Os 5:13 - Kaqchiquel Bible

¹³ Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

Os 5:13 ပူးပေါင်းရင်းမြစ်များ

2 Rey 15:19

K'ari' ri Pul*f6* rey richin Asiria xyakatej k'a chirij ri ruwach'ulew Israel. Jak'a ri Pul xubij chire ri Menahem chi nik'oje' chupan ri q'atbel-tzij wi nuya' 660 quintal saqipueq chire.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

2 Rey 16:7

K'ari' ri Acaz xeruteq k'a el rusamajela' rik'in ri Pul rey richin Asiria, richin xubij-el chire: Yin kan in asamajel y kan achi'el jun chike ri ak'ajol. Katanpe k'a, y kinakolo-el pa ruq'a' ri rey richin Siria, y chuqa' pa ruq'a' ri rey richin Israel, ri kan e yakatajineq chuwij, xcha-el.

Wuj Richin ri Isaías 3:7

Jak'a rija' xtisik'in roma xibinri'il, y xtubij chi rija' man nitikir ta nuq'et-tzij, roma chupan ri rachoch maneq chik chuqa' rukaxlan-way, ni maneq kitziaq richin kijalbal. Y roma ri' xtuk'utuj utzil chike chi man tikiben chire richin nok tata'al.

Wuj Richin ri Jeremías 30:12

Ri iq'axo'n kan man jun k'a raq'omal, roma ri isokotajik kan yalan chik rubanon.

Ez 23:5

Stape' ri Oholá kan wichin yin, xa xbe ruk'u'x kik'in ri aj-labal aj-Asiria ri xe'ajowan richin.

Os 10:6

Jajun ri ruwachibel ri alaj achij wákix xtuk'uex-el pan Asiria. Kan xtok k'a jun sipanik chire ri nimalej rey, keri' ri winaqi' aj-Israel xa xkek'ixbitej k'a. Rije' xa xkek'ixbitej roma ri wachibel ri kibanon.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 8:9

Rije' xa xejote-q'anej pan Asiria, achi'el nuben jun bur richin k'echelaj, ri kan ruyon nrajo' nik'oje'. Ri aj-Israel kan xkiya' k'a sipanik richin xjunamatej-kiwech kik'in ch'aqa' chik winaqi'.

Wuj Richin ri Miqueas 1:9

Ri mak ri k'o chiri' pa Samaria achi'el jun yabil ri xa kan maneq chik raq'omal, y chuqa' xa kan xapon yan k'a pa ruwach'ulew Judá. Y kan xok yan k'a pa Jerusalem.