Os 4:15 - Kaqchiquel Bible

¹⁵ Wi rat Israel yamakun, kan tabana' k'a. Xa rik'in man ta nimakun ri Judá. Israel, man kixbe pa Guilgal, man kixjote-q'anej pa Bet-aven, y man tiya' itzij pan nubi' yin, Jehová.

Os 4:15 ပူးပေါင်းရင်းမြစ်များ

2 Crón 17:4

Kan xutzeqelibej k'a ri Jehová, ri Dios richin kan ri Asá ri rutata'. Kan xutaqej k'a ri pixa' ri rubin ri Jehová, y man xuben ta achi'el nikiben ri winaqi' aj-Israel.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Wuj Richin ri Jeremías 44:26

Roma ri' kan tiwak'axaj ri ruch'abel ri Jehová rix ri ixk'o pan Egipto ri ninbij yin chiwe: Kan nuya'on nutzij pa rubi' ri nimalej nubi', chi man xtinatex ta chik ri nubi' wawe' pa ruwach'ulew Egipto koma ri aj-Judá y xtikibij ta: Kan k'es ri Jehová, ri Ajaw.

Wuj Richin ri Jeremías 5:2

K'o jujun nikijikiba' kitzij pa nubi' yin, jak'a xa nikibananej richin nikijikiba' kitzij, xcha'.

Ez 20:39

Jak'a rix israelita ke'isamajij ri i-dios, y pa ruk'isibel chire ronojel, xkiniwak'axaj k'a yin. Y chupan ri q'ij ri' man chaq xtiyoq' ri nubi' rik'in ri isipanik chuwech ri wachibel ri niya' kiq'ij.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

Os 11:12

Rije' xa kan xaxe k'a tz'ukuj-tzij nikiben chuwech. Kan ruyon k'a q'oloj nikiben. Ri aj-Judá kan kich'aron k'a kan ki' chire ri Dios. Wakami xa jak'a ri wachibel ri xkitzeqelibej.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.

Os 12:11

Ri winaqi' richin Galaad xa ja ri dios ri man e qitzij ta ri xekitzeqelibej. Ri winaqi' ri ek'o pa Guilgal xekisuj k'a richin kamelabel ri achija' taq wákix. Ri kiporobal rije' xa ruyon k'a mulumeq taq abej ri ek'o chukojol boloj ulew richin pa juyu'.

Os 12:12

Ri Jacob xa xanimej k'a el y xbe pa ruwach'ulew Aram. Rija' k'o chi xsamej na richin xk'oje' rixjayil. Richin xk'oje' rixjayil k'o chi xok na yuq'unel.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Os 9:15

Ri Jehová nubij k'a: Ronojel ri mak ri xkiben ri aj-Israel pa Guilgal; kan ja ri chiri' xinchop-pe richin yenmalij kan, roma ronojel ri etzelal ri nikiben. Kan xkenwelesaj k'a el chupan ri wachoch, kan man xkenwajo' ta chik, konojel ri tata'al xa man pa ruchojmilal ta nikiben xa kan e itzel taq winaqi'.

Am 4:4

Kixbiyin pa Betel, y chiri' kixmakun-wi. Kixbiyin pa Guilgal, y kixmakun más ri chiri'. Ronojel k'a nimaq'a', tisuju' kamelabel richin nikuyutej ri imak. Y pa taq ox-ox q'ij, tik'ama' k'a pe ri jun chire ri lajuj chire ronojel.

Am 5:5

Man tikanoj ri tinamit Betel. Man kixbe pa tinamit Guilgal. Chuqa' man kixq'ax-el pa Beerseba, roma ri aj-Guilgal kan xke'uk'uex-el pa ximonri'il. Y ri Betel kan xtiwuluwu' kan.

Am 6:10

Chupan ri q'ij ri', ka'i' ach'alalri'il nikelesaj-el ri kich'akul ri kaminaqi' ri ek'o chupan ri jay richin yebekimuqu' kan. Ri jun xtuk'utuj-apo chire ri jun chik wi k'a k'o na jun ri rewan kan ri' ri chiri'. Y rija' xtubij chi man jun. Jari' toq ri jun chik xtubij chi man tiq'ajan, y man tunataj ri rubi' ri Jehová,

Am 8:14

Chi'iwonojel xkixtzaq y man xkixyakatej ta chik: Rix ri nijikiba' itzij chuwech ri wachibel ri k'o pa Samaria, rix ri niya' itzij pa rubi' ri dios ri k'o pa Dan, ri niya' itzij pa rubi' ri dios ri k'o pa Beerseba. Xkixtzaq y man jun bey chik xkixyakatej, xcha'.

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

Wuj Richin ri Josúe 5:9

Y ri Jehová xubij chire ri Josué: Re q'ij re' ninwelesaj k'a pan iwi' ri qasanri'il ri xik'owisaj pan Egipto; roma ri' ri ruwach'ulew ri' xubini'aj Guilgal*f1* k'a re wakami.

Wuj Richin ri Josúe 7:2

Xeri' ri Josué xeruteq-el achi'a' y xe'el-el pa Jericó y xebe k'a pa jun chik tinamit rubini'an Ai ri k'o chunaqaj ri Bet-avén ri k'o pa relebel-q'ij chire ri tinamit Betel y xubij-el chike: Kixbiyin y tibenik'oj kan jebel ri tinamit Ai, xcha'. Rije' xebe k'a y xbekinik'oj ri tinamit.