Os 6:1 - Kaqchiquel Bible

¹ Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Os 6:1 ပူးပေါင်းရင်းမြစ်များ

2 Crón 30:6

Y keri' ri rey xeruteq k'a el ri e taluy wuj richin nibekiya' kan chupan chijun ri ruwach'ulew Israel y chuqa' chupan chijun ri ruwach'ulew Judá. Y kere' nubij ri wuj: Rix ri ix rijatzul kan ri Israel, titzolin-pe ik'u'x rik'in ri Jehová ri qa-Dios, y ri ki-Dios ri Abraham, ri Isaac y ri Israel, richin rija' xtitzolin-pe ruk'u'x iwik'in ri k'a ixk'o kan, rix ri xixkolotej kan pa kiq'a' ri rey richin Asiria.

Wuj Richin ri Achin Job 16:9

Ri Dios roma ri royowal, chi wech' chi wech' yiruk'is-el. Kan achi'el nuqach'ach'ej rey chuwij; y kan ruch'ikon ri runaq'-ruwech chuwij, achi'el jun etzelanel wichin.

Wuj Richin ri Achin Job 22:23

Y wi rat kan nitzolin-pe ak'u'x rik'in ri Dios, ri k'o ronojel uchuq'a' pa ruq'a', xkayakatej k'a, y keri' kan xtipa'e' rubanik ronojel ri man utz ta pan awachoch.

Wuj Richin ri Achin Job 34:29

Wi ri Dios nik'oje' kan choj keri' y man jun nuben richin yeruto' ri winaqi', ¿k'o kami nitikir nich'ojin chire? Wi ta nrewaj ruwech, ri winaqi' kan man jun chik xtito'on kichin. Rija' kan rutz'uliben k'a stape' ta jun tinamit o xaxe jun wineq.

Wuj Richin ri Achin Job 5:18

Roma rija' nisokon, y nupis chuqa' ri sokotajik; rija' nich'ayon rik'in tijoj-poqonal y nuya' ri raq'omal.

Wuj Richin Bix Chire ri Dios 30:7

Roma rat Jehová, rik'in ri awutzil xaben chuwe chi kow xik'oje', achi'el jun juyu' ri man jun nisilon richin. Jak'a toq xinna' chi xinaya' kan juba', kan xsach nuk'u'x.

Wuj Richin Bix Chire ri Dios 6:2

Tajoyowaj nuwech, Jehová, roma kan maneq chik wuchuq'a'. Kinawaq'omaj, roma ri nuq'axo'n napon k'a chupan ri nubaqil.

Wuj Richin Bix Chire ri Dios 71:20

Rat xabanon chuwe chi xinq'axaj bis y ruk'ayewal, Jak'a kan xtaya' chik ri nuk'aslen y xkinayek chik el chuxe' ri ulew.

Wuj Richin ri Molojri'il 3:3

Napon k'a ruq'ijul richin kamisanik, y chuqa' napon ruq'ijul richin nawaq'omaj richin nakol chuwech ri kamik. Napon k'a ruq'ijul richin wulanik, y chuqa' napon ruq'ijul richin rupabaxik.

Wuj Richin ri Isaías 17:7

Chupan k'a ri q'ij ri', rix k'ari' xkinikanoj yin ri xibanon iwichin. K'ari' xkinitz'et yin, ri Loq'olej i-Dios.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin ri Isaías 30:22

Kan xke'iwetzelaj k'a konojel wachibel ri e banon rik'in saqipueq y q'anapueq. Ronojel re' kan xke'ik'eq kan achi'el jun tz'il laj tzieq ri man ch'ajch'oj ta.

Wuj Richin ri Isaías 30:26

Y ri rusaqil ri ik' kan achi'el rusaqil ri q'ij, y ri rusaqil ri q'ij kan wuqu' mul más seq chuwech ri kan rubanon-pe. Ja q'ij ri' ri Jehová kan xtraq'omaj y xtupis ri isokotajik rix.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Wuj Richin ri Jeremías 30:12

Ri iq'axo'n kan man jun k'a raq'omal, roma ri isokotajik kan yalan chik rubanon.

Wuj Richin ri Jeremías 30:17

Jak'a yin kan xtinya' chik ri raxnaqil chiwe y xtinwaq'omaj ri isokotajik stape' konojel ri e etzelanel iwichin xtikibij-qa chi rix aj-Sión kan ix malin y kan man jun achike ninatan iwichin. Yin Jehová ri yibin.

Wuj Richin ri Jeremías 33:5

Y ri akuchi xek'oje-wi ri jay, ri chiri' kan xkenojisex chi kaminaqi' richin re tinamit re', roma yin kan man ninto' ta chik re tinamit re' roma ronojel ri kibanon chinuwech yin.

Wuj Richin ri Jeremías 33:6

Jak'a yin kan xtinpaba' chik q'anej ri tinamit y xkenwaq'omaj ri winaqi' richin chi rije' xkek'ase' rik'in uxlanibel-k'u'x y qitzijri'il.

Wuj Richin ri Jeremías 50:4

Yin Jehová ri yibin. Chupan ri q'ij ri', rix winaqi' richin ri ruwach'ulew Israel y ri Judá kan rik'in k'a oq'ej xkinikanoj.

Wuj Richin ri Jeremías 50:5

Rix xtik'utuj ri akuchi k'o-wi ri bey ri nibe pa tinamit Sión. Y keri' k'a xkixbe y xtibij chi nijunamatej-iwech wik'in. Xtiben k'a jun jikibel-tzij richin q'asen, richin chi man jun bey xkinimestaj.

Os 11:10

Rix aj-Israel kan xtitzeqelibej k'a ri Jehová. Rija' kan xtiwajin k'a achi'el nuben jun koj, xtiwajin y ri alk'ualaxela' kan xkek'ark'ot k'a. Xkepe chuwech y xke'el-pe pa qajbel-q'ij.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 14:4

Ri Dios nubij k'a: Yin kan xtinkuy k'a ronojel ri kimak ri aj-Israel. Kan xkenwajo' chik k'a, stape' man ruk'amon ta roma ri itzel kibanobal. Roma xa kan xk'is yan qa ri woyowal pa kiwi'.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Wuj Richin ri Chojmirisabelri'il 14:48

Y toq ri sacerdote nok-apo chupan ri jay ri xchojmirisex yan, y nutz'et chi xa xk'is-el ri itzel pus chuwech ri tz'aq, xtubij k'a chi re jay re' kan ch'ajch'oj, roma xk'is-el ri itzel pus ri nutaluj-ri'.

Wuj Richin ri Sofonías 2:1

K'ari' ri Dios xubij chuwe: Timolo' k'a iwi' y kixch'obon rix winaqi' ri maneq ik'ix;

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.

1 Sam 7:3

Y ri Samuel xch'on k'a kik'in konojel rije' y xubij: Wi kan qitzij rik'in ronojel ik'u'x yixtzolej-pe rik'in ri Jehová, kan ke'iwelesaj k'a el konojel dios y chuqa' ri ixoq dios Astarté ri niya' ruq'ij rix. Kan tijacha' k'a ri iwánima chire ri Jehová. Kan xaxe k'a rija' xtiwilij y rija' kan xkixrukol pa kiq'a' ri aj-Filistea, xcha'.