Os 6:5 - Kaqchiquel Bible

⁵ Roma ri' yin kan nuq'alajirisan chik chiwech ri xtinbenbana' iwik'in koma ri q'alajirisanela' richin ri nuch'abel. Rik'in k'a ri nuch'abel xixink'is-el, ri ruchojmilal ri ninben yin kan niq'alajin k'a achi'el ri saqil.

Os 6:5 ပူးပေါင်းရင်းမြစ်များ

Wuj Richin ri Jeremías 23:29

Roma ri' ri nuch'abel yin kan achi'el q'aq' ri nuk'et ri páxa. Chuqa' ri nuch'abel kan achi'el jun bajibel ri kan nupaxij abej.

Wuj Richin ri Jeremías 1:10

Wakami yin ninya' ri nuch'abel pan achi'. Chupan re q'ij re' ninben chawe chi rat yach'on kik'in ri q'atbel taq tzij y ri tzobaj taq winaqi', richin yenwelesaj-el y yenwulaj, richin yek'is y yenke'ej; richin yenpaba-q'anej y yentik-qa, xcha' chuwe.

Wuj Richin ri Jeremías 5:14

Roma ri' kere' nubij ri Jehová ri Dios k'iytisanel richin ronojel: Roma xkibij re ch'abel re', yin ninbenbana' chawe Jeremías chi rat xkatok achi'el jun q'aq' y ri tinamit xtok achi'el si'. Y toq rat yach'on, ri q'aq' kan xkeruk'is.

Hebreos 4:12

Roma ri ruch'abel ri Dios kan k'o-wi ruk'aslen, y k'o samaj nuben. Kan más rey ke chuwech ronojel espada ri k'o ka'i' rey. Roma ri ch'abel ri' nitikir napon k'a pa taq qánima, y nuq'alajirisaj-pe ri niqach'ob y ri rayibel, y napon k'a chupan ri baq y ri akuchi e tunul wi ri baq.

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Apocalipsis 9:21

Man xtzolej ta k'a pe kik'u'x ri winaqi' ri' rik'in ri Dios, richin xkiyala' ta kan ri kamisanik, ri itz, ri eleq' y ri achi'a' y ri ixoqi' ri nikikanola-ki' richin yemakun.

Apocalipsis 9:15

Y keri' xebesol k'a kan ri kaji' ángel, richin yekikamisaj winaqi'. Ri kaji' ángel ri' kan e chojmirisan chik richin yebe, ri hora, ri q'ij, ri ik' y ri juna'. Y xkekikamisaj jun chire ri oxi' chike ri winaqi' ri k'a ek'o na chuwech ri ruwach'ulew.

Apocalipsis 2:16

Roma ri' titzolej-pe ik'u'x. Roma wi man keri' ta ri xtiben, kan jari' xkinapon y xtinben oyowal kik'in rije' rik'in ri espada ri nel-pe pa nuchi'.

Apocalipsis 1:16

Ri pa rijkiq'a' e ruk'uan wuqu' ch'umila', ri pa ruchi' nik'ulun-pe jun espada ri k'o ka'i' rey, y ri nitzu'un, achi'el ri q'ij toq janila ruchuq'a'.

Hechos 7:31

Toq ri Moisés xutz'et re', kan janila xumey. Y richin nutz'et jebel, xjel-apo. Jari' k'a toq xbech'on-pe ri ajaw chire, y xubij k'a:

Wuj Richin ri Sofonías 3:5

Jak'a ri Jehová kan k'o chiri' pa tinamit, y kan man jun itzel nuben. Rija' kan ronojel nimaq'a' nuq'et-tzij pa ruchojmilal, y kan man jun ri man ta nuben. Man rik'in ri' ri nibanon etzelal xa kan maneq ruk'ix.

Ez 43:3

Y ri rubanik ri xintz'et, achi'el ri xk'utumej chinuwech toq xpe richin xoruwulaj kan ri Jerusalem y chuqa' achi'el rubanik ri xk'utumej chinuwech ri chuchi' ri raqen-ya' Quebar. Y roma ri' yin kixukuk xiqaqa pan ulew.

Ez 3:9

Yin xtinben chawe chi kan kow k'a xkak'oje' achi'el rukowil ri abej diamante. Man tak'en kikiy ri winaqi' ri' y man taxibij-awi' chikiwech, roma rije' xa kan e jun ijatzul richin yakatajinenri'il.

Wuj Richin ri Jeremías 13:13

Y ri Dios xubij chuwe chi kere' tinbij chike: Rix aj-Judá ix achi'el ri bojo'y ri' y kan xtinq'ej k'a pe ri woyowal pan iwi'. Y rix kan xkixbiyin achi'el q'abarela', chuqa' ri i-rey rijatzul kan ri David, ri i-sacerdote, ri nikibananej chi e q'alajirisey nuch'abel y konojel ri ek'o pa Jerusalem.

Wuj Richin ri Jeremías 1:18

Roma wakami, yin ninben k'a chawe achi'el jun tinamit ri sutin-rij chi tz'aq, achi'el jun xata't ri banon rik'in q'eqapueq o jun tz'aq ri banon rik'in q'enq'oj-pueq, richin chi napaba-awi' chikiwech ri e rey richin Judá, chikiwech ri e tata'al, ri e sacerdote y konojel ri tinamit richin re ruwach'ulew.

Wuj Richin ri Isaías 58:1

Ri Jehová xubij k'a chire ri Isaías: Kan kow k'a kach'on, y man kakos richin yatane-qa. Kan kow k'a kach'on achi'el toq niq'ajan jun trompeta, y tabij chire ri nutinamit Judá, chi kan janila itzel ri kibanobal. Y tabij chuqa' chike chi janila kimak ri yekiben ri awinaq.

Wuj Richin ri Isaías 11:4

Xtuq'et k'a tzij pa ruchojmilal pa kiwi' ri man jun k'o kik'in, chuqa' kan pa ruchojmilal xtuq'et-tzij pa kiwi' ri man kinimirisan ta ki'. Ronojel ri xtubij, jari' ri xtibanatej chupan chijun ruwach'ulew, Y rija' kan xkerukamisaj k'a konojel ri e banoy taq etzelal.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin Bix Chire ri Dios 37:6

Xtuq'alajirisaj k'a ri ruchojmilal ri ak'aslen, achi'el ri saqil richin ri q'ij, nusaqirisaj ri q'equ'm.

Wuj Richin ri Achin Job 34:10

Roma ri' rix nowineq taq achi'a', kan kiniwak'axaj k'a: Ri Dios kan man jun bey k'a xtuben ta jun itzel banobel; ri Dios ri k'o ronojel uchuq'a' pa ruq'a' man jun bey xtuben ta jun banobel ri man pa ruchojmilal ta.

2 Crón 21:12

Y k'o k'a jun q'ij ri Joram xuk'ul jun ruwuj ri q'alajirisey ruch'abel ri Dios rubini'an Elías, y kere' nubij: Ri Jehová Dios richin kan ri David ri amama' kere' nubij: Rat man atzeqeliben ta ri utzilej kibanobal ri ánima Josafat, ni ta ri rubanobal ri ánima Asá.

2 Rey 1:16

Toq xapon rik'in, xubij chire: Kere' rubin-pe ri Jehová: Rat kan xaben chi achi'el xa ta maneq Dios wawe' pan Israel roma xa xak'ulubej chik jun. Roma xe'ateq-el achi'a' rik'in ri Baal-zebub dios kichin ri aj-Ecrón; roma ri' man xkayakatej ta chik chuwech ri warabel y xa xkabeken, kere' nubij ri Dios, xcha' ri Elías.

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

1 Rey 18:17

Chirij ri' ri Acab xberutz'eta' ri Elías y xubij chire: ¿Ja rat ri' ri yasachon kik'u'x ri qawinaq israelita?, xcha'.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

1 Rey 14:6

Toq ri Ahías xrak'axaj ri raqen ri rixjayil ri Jeroboam, y xok-ok chuchi' ri jay, jari' toq ri Ahías xubij: Rat ri at rixjayil ri Jeroboam, katok-pe. ¿Achike roma xajel-pe awech? Wakami yin xa k'ayew rutzijol ri xtinya-el chawe.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.

1 Sam 13:13

K'ari' ri Samuel xubij chire ri Saúl: Rat xa kan xach'ujer chubanik re'. Wi ta rat xataqej ri rupixa' ri Jehová ri qa-Dios ri rubin chawe, kan ja ta re wakami xujikiba' ri aq'atbal-tzij pa ruwi' ri Israel richin jantape'.

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Efesios 6:17

Kan tikusaj k'a ri ikolotajik achi'el jun rutobal ijolon. Y ri ruch'abel ri Dios, tibana' chire chi achi'el jun espada, ri xya'ox chiwe roma ri Loq'olej Espíritu.*f8*

1 Sam 15:32

Chirij ri' ri Samuel xuteq rubixik chi tik'amer-pe chuwech ri Agag rey kichin ri amalecita. Y ri Agag rik'in k'a kikoten xapon rik'in ri Samuel, roma xuch'ob-qa chi xq'ax yan ri ruk'ayewal richin ri kamik.

1 Sam 15:33

Y ri Samuel xubij: Rik'in ri a-espada xe'akamisaj k'iy kal ri qate'. Keri' chuqa' xtuk'uluwachij ri ate' rat, xcha'. Jari' toq ri Samuel xuqupij y xuk'ajij ri Agag chuwech ri Jehová chiri' pa Guilgal.

Ez 32:18

Rat Ezequiel, katoq' junan kik'in ri ixoqi' richin ch'aqa' chik ruwach'ulew ri kan k'o kiq'ij. Katoq' pa kiwi' ri janila chi winaqi' ri e richin ri ruwach'ulew Egipto ri xkebe pa jul richin muqbel kik'in ri e kaminaqi' chik el.

Wuj Richin ri Achin Job 15:30

Kan man k'a xtikolotej ta chuwech ri kamik. Xa junan k'a xtuk'uluwachij kik'in ri ruq'a' taq che', ri kan k'o chi ye'apon pa q'aq'. Rik'in ri ruxla' ri Dios, xtibe achi'el nibe ri rusi'j ri che' roma ri kaq'iq'.

Ez 11:4

Roma ri' kach'on kik'in pa nubi' yin y taq'alajirisaj chikiwech ri nipe chikiwech-apo, xcha'.