Os 2:22 - Kaqchiquel Bible

²² Ri ruwach'ulew kan xtiberuwachij k'a pe ri trigo, ri vino y ri aceite. Ri taq'aj Jezreel kan xtibewachin k'a jebel.

Os 2:22 ပူးပေါင်းရင်းမြစ်များ

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.

Os 1:4

K'ari' ri Jehová xubij chik k'a chuwe: Ri awalk'ual Jezreel k'a ri rubi' ri xtaya', roma yin xa kan xtinbenya' yan k'a rutojbalil-mak pa kiwi' ri e rijatzul kan ri Jehú, roma ronojel ri kamik ri xkiben chupan ri taq'aj Jezreel y xtik'is ri ajawaren richin ri tinamit Israel.

Os 14:7

Ri tinamit Israel kan xtik'oje' chik k'a chuxe' ri wutzil yin. Kan xkek'iy chik k'a achi'el ri trigo, kan xkesijan chik k'a achi'el nisijan ri juwi-uva. Kan xtel chik k'a kitzijol chi rije' kan e achi'el ri jebelej vino ri nipe pa Líbano.

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.

Wuj Richin ri Zacarías 8:8

Y xkenk'en-pe, y kan xkek'oje' k'a pa Jerusalem. Xke'ok chik k'a nutinamit, y yin xkinok ki-Dios. Y kan xtinben pa ruchojmilal kik'in, y man xkenmalij ta kan. Yin Jehová ri yibin.