Os 5:8 - Kaqchiquel Bible

⁸ Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Os 5:8 ပူးပေါင်းရင်းမြစ်များ

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Os 4:15

Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Joel 2:1

Tixupuj k'a trompeta chupan ri juyu' Sión; y kan titaluj rutzijol chupan ri juyu' richin ri Jehová. Kan kixbaybot k'a rix aj-Judá, roma kan ninaqajub-pe ri q'ij richin ri Jehová; ri q'ij ri' xa naqaj chik k'o-wi-pe.

Wuj Richin ri Jeremías 4:5

Tiya' k'a rutzijol pa tinamit Jerusalem y pa ruwach'ulew Judá. Tixupuj k'a ri trompeta richin niya' rutzijol chupan ri ruwach'ulew. ¡Kan kow k'a tiraqa' ichi'! y tibij: ¡Tiqamolo-qi' y qojok chiri' pa tinamit richin tobel!

1 Sam 15:34

Chirij ri' ri Samuel xbe pa Ramá, y ri Saúl xtzolin-el pa rachoch chiri' pa Guibeá.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Wuj Richin ri Isaías 10:29

Nikiq'axaj-el ri ti raqen-ya', chiri' pa tinamit Gueba yek'oje-wi-qa. Ri winaqi' aj-Ramá yebaybot roma xibinri'il, y ri aj-Guibeá, akuchi xk'oje-wi ri Saúl, xa ye'animej-el.

Wuj Kichin ri To'onela' 5:14

Ek'o k'a ka'i-oxi' achi'a' richin ri tzobaj richin ri Efraín xeqaqa-pe pa taq'aj, chuqa' e ka'i-oxi' achi'a' richin ri Benjamín ri xebek'ulun-pe. Jak'a chikikojol ri e rijatzul kan ri Maquir xepe ri aj-raqen, y chikikojol ri tzobaj richin Zabulón xepe ri q'atoy taq tzij.

Joel 2:15

Tixupuj k'a ri trompeta ri chiri' pa juyu' Sión. Ke'iwoyoj konojel ri winaqi' ri ek'o chuwech re ruwach'ulew re'; tibij chike richin man yewa' ta.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

1 Rey 12:29

K'ari' xberuya' kan jun pa xokon chiri' pa tinamit Betel, y ri jun chik xberuya' kan pa xaman chiri' pa tinamit Dan.

2 Sam 21:6

Jak'a re wakami wi rat qitzij chi nawajo' yojato', ke'ajacha' k'a pe chiqe e wuqu' chike ri e rijatzul kan ri Saúl, ri xcha'ox roma ri Jehová, richin xkeqatzeqeba' chuwech ri Jehová chiri' pa Guibeá ri rutinamit ri Saúl, xecha'. Y ri David xubij chi kan xkerujech k'a chike.

1 Sam 8:4

Roma ri' xkimol k'a ki' konojel ri e aj-raqen chikikojol ri e rijatzul ri Israel, y xebe pa Ramá richin yebech'on rik'in ri Samuel,

1 Sam 7:17

Y toq nitzolin-pe chi kitz'etik re tinamit re', k'ari' napon pa tinamit Ramá, roma chiri' k'o-wi ri rachoch. Y chiri' nuq'et-tzij y chiri' xuben-q'anej jun porobel richin ri Jehová.

Wuj Richin ri Josúe 7:2

Xeri' ri Josué xeruteq-el achi'a' y xe'el-el pa Jericó y xebe k'a pa jun chik tinamit rubini'an Ai ri k'o chunaqaj ri Bet-avén ri k'o pa relebel-q'ij chire ri tinamit Betel y xubij-el chike: Kixbiyin y tibenik'oj kan jebel ri tinamit Ai, xcha'. Rije' xebe k'a y xbekinik'oj ri tinamit.

Am 3:6

Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.