Os 4:16 - Kaqchiquel Bible

¹⁶ Ri ruwach'ulew Israel xa kan rupaban-ri' achi'el jun alaj wákix ri kan man jun nitikir rik'in. Keri' rubanon richin xuch'er kan ri' wik'in yin Jehová. Roma ri' kan xkenwisq'opej k'a kan y man xkenyuqej ta chik.

Os 4:16 ပူးပေါင်းရင်းမြစ်များ

Wuj Richin Bix Chire ri Dios 78:8

Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

Wuj Richin ri Isaías 22:18

Kan xkarusururej-pe achi'el niban chire jun pelota, y kan xkaruk'eq-el k'a pa jun chik ruwach'ulew, y nej xkaken-wi kan. Chiri' xkebek'oje-wi kan ri a-carruaje ri xenimirisan awichin. Ronojel re' xtibanatej roma rat kan at jun k'ixbilal chire ri rey.

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Wuj Richin ri Isaías 5:17

K'ari' ri winaqi' israelita xkebe pa jotol, achi'el ri karne'l ri kan chupan ri kisoq'olbal rije' yewa-wi, y achi'el ri taq alaji' karne'l ri xtikitej ri kiq'os chikikojol jay kichin ri beyoma' ri xa e wulatejineq kan.

Wuj Richin ri Jeremías 14:7

Y ri winaqi' xkibij chire: Ri qabanobal nuq'alajirisaj ri qamak y k'iy mul kan man niqaben ta ri nabij rat. Kan oj makuwineq-wi chawech. Man rik'in ri', rat Jehová kan qojakolo' k'a roma ri ruruwaq'ijaj ri abi'.

Wuj Richin ri Jeremías 3:11

Chuqa' ri Jehová xubij: Ri winaqi' richin ri tinamit Israel man kan ta xemakun achi'el xkiben ri winaqi' aj-Judá.

Wuj Richin ri Jeremías 3:6

Ri ruch'abel ri Jehová xoqaqa wik'in chupan ri q'ij chire ri q'atbel-tzij richin ri rey Josías y xubij chuwe: Rat Jeremías xatz'et ri etzelal ri xuben ri tinamit Israel ri chiri' pa xaman. Kan xebe k'a chiri' chuwa taq juyu' chuxe' taq che' ri janila kixaq, richin chi chiri' xekitzeqelibej ch'aqa' chik dios, achi'el nuben jun ixoq itzel ruk'aslen ri yerutzeqelibej ch'aqa' chik achi'a'.

Wuj Richin ri Jeremías 3:8

Y rije' xkitz'et chi ri tinamit Israel man xkijech ta ki' xaxe chuwe yin, xa xkiya' kiq'ij ch'aqa' chik dios. Roma ri' yin kan xinjech-wi' kik'in y kan xinya' jun wuj chike richin ri qach'arojri'il. Jak'a ri itzel rach'alal Judá xa man xkixibij ta ki' xa kan keri' chuqa' xkiben rije'.

Wuj Richin ri Jeremías 31:18

Yin kan wak'axan k'a ri koq'ej ri winaqi' israelita toq xkibij: Roj ri pa nabey kan man oj choj ta, achi'el k'a jun nima-alaj achij wákix ri man choj ta nisamej. Jak'a rat kan xaben chiqe richin choj xojsamej. Tabana' k'a chiqe richin yojtzolin pa qaruwach'ulew, roma ja rat Jehová ri at qa-Dios.

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

Wuj Richin ri Jeremías 7:24

Jak'a rije' man xkak'axaj ta, ni man xkinimaj ta nutzij. Xa kan ja ri itzel taq rurayibel ri kánima ri xuk'uan kichin. Pa ruk'exel chi xetzolin ta pe wik'in, xa xkipiskolij-el-ki' chinuwech.

Wuj Richin ri Jeremías 8:5

Jak'a rix aj-Jerusalem, ¿achike k'a roma xa xiniq'ol? ¿Achike roma xiben richin xixyakatej chuwij y man xiwajo' ta xixzolin-pe wik'in?

Os 10:11

Ri Israel achi'el xa ta jun alaj ixoq wákix ri qasan ruq'ij, ri kan niqa' chuwech richin nuch'ey trigo. Jak'a yin kan xtinqasaj chik k'a más ruq'ij y kan xtinya' chirij ruwi' ri che' richin niban arado. Ri Judá jari' ri xtuk'uan ri arado, ri Jacob jari' ri xtipaxin kan ruwi' ri ulew.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Os 11:7

Rokik k'a ri' rije' kan jantape' yemakun chinuwech yin. Stape' kan yenwoyoj, jak'a xa man jun ri najowan ta ninimirisan nuq'ij.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Zacarías 7:11

Jak'a xa man xiwajo' ta xiwak'axaj. Xa xiya' k'a kan ri ruche'el-iwij y xitz'apela' pa taq ixikin richin man xiwak'axaj ta.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.