Os 6:11 - Kaqchiquel Bible

¹¹ Jak'a rat ruwach'ulew Judá, kan nuch'obon chik k'a ri q'ij richin nibek'is ri rutojbalil-mak pan awi', xcha' ri Dios.

Os 6:11 ပူးပေါင်းရင်းမြစ်များ

Wuj Richin ri Achin Job 42:10

Y toq ri Job xtane' yan chi ch'owen rik'in ri Dios, pa kiwi' ri rachibil, ri Dios kan xuya' chik k'a ri rubeyomel. Y man xaxe ta chik k'a ri rubanik ri rubeyomel pa nabey ri xuya' chire, xa kan xuya' chik jun keri' pa ruwi' ri k'o rik'in.

Wuj Richin Bix Chire ri Dios 126:1

Toq ri Jehová xuya' q'ij chiqe richin xojtzolin-pe pa ximonri'il, xqana' achi'el xa ta jun achik'.

Wuj Richin Bix Chire ri Dios 85:1

Nimalej Jehová, rat kan xajoyowaj chik ruwech re qaruwach'ulew. Xaben k'a chi xel-pe chupan ri ximonri'il.

Wuj Richin ri Jeremías 30:10

Roma ri' man tixibij-iwi' rix ri ix rijatzul kan ri Jacob, ri nusamajel yin. Chuqa' man timayamo-qa ri iwánima roma kan xkixinkol rix y ri iwalk'ual chupan ri ruwach'ulew xabakuchi ixk'o-wi. Xkixtzolin k'a rik'in uxlanibel-k'u'x y kan xkixk'ase' k'a chi utzil y kan man jun achike roma xtixibij-iwi'.

Wuj Richin ri Jeremías 51:33

Yin Jehová ri k'o ronojel uchuq'a' wik'in, ri ki-Dios ri israelita ri yibin. Ri Babilonia achi'el ri akuchi nich'ay-wi trigo, roma kan nipalibex chupan ri q'ij richin ch'eyoj y kan napon yan k'a ri q'ij richin niwachin ri tiko'n, xcha' ri Dios.

Joel 3:13

Kan kekamisex, y ketzaq achi'el nitzaq ri trigo toq q'en chik y niq'at. Kan ke'ipitz'a' k'a achi'el nipitz' ri uva, roma ri kimak kan janila k'iy, achi'el ruk'iyal ri vino.

Wuj Richin ri Miqueas 4:12

Jak'a ri yebin keri' xa man ketaman ta ri ruch'obonik ri Jehová, man niq'ax ta chikiwech ri nrajo' nuben rija'. Roma ri Jehová xkerumol k'a re winaqi' re' achi'el nimol ri boraj trigo richin nich'ay.

Wuj Richin ri Sofonías 2:7

Ri tinamit ri' xtok kichin ri aj-Judá ri xkekolotej kan. Y chiri' rije' kan xkekikot k'a. Ri pa taq chi'aq'a' xkek'oje' kan pa kachoch ri winaqi' aj-Ascalón, y chiri' k'a xkewer-wi. Man jun xtinaqo kichin, roma ri Jehová ri qa-Dios xkeruchajij. Rija' kan xkerurtisaj y xkeruya-q'anej pa jotol.

Apocalipsis 14:15

Y kan jari' k'a chuqa' xbe'el-pe jun ángel ri chiri' pa rachoch ri Dios, y kan rik'in k'a ruchuq'a' nich'on-apo chire ri tz'uyul pa ruwi' ri sutz' y nubij k'a apo chire: Taq'ata' la tiko'n, roma xa xoqaqa yan ri q;ij y kan q'en chik ri tiko'n richin ri ruwach'ulew, nicha'.