Os 2:14 - Kaqchiquel Bible

¹⁴ Ri Jehová xubij chik chuwe: Jak'a yin kan xtinbochi'ij chik k'a el ri nutinamit Israel. Y xtink'uaj k'a el pa tz'iran ruwach'ulew, chiri' xkitzijon-wi rik'in chi utzil.

Os 2:14 ပူးပေါင်းရင်းမြစ်များ

Apocalipsis 12:6

Jak'a ri ixoq ri' xanimej-el, y xbe pa tz'iran ruwach'ulew, roma ri Dios kan chiri' rukanon-wi richin chi nilix oxi' juna' rik'in nik'aj.*f4*

Wuj Richin ri Isaías 30:18

Jak'a ri Jehová kan nrajo' nujoyowaj iwech; rija' kan janila nrajo' nuk'ut ri rajowabal chiwech, roma rija' kan jun Dios richin chojmilal. Jebel ruwa-kiq'ij ri kikuquban kik'u'x rik'in ri Jehová.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

Wuj Richin ri Rutikeribel 34:3

Jak'a ri Siquem man xuya' ta chik kan ri Dina y xbe ránima chirij. Y xutej ruq'ij chirij ri Dina richin chi xajowex ta.

San Juan 6:44

Y xubij: Man jun wineq ri xtipe wik'in wi man ja ta ri nata' taqayon-pe, y nink'asoj-el chikikojol ri e kaminaqi' chupan ri ruk'isibel q'ij.

Os 2:3

Roma man xa tinwelesaj ronojel chire, man xa tinben chire achi'el rubanikil toq xalex, y xtinben chire chi xtok kan achi'el tz'iran ruwach'ulew; kan achi'el ri ruwach'ulew ri chaqi'j-chaqi'j y xa xtinkamisaj roma chaqi'j-chi'ij.

Ez 20:10

Toq xenwelesaj pe pan Egipto, xenk'uaj-el pa tz'iran ruwach'ulew.

Wuj Richin ri Jeremías 16:14

Kan xtoqaqa k'a ri q'ij toq man xtibix ta chik: Utz ruwa-ruq'ij ri Jehová, roma xerelesaj-pe ri qati't-qamama' chupan ri ruwach'ulew Egipto.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Wuj Richin ri Nimalej Bix 1:4

Kan chi'anin k'a kinak'uaj-el, kan kinak'uaj k'a el pan awachoch. Kan janila k'a yojkikot awik'in rat. Kan niqaya' más rejqalen ri awajowabal rat ke chuwech ri vino. Xa roma aj k'a ri' janila yatajowex.

Wuj Kichin ri To'onela' 19:3

toq xapon ri rachijil richin xberubochi'ij richin nitzolin chik rik'in; ruk'uan k'a el jun rusamajel y ka'i' bur. Y ri ixoq xukusaj-apo pa rachoch ri rutata'.

San Juan 12:32

Y toq yin xkijotobex-q'anej, ri winaqi' kan xkenk'en-pe wik'in, xcha' rija'.

Wuj Richin ri Achin Job 36:16

Y ri Dios xarukol-pe, rat Job, chupan ri ruk'ayewal ri akuchi xak'oje-wi, xaruya' pa kikoten, y k'ari' xana' chi kan utz atk'o; ri pa ruwi' ri a-mesa kan xenuk'e' ronojel ri xk'atzin chawe.

Ez 20:33

Yin kan xtinya' nutzij chiwe chi kan ja yin ri xkibeq'aton-tzij pan iwi'. Kan rik'in k'a uchuq'a' xtinya' ri nuq'a' pan iwi' y rik'in nimalej woyowal.

Wuj Richin ri Miqueas 4:10

Ruk'amon chi keri' yixq'axo y yixjilo; roma rix nuwinaq k'o chi yixel-el re wawe' pa tinamit Jerusalem, y xa xkixbek'oje' pa taq ulew richin tiko'n. Rix xa xkixbe k'a pa Babilonia, y toq ixk'o chik chiri' xkixbekol-pe. K'a chiri' k'a xkixrelesaj chik pe ri Jehová pa kiq'a' ri e etzelanel iwichin.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Jeremías 45:4

Jak'a ri Jehová nubij chi rija' kan nuwulaj ri xupaba-q'anej y nuk'uq ri xutik-qa. Kan keri' k'a xtuben rik'in re ruwach'ulew re'.

Wuj Richin ri Miqueas 1:7

Ri jebelej taq wachibel xkewulex y ri sipanik ri xtikich'ek ri ixoqi' ri yewer kik'in achi'a' ri ye'apon pa kachoch ri ki-dios xa xtiporox. Ri wachibel ri' xa xke'ok q'ayis. Ri Samaria xril k'a ronojel re' richin ninimaq'ijun richin nik'iyer ri rutiko'n. Jak'a ri e etzelanel kichin xa xtikik'uaj richin nibekiya' chike ri ixoqi', chupan ch'aqa' chik kachoch ri ki-dios richin nikiya' kiq'ij.