Os 4:14 - Kaqchiquel Bible

¹⁴ Jak'a yin kan man xtinya' ta k'a rutojbalil-mak pa kiwi' ri kimi'al toq xkemakun. Ni pa kiwi' ri kali' toq xkek'oje' kik'in ch'aqa' chik achi'a'. Roma xa kan ja rix ri xkixbe kik'in ri ixoqi' ri itzel kik'aslen; y richin nisuj kamelabel chikiwech ri wachibel, kan xkixk'oje' k'a kik'in ixoqi' ri itzel kik'aslen. Keri' toq nitzaq jun tinamit ri maneq runa'oj.

Os 4:14 ပူးပေါင်းရင်းမြစ်များ

1 Rey 15:12

Y rija' kan xerelesaj-el ri achi'a' ri kijachon-ki' chubanik itzel k'aslen richin xkiya' kiq'ij ri ki-dios, y xeruwulaj k'a el ronojel wachibel ri e kibanalon kan ri rutata' y ri e rati't-rumama'.

2 Rey 23:7

Y chuqa' xebe chuwa-jay richin ri rachoch ri Jehová, y kan xkiwulaj-el ri jay ri akuchi ek'o-wi ri achi'a' ri man choj ta kik'aslen, y ri akuchi ek'o-wi ri ixoqi' ri nikikem tzieq richin nikiya' ruq'ij ri Asera.

Wuj Richin Etamabel-Tzij 28:5

Ri winaqi' ri nikiyoj rubanik ronojel, kan man niq'ax ta chikiwech ri rubanik ri ruchojmilal; jak'a ri wineq, ri jantape' nikikanoj ri Jehová, kan niq'ax-wi chikiwech ri chojmilal ri'.

Wuj Richin ri Isaías 1:5

¿Achike k'a roma k'a niwajo' na más tijoj-poqonal? ¿K'a niwajo' na yixk'oje' chupan ri iyakatajinenri'il? Rix kan ix achi'el jun wineq ri janila yawa'. Chijun ri ijolon kan janila k'a sokotajineq, y ri iwánima janila chik niq'axon,

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Isaías 56:11

Rix ix achi'el tz'i' ri janila e mum, ri kan man jun bey ninoj ri ipan. Rix ix achi'el yuq'unela' ri kan man jun niq'ax chiwech. Iwonojel rix xa nich'er-el-iwi', y xa chi'ijujunal nikanoj ri janipe' nich'ek.

Dn 12:10

E k'iy k'a ri xkeq'ax chupan ri tijoj-poqonal, richin xkek'ulun k'a más e choj y más e ch'ajch'oj. Jak'a ri e banoy taq etzelal kan xtikiben chik k'a más ri etzelal, y man xtiq'ax ta k'a chikiwech ri ruk'ayewal ri najin. Xa kan xaxe k'a chikiwech ri e aj-na'oj ri xtibeq'ax-wi ronojel re'.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Os 4:1

Chi'iwonojel rix winaqi' ri ix rijatzul kan ri Israel, kan tiwak'axaj k'a ri ruch'abel ri Jehová. Rija' kan nuch'ojij k'a chike ri winaqi', ri ek'o chupan re ruwach'ulew re'. Roma kan maneq k'a qitzij banonri'il kik'in; chuqa' maneq ri retamabal ri Dios kik'in.

Os 4:17

Ri aj-Israel kan kijachon k'a ki' chuya'ik kiq'ij wachibel, kan tik'oje' na k'a keri'.

Os 5:4

Ri itzel taq kibanobal, man nuya' ta q'ij chike richin nitzolej-pe kik'u'x wik'in yin, ri ki-Dios. Xa kan xaxe k'a ch'obonik richin etzelal ri k'o chikikojol. Roma ri' xkimestaj nuwech yin Jehová.

Am 2:7

Xekitz'ila' y xkiqasaj kiq'ij ri winaqi' ri man jun k'o kik'in. Y kan man xkiben ta ruchojmilal pa kiwi' ri winaqi' ri man jun kiq'ij. Ri tata'aj y ri k'ajolaxel, xa jun ixoq nikikanoj richin yek'oje' rik'in chi e ka'i'. Rik'in re' nikiben chuwe yin chi maneq rejqalen ri loq'olej nubi'.

Am 7:17

Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.

Wuj Richin ri Q'axanri'il 25:3

Y keri' ri winaqi' kan xkiju-apo-ki' richin nikiya' ruq'ij ri Baal-peor. Y ri Jehová xyakatej k'a janila royowal chikij ri winaqi' israelita.

San Juan 8:43

¿Achike k'a roma toq man niq'ax ta chiwech ri ninbij chiwe? Roma rix man nikoch' ta niwak'axaj ri nuch'abel.

Romanos 3:11

Man jun ri niq'ax ta chuwech, y man jun ri nikanon ta richin ri Dios.

1 Corintios 6:16

Roma wi rix yixapon rik'in jun ixoq itzel ruk'aslen, xa jun niben rik'in, achi'el ri nubij chupan ri ruch'abel ri Dios*f9* ri tz'ibatel kan, chi ri achin y ri ixoq xa jun xtikiben richin xtikich'akulaj-ki' chi e ka'i'.

Efesios 4:18

Rije' xa q'equmatajineq ri kich'obonik. Kan q'alaj-wi chi man jun ketaman y kowirineq ri kánima pa mak. Roma ri' man nikik'ul ta ri k'aslen ri nipe rik'in ri Dios.

Deut 23:17

Man tichop jun itzel k'aslen achi'el nikiben ri ch'aqa' chik winaqi', chi ri ixoqi' yek'oje' kik'in achi'a', y ri achi'a' yek'oje' kik'in kach achi'a' pa rachoch ri ki-dios, richin yeqa' chuwech ri ki-dios.

Hebreos 12:8

Roma wi ri Dios man yixrupixabaj ta achi'el nuben kik'in ri ralk'ual, k'ayew, roma ri keri' nel chi tzij chi xa ix achi'el sik'on taq ak'uala'.