Os 2:15 - Kaqchiquel Bible

¹⁵ Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Os 2:15 ပူးပေါင်းရင်းမြစ်များ

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

Wuj Richin Bix Chire ri Dios 106:12

K'ari' rije' xkikuquba' kik'u'x rik'in ri ruch'abel. K'ari' xkibixaj ri rubi'.

Wuj Richin Bix Chire ri Dios 129:1

Kan k'a pa nuk'ajolil k'a ri janila in kitz'ilon-pe. Wakami tubij k'a ri tinamit Israel:

Wuj Richin ri Isaías 65:10

Ri taq'aj richin ri Sarón kan xtinoj rik'in tzobaj kokoj taq awej, chuqa' ri taq'aj richin Acor, chiri' xkeyuq'ux-wi nima'q taq awej kichin ri tinamit ri xkinkikanoj yin.

Wuj Richin ri Isaías 65:21

Ri winaqi' kan xtikipabala' chik el jun bey ri kachoch, y kan xkek'oje' chupan. Xtikitik-qa uva y xtikitej ri ruwech.

Wuj Richin ri Jeremías 2:1

Ri Jehová xch'on chik wik'in y xubij chuwe:

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Wuj Richin ri Jeremías 29:11

Roma yin kan wetaman ri nuch'obon pan iwi' rix, ja ri utz ri nuch'obon pan iwi' y man ja ta ri itzel, richin chi ronojel utz ta xtel.

Wuj Richin ri Jeremías 3:4

Re wakami nibij chuwe: Qatata' roj o nibij chuwe chi ja yin ri ix wachibil richin pan iq'opojil.

Wuj Richin ri Jeremías 32:15

Roma rija' nubij chi k'o jun q'ij xkeloq' chik jay, qasanbel-ulew, y ulew ri akuchi e tikon-wi uva chuwech, xicha' chire.

Wuj Richin ri K'uxla'anik 3:21

Jak'a kan k'o jun ri ninwajo' chi jantape' ta k'o chinuk'u'x. Y kan rik'in re' kuqul-wi nuk'u'x.

Ez 16:22

Rik'in ri itzel ak'aslen kan man niqaqa ta chik chi'ak'u'x toq k'a at ti ko'ol na, toq man jani k'o atziaq y nabolqotila-awi' chupan ri akik'el.

Ez 16:60

Jak'a ri chawech-apo, yin kan xtinben jun utzil chawe, achi'el nubij ri jikibel-tzij ri nubanon awik'in toq rat k'a at xten na. Y kan xtinben k'a jun k'ak'a' jikibel-tzij awik'in richin q'asen.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Ez 28:25

Roma toq xtapon ri q'ij chi yin xkenmol ri nuwinaq israelita ri e talutajineq pa taq ch'aqa' chik ruwach'ulew; jari' toq xtiq'alajin chikiwech ri ch'aqa' chik ruwach'ulew chi kan in ch'ajch'oj-wi. Y roma ri' ri nuwinaq israelita kan xkebek'oje' k'a pa ruwach'ulew, ri xinya' chire ri nusamajel Jacob.

Ez 28:26

Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Os 12:13

Rik'in k'a jun q'alajirisey nuch'abel xenwelesaj-pe ri israelita pan Egipto, kan xeyuqex k'a roma ri q'alajirisanel ri', nubij ri Dios.

Os 12:9

Jak'a yin Jehová ri i-Dios ri kan ink'o pe iwik'in ri pa ruwach'ulew Egipto. Wakami xa kan xtinben k'a chiwe chi xa xkik'oje' chik chupan jay banon rik'in tzieq, achi'el ri q'ij toq xich'on iwik'in pa tz'iran ruwach'ulew.

Os 13:4

Ri Jehová nubij chire ri tinamit Israel: Ja yin Jehová ri a-Dios kan k'a toq k'a atk'o na pan Egipto. Roma ri' kan man ninwajo' ta chi nik'oje' jun chik a-dios chinuwech yin. Xa kan xaxe k'a yin ri in akolonel y man jun chik k'o chuwij yin.

Os 2:12

Xtinben k'a chi xkechoy ronojel ri juwi-uva y ri ruche'el wíkix, ri achoq pa ruwi' xubij-wi chi kan jari' ri ruch'akoj kik'in ri achi'a' ri xe'ajowan richin. Ronojel ri ulew richin tiko'n kan xtinben k'a chire chi xtok kan jun soq'olbel; chiri' k'a xkewa-wi ri chikopi' ri e richin pa juyu'.

Am 9:14

Kan keri' k'a xtibanatej chi xkixinwelesaj-pe pa ximonri'il rix israelita. Xtipabex chik q'anej jun bey ri itinamit ri e wulatejineq kan, richin xkixk'oje' chik jun bey chiri'. Rix xtitik chik qa i-uva y xtiqum chik ri vino. Chuqa' xtitik qa jalajoj ruwech che' y kan ja rix xkixtijo.

Wuj Richin ri Zacarías 9:12

Roma ri' tik'oje' oyobenri'il iwik'in. Rix kan xkixtzolin chik chupan ri itinamit ri e sutin-kij chi tz'aq. Ninbij k'a chiwe chi kan xtinya' urtisanik pan iwi'. Xtinya' k'a ka'i' mul urtisanik chiwe achi'el ri xik'ul pa nabey.

Wuj Richin ri Q'axanri'il 21:17

Ja k'a toq xbanatej ri', jari' toq ri winaqi' israelita xkibixaj k'a re jun bix re': ¡Xabulbu'x-pe ya' chupan ri pozo! ¡Roma ri' yatqak'ul k'a rik'in bix!

San Juan 10:9

Ja yin k'a ri achi'el ruchi' ri qejoj. Ri xtok k'a wik'in yin, kan xtikolotej. Ri wineq ri' achi'el jun karne'l nok y nel-pe chupan ri qejoj y nril ronojel ri nik'atzin chire.

Hechos 14:27

Toq ri Pablo y ri Bernabé xe'apon ri pan Antioquía, xekimol k'a ri molaj qach'alal ri ek'o chiri', y k'ari' xkichop rubixik chike ri xuben ri Dios kik'in, y chi chuqa' ri winaqi' ri man e judío ta, utz chuqa' nikinimaj ri Jesucristo y nikil kolotajik.

Wuj Richin ri Josúe 7:26

K'ari' xkiya-q'anej jun molaj abej pa kiwi', ri k'a k'o na chiri' k'a re wakami. Keri' ri Jehová xik'o-qa ri royowal pa kiwi'. Roma ri' ri chiri' xubini'aj taq'aj kojol juyu' richin Acor*f2* k'a re wakami.

Wuj Kichin ri To'onela' 8:34

Ri israelita ni man xoqaqa ta k'a chikik'u'x ri Jehová ri ki-Dios ri xkolon kichin chikiwech ri e etzelanel kichin ri ek'o chikinaqaj;