Os 5:4 - Kaqchiquel Bible

⁴ Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.

Os 5:4 ပူးပေါင်းရင်းမြစ်များ

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

San Juan 16:3

Kere' k'a ri xkekibanala' ri winaqi' chiwe rix, roma kan man ketaman ta ruwech ri nata' y man ketaman ta chuqa' nuwech yin.

San Juan 8:55

Rix xa man iwetaman ta ruwech, jak'a yin kan wetaman wi ruwech y wi ta ninbij chiwe chi man wetaman ta ruwech ri Dios xa yinok k'a jun tz'ukuy tzij achi'el rix. Yin kan qitzij chi wetaman ruwech, y kan ninben ri nubij ri ruch'abel rija'.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Wuj Richin ri Jeremías 50:38

Xtipe ri saq'ij y ri raqen taq ya' kan xkechaqi'j-qa, roma ri Babilonia jun ruwach'ulew ri nojineq rik'in wachibel y roma nikiya' kiq'ij ri itzel taq wachibel ri', ri winaqi' kan yech'ujer.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

Wuj Richin ri Jeremías 9:6

Tachajij-awi' roma kan chikikojol atk'o-wi. Y roma ri kiq'oloj, rije' nikibij chi man ketaman ta nuwech. Yin Jehová ri yibin.

Wuj Richin Bix Chire ri Dios 78:8

Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

Wuj Richin Bix Chire ri Dios 9:10

Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

1 Sam 2:12

Jak'a ri Hofní y ri Finees, kan e itzel taq achi'a', y man nikiya' ta rejqalen ri Jehová y roma ri' man xeniman ta chire.

Os 4:14

Jak'a yin kan man xtinya' ta k'a rutojbalil-mak pa kiwi' ri kimi'al toq xkemakun. Ni pa kiwi' ri kali' toq xkek'oje' kik'in ch'aqa' chik achi'a'. Roma xa kan ja rix ri xkixbe kik'in ri ixoqi' ri itzel kik'aslen; y richin nisuj kamelabel chikiwech ri wachibel, kan xkixk'oje' k'a kik'in ixoqi' ri itzel kik'aslen. Keri' toq nitzaq jun tinamit ri maneq runa'oj.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 13:13

Ri ruwach'ulew Israel xapon yan k'a ri ramaj richin nalex, jak'a xa kan achi'el jun nakanik ak'ual ri kan man retaman ta nuchojmirisaj-ri' richin nalex.

Os 4:11

Ri itzel banobel y ri vino kan nuben chi ri nutinamit nisach ruk'u'x y man nuna' ta ri achike yeruben.

Os 8:11

Ri tinamit Israel kan janila k'a k'iy porobel xeruben-q'anej, kan janila k'iy porobel richin xkinimirisaj ri kimak.