Os 4:13 - Kaqchiquel Bible

¹³ Xekamela'an pa ruwi' taq juyu', xekiporola' pom pa ruwi' taq tanatik. Keri' xkiben chuxe' taq che' ri janila kixaq. Roma ri' xemakun ri kimi'al. Ri kali' xemakun kik'in ch'aqa' chik achi'a'.

Os 4:13 ပူးပေါင်းရင်းမြစ်များ

Wuj Richin ri Isaías 1:29

Y rix kan xkixk'ixbitej k'a roma xe'iya' kiq'ij wachibel chuxe' paten taq che'. Xtiqasex iq'ij roma ri qejoj ri xe'iben richin xiya' kiq'ij ri i-dios.

Ez 6:13

Xtiketamaj chi ja yin ri' ri in Jehová, toq xtikitz'et ri kaminaqi' ri e li'an chikiwech ri wachibel y chuchi' ri porobel y toq xkek'oje' kaminaqi' ri akuchi nikiya' kiq'ij ri wachibel y xkisuj-wi ri jubulej taq aq'om ri chiri' pa ruwi' taq juyu', pa taq'aj, chikixe' che' ri e jebel rex-rex.

Wuj Richin ri Jeremías 3:6

Ri ruch'abel ri Jehová xoqaqa wik'in chupan ri q'ij chire ri q'atbel-tzij richin ri rey Josías y xubij chuwe: Rat Jeremías xatz'et ri etzelal ri xuben ri tinamit Israel ri chiri' pa xaman. Kan xebe k'a chiri' chuwa taq juyu' chuxe' taq che' ri janila kixaq, richin chi chiri' xekitzeqelibej ch'aqa' chik dios, achi'el nuben jun ixoq itzel ruk'aslen ri yerutzeqelibej ch'aqa' chik achi'a'.

Am 7:17

Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.

Os 11:2

Toq yin más yenwoyoj, jari' toq rije' más xkijech'ej kan ki' wik'in yin. Xa chikiwech k'a ri Baal ri xekamela'an-wi, xa chikiwech k'a ri wachibel ri xkisujula-wi ri poron chikop.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Ez 16:25

Y chiri' pa taq krusin-bey xaya' kiq'ij ri wachibel. Man xaya' ta rejqalen chi rat at jebel ok, xa kan xasuj k'a ri ach'akul chikiwech xabachike ri yeq'ax keri'. Y kan jantape' k'a xamakun rik'in ri banobel ri'.

Ez 16:16

Ri atziaq ri xinya', rik'in ri' xe'abanala' taq jay pa taq ruwi-q'anej juyu' y chiri' xe'abanala' itzel taq banobel, achi'el nuben jun ixoq itzel ruk'aslen.

Wuj Richin ri Jeremías 3:13

Toqaqa k'a chi'ik'u'x chi kan ix makuwineq y kan ix yakatajineq chuwij yin ri in iwajaw, ri i-Dios. Kan chi'anin xe'itzeqelibej ch'aqa' chik dios chiri' chuxe' taq che' ri kan janila kixaq y kan man xinimaj ta nutzij. Ja yin Jehová ri yibin.

Wuj Richin ri Jeremías 2:20

Kan k'o yan chik q'ij ri ix yakatajineq-pe chuwij. Kan man xiwajo' ta xinimaj nutzij y xibij chi man niwajo' ta yinisamajij. Roma ri' pa ruwi' taq juyu' y chuxe' ronojel che' ri janila kixaq, chiri' xijech-wi-iwi' pa kiq'a' ch'aqa' chik dios, achi'el nujech-ri' jun ixoq ri itzel ruk'aslen pa ruq'a' jun chik achin.

Wuj Richin ri Isaías 57:7

Kan k'a pa ruwi' ri juyu' ri k'o más pa jotol, yixbe-wi richin nibesuju' kamelabel, y richin yixk'oje' kik'in ixoqi' ri man iwixjayil ta.

Wuj Richin ri Isaías 57:5

Rix ri yixk'oje' kik'in ixoqi' ri man iwixjayil ta, y keri' niben chuxe' xabachike nima'q taq che'. Chuqa' rix ri ye'isuj iwalk'ual chiri' pa taq taq'aj, y chukojol ri nima'q taq abej.

Wuj Richin ri Jeremías 44:8

Niben chi niyek woyowal rik'in ri xa iq'a' banayon. Chuqa' nisuj pom chikiwech ch'aqa' chik dios wawe' pa ruwach'ulew Egipto, ri akuchi xixok-wi richin chi yixk'ase'. Rix xa xkixk'is chi'iwonojel. Ri winaqi' xkeyojoben chiwij y xkixok richin k'ixbilal chikiwech konojel tzobaj taq winaqi' richin re ruwach'ulew.

Os 10:8

Ri porobel ri ek'o pa ruwi' taq juyu' richin Aven ri akuchi xemakun-wi ri israelita, xa kan xkewulex k'a el. Ri akuchi xek'oje-wi ri porobel, xa xkebek'iy-pe jalajoj ruwech k'ix. Roma ronojel ri' ri winaqi' xtikibij k'a chire ri juyu' ¡qojawewaj! Y chike ri tanateq juyu' xtikibij: ¡Kixtzaq-pe chiqij!, xkecha'.

2 Rey 17:7

Ronojel re' xbanatej roma ri israelita kan xemakun chuwech ri Jehová ri ki-Dios, ri xelesan-pe kichin pan Egipto toq xkitej poqon. Kan xkisamajij ch'aqa' chik dios y

2 Rey 23:7

Y chuqa' xebe chuwa-jay richin ri rachoch ri Jehová, y kan xkiwulaj-el ri jay ri akuchi ek'o-wi ri achi'a' ri man choj ta kik'aslen, y ri akuchi ek'o-wi ri ixoqi' ri nikikem tzieq richin nikiya' ruq'ij ri Asera.