Os 5:10 - Kaqchiquel Bible

¹⁰ Ri e aj-raqen richin ri ruwach'ulew Judá kan xkiben k'a achi'el nikiben ri eleq'oma' richin k'ulba't. Pa kiwi' rije' kan xtinchoxij k'a pe ri woyowal achi'el xa ta ya'.

Os 5:10 ပူးပေါင်းရင်းမြစ်များ

Wuj Richin Bix Chire ri Dios 32:6

Roma ri', ri kan e awichin, xkech'on awik'in toq ek'o pa tijoj-poqonal. Wi keri' xtikiben, ri tijoj-poqonal man xtapon ta kik'in, achi'el jun raqen-ya' ri ninimer-pe y nel-pe pa ruk'ojelibal.

Wuj Richin Bix Chire ri Dios 69:24

Tataqa' k'a pe ri awoyowal pa kiwi' rije', y ri awoyowal ri yakatajineq kan ta k'a xkeruq'i' rije'.

Wuj Richin Bix Chire ri Dios 88:17

Kan achi'el nuben ri ya' ri nibusku'l, keri' xuben ri awoyowal chuwij, y wakami kan ink'o pa latz'.

Wuj Richin Etamabel-Tzij 17:14

Kan achi'el jun raqen-ya' ri nijaqatej-el, keri' ri oyowal ri nitz'ukutej-el; más utz yatanimej-el chuwech ri oyowal ri' y mani naju-awi' chupan.

Wuj Richin Etamabel-Tzij 22:28

Rat, kan man k'a tajeluj-apo ri ak'ulba't, roma ri k'ulba't ri' kan ojer ri' k'o-pe; kan man k'a tajeluj-apo ri ak'ulba't, toq ri k'ulba't ri', kan ja ri awati't-amama' ri e yoyon kan chiri'.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Ez 22:22

Kan achi'el k'a niya'erisex ri saqipueq pa runik'ajal ri horno, kan keri' xtinben chiwe yin chiri' pa runik'ajal ri tinamit. Richin keri' xtiwetamaj k'a chi ja yin Jehová ri xtinwelesaj woyowal chiwij, xcha'.

Ez 7:8

Kan ja yan re wakami xtinwelesaj woyowal chiwij. Kan k'a xkitane' na chire ri q'atoj-tzij pan iwi', k'ari' xtich'uch'u' ri wánima chiwij. Kan xtinben k'a keri' chiwe, roma ri itzel taq banobel ri ye'iben, kan man niqa' ta chinuwech y kan man utz ta nintz'et yin.

San Mateo 7:27

Xqaqa k'a job, xpe k'a raqen taq ya' y ri kaq'iq' xberupaxij-ri' chirij ri jay; y ri jay ri' xa xtzaq; y xwuluwu' jumul roma xa man jikil ta ri ruxe', xcha' ri Jesús.

San Lucas 6:49

Jak'a ri wineq ri nrak'axaj ri nuch'abel, y man nuben ta ri ninbij chire, xa junan rik'in ri jun achin ri xupaba' jun rachoch, y xa man jebel ta xuben chire ri ruxe'. Y toq ri raqen-ya' xbek'iy-pe, xberila' ri jay rik'in uchuq'a'; ri jay ri' xtzaq y xk'is chiri', xcha'.

Deut 19:14

Chupan ri ruwach'ulew ri xtiberuya' ri Jehová ri qa-Dios chiwe richin niwichinaj kan, man chaq tichoy-apo ri k'ulba't richin ri iwachpochel, ri kibanon kan ri ojer taq winaqi'.