel, rije' y ri kiruwach'ulew.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Romanos 5:14

Man rik'in ri' kan pa ruq'ijul k'a pe ri Adán, y k'a pa ruq'ijul ri Moisés kan janila chi winaqi' ri xeken roma ri kimak, stape' ri kimak rije' man ja ta ri xkiq'ej ruwi' jun pixa' achi'el xuben ri Adán. Ri Adán achi'el ri Cristo,

Deut 31:20

Y toq yin xkenkusaj-apo chupan ri ruwach'ulew ri akuchi niwachin-wi ronojel ruwech tiko'n, ri ruwach'ulew ri kan nuya'on nutzij chire chi chike ri ite-itata' ninya-wi, toq rije' xewa-xe'uk'ya' yan richin xech'uch'u' y xeti'ojir yan, jari' toq xtikiya' kiq'ij ch'aqa' chik dios y xkinkimalij kan yin y xtikiq'ej ruwi' ri nujikibel-tzij.

Hebreos 8:9

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto, roma rije' xa man xkitaqej ta ri jikibel-tzij ri', roma ri' yin xenmalij.