Os 2:20 - Kaqchiquel Bible

²⁰ Xkatok chik k'a wixjayil y kan utz xtinben awik'in. Keri' rat kan xtawetamaj chik nuwech yin Jehová.

Os 2:20 ပူးပေါင်းရင်းမြစ်များ

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

1 Juan 4:6

Jak'a roj oj richin chik ri Dios, y ri kan retaman chik ruwech ri Dios kan yojrak'axaj-wi. Jak'a ri man retaman ta ruwech ri Dios man yojrak'axaj ta y rik'in ri' niq'alajin ri k'o ri qitzij rik'in y ri maneq ri qitzij rik'in.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Colosenses 1:10

Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Os 2:19

Israel: Yin kan xtinben k'a chawe chi kan xkatok wixjayil richin q'asen. Wixjayil ri kan yik'ule' awik'in rik'in ruchojmilal achi'el nubij ri q'atbel-tzij, roma kan yatinwajo' rik'in ronojel wánima.

Filipenses 3:8

Ronojel ri xinkuquba' nuk'u'x rik'in, xinya' kan roma man jun chik kejqalen chinuwech yin. Xinya' kan richin xinwetamaj ruwech ri wajaw Jesucristo. Xentorij kan, achi'el niban chire ri q'ayis roma xinwajo' chi ri Cristo xok wajaw,

San Juan 8:55

Rix xa man iwetaman ta ruwech, jak'a yin kan wetaman wi ruwech y wi ta ninbij chiwe chi man wetaman ta ruwech ri Dios xa yinok k'a jun tz'ukuy tzij achi'el rix. Yin kan qitzij chi wetaman ruwech, y kan ninben ri nubij ri ruch'abel rija'.

San Mateo 11:27

Y k'ari' ri Jesús xubij chike ri winaqi': Ri nata', kan ronojel k'a ruya'on-pe pa nuq'a'. Y man jun chik k'a etamayon in achike yin, xaxe ri nata' etamayon. Y man jun chuqa' etamayon achike ri' ri nata', xaxe yin ri ruk'ajol. Jak'a yin xtink'ut ri nata' ri achoq chuwech ninwajo' nink'ut-wi.

Ez 38:23

Keri' xtink'ut k'a chikiwech ri ch'aqa' chik ruwach'ulew chi yin kan in loq'olej y kan nimalej nuq'ij. K'ari' k'a xtiketamaj konojel chi ja yin Jehová ri ink'o pa ruwi' ronojel.

Wuj Richin ri Jeremías 9:24

Jak'a wi k'o ta jun ri nuna' ri' chi runimirisan-ri', kan tunimirisaj k'a ri' roma retaman chi ja yin Jehová y kan ronojel ninben rik'in ajowabel, ruchojmilal y joyowanik, roma kan jari' ri niqa' chinuwech. Yin Jehová ri yibin.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

San Lucas 10:22

K'ari' rija' xubij chike konojel ri ek'o chiri': Ri nata' Dios kan ronojel k'a ruya'on-pe pa nuq'a'. Man jun chik k'a etamayon in achike yin, xaxe ri nata' ri etamayon. Man jun chuqa' etamayon achike ri nata', xaxe yin ri ruk'ajol, y ri wineq achoq chire xtinwajo' xtinq'alajirisaj-wi ri nata', xtretamaj achike k'a rija', xcha'.

Os 13:4

Ri Jehová nubij chire ri tinamit Israel: Ja yin Jehová ri a-Dios kan k'a toq k'a atk'o na pan Egipto. Roma ri' kan man ninwajo' ta chi nik'oje' jun chik a-dios chinuwech yin. Xa kan xaxe k'a yin ri in akolonel y man jun chik k'o chuwij yin.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Hebreos 8:11

Kan man jun k'a nik'atzin-wi chi nikitijola-ki' chikiwech richin ketaman nuwech, roma konojel rije' kan xtiketamaj nuwech, nitikir-el rik'in ri más ko'ol y napon-q'anej rik'in k'a ri más nim,

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Wuj Richin ri Rutikeribel 9:10

Y chuqa' xtinjikiba' ri nutzij kik'in konojel ri chikopi' ri xe'el-pe chupan ri nima-barco: Ri aj-xik' taq chikopi', ri chikopi' e richin k'echelaj y konojel ri ek'o chuwech re ruwach'ulew.

Wuj Richin ri Chojmirisabelri'il 26:5

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

Wuj Richin ri Chojmirisabelri'il 26:6

Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Wuj Richin ri Isaías 2:4

Ri Jehová xtiq'aton-tzij chikikojol ri ch'aqa' chik winaqi'. Rije' man jun chik labal xtibekibana'. Roma ri' ri ki-espada xa xtikijel rubanik, y xtikiben arado chike. Chuqa' ri kikum xa xtikiben kijos chike. Man jun chik ruwach'ulew xtiyakatej chirij jun chik ruwach'ulew, ni man xketijox ta chik richin yebe pa taq labal.

Wuj Richin ri Jeremías 30:10

Roma ri' man tixibij-iwi' rix ri ix rijatzul kan ri Jacob, ri nusamajel yin. Chuqa' man timayamo-qa ri iwánima roma kan xkixinkol rix y ri iwalk'ual chupan ri ruwach'ulew xabakuchi ixk'o-wi. Xkixtzolin k'a rik'in uxlanibel-k'u'x y kan xkixk'ase' k'a chi utzil y kan man jun achike roma xtixibij-iwi'.

Ez 16:62

Yin kan xtinben k'a re jikibel-tzij re', richin tawetamaj chi ja yin Jehová ri a-Dios.

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Ez 34:27

Ri che' ri ek'o pa taq juyu' kan xkewachin y chuqa' ri ulew kan xkewachin y ri nuwinaq kan xkek'ase' rik'in uxlanenri'il. Xtinkol ri nutinamit pa kiq'a' ri e ximiyon pa samaj y k'ari' xketotej-el. Jari' toq xtiketamaj chi ja yin Jehová.

Wuj Richin ri Miqueas 4:3

Rija' xtuben ka' ri ruchojmilal chikikojol ri ch'aqa' chik ruwach'ulew. Ri ruwach'ulew ri ek'o janila nej y ri k'o kuchuq'a' xke'apon rik'in, richin xkeruchojmirisaj. Ri ki-espada xtikiben azadón chire, y xtikikusaj richin nisamajix ri ulew. Ri kikum xtikiben jos chire. Richin keri' maneq chik labal chikikojol ri winaqi', ni man jun xtik'utu chikiwech richin yebe pa labal.

Wuj Richin ri Zacarías 9:10

Rija' kan xkeruwulaj k'a ri carruaje e richin labal richin ri Israel. Y xkeruk'is k'a ri kiej e richin labal ri ek'o pa Jerusalem. Y xkeruk'is chuqa' ri ch'ab ri yekusex pa labal. Rija' kan xtrelesaj ronojel oyowal pa taq ruwach'ulew. Rija' xtuq'et-tzij chupan chijun ruwach'ulew; xtitiker-el chuchi' jun palou, xtapon k'a chuchi' jun chik palou, xtitiker-el chuchi' ri raqen-ya' Éufrates, y xtapon k'a pa ruk'isibel chire re ruwach'ulew.