Os 2:13 - Kaqchiquel Bible

¹³ Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Os 2:13 ပူးပေါင်းရင်းမြစ်များ

2 Rey 1:2

Y ri Ocozías, rey richin ri ruwach'ulew Israel, xbetzaq-pe pa ventana ri k'o-q'anej pa ruka'n wiq y janila xkajtej. Y roma ri' xeroyoj ri rusamajela', y xubij-el chike chi tibekik'ulubej ri Baal-zebub, ri dios kichin ri winaqi' aj-Ecrón, y tikik'utuj chire wi nik'achoj-q'anej chire ri kajtajik.

2 Rey 10:28

Keri' xuben ri Jehú toq xrelesaj-el ri Baal chiri' pan Israel.

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Wuj Richin ri Achin Job 8:13

Kan keri' k'a nikik'uluwachij ri winaqi' ri nikimestaj kan ri Dios; ri kan maneq-wi Dios chikiwech kan man jun chik utz ri xtikoyobej-apo;

Wuj Richin Bix Chire ri Dios 106:13

Man rik'in ri', xa kan chi'anin k'a xkimestaj-qa ri nimalej rubanobal ri Jehová. Man xkinimaj ta k'a ri rupixa' rija'.

Wuj Richin Bix Chire ri Dios 106:21

Xkimestaj k'a kan ri Dios ri nikolon kichin, ri xbanon nima'q taq banobel pan Egipto,

Wuj Richin Bix Chire ri Dios 78:11

Xa kan xkimestaj k'a ronojel ri xuben kik'in. Xkimestaj ri meyel taq banobel ri xuk'ut chikiwech.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin ri Isaías 17:10

Kan xinimestaj yin ri xikolon iwichin, y kan man xoqaqa ta chi'ik'u'x chi ja yin ri itobal. Jak'a pa ruk'exel, rix nitik k'a ruwech ri qejoj ri kan jebel niwachin, richin niya' kiq'ij ri ch'aqa' chik dios.

Wuj Richin ri Isaías 65:7

roma ri kimak rije' y chuqa' roma ri kimak ri kite-kitata'. Rije' kan xekiporola' pom pa ruwi' taq juyu', y ri chiri' kojol taq juyu' xeyakatej chuwij. Yin kan xtinya' rutojbalil ri mak pa kiwi'.

Wuj Richin ri Jeremías 11:13

Kan e janila k'a i-dios ek'o, kan achi'el ri rajlabal ri itinamit. Y kan e janila k'a porobel-pom ri xe'ipabala-q'anej richin chi niporoj pom chire ri Baal, achi'el ri rajlabal ri bey ri ek'o chiri' pa Jerusalem.

Wuj Richin ri Jeremías 18:15

Jak'a rix nutinamit xa xinimestaj kan y kan nisuj pom chikiwech ri dios ri xa man e qitzij ta. Xa xban chiwe richin xipajk'ij iwaqen chupan ri ojer bey y xixbe chupan bey ri xa man e utz ta.

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

Wuj Richin ri Jeremías 23:2

Kere' k'a ninbij yin Jehová ri i-Dios, pan iwi' rix yuq'unela' ri ixk'o pa ruwi' ri nutinamit: Rix kan k'o chi ximol ta juba' kichi' ri nukarne'l y xe'ik'uxla'aj ta juba'. Jak'a xaxe xe'inim kan. Y roma ri' xtinya' rutojbalil-mak pan iwi'.

Wuj Richin ri Jeremías 7:34

Chiri' pa taq tinamit Judá y pa taq bey richin ri tinamit Jerusalem man jun chik bixanik richin nimaq'ij, o richin kikoten o ri bixanik richin k'ulubik, roma chijun ruwach'ulew xtitole' kan.

Wuj Richin ri Jeremías 7:9

Yixeleq', yixkamisan, ri e k'ulan taq winaqi' yekikanoj kachibil richin yemakun kik'in, niya' itzij y xa man qitzij ta yixch'on, niporoj pom chuwech ri Baal, ye'iya' kiq'ij dios ri xa man e iwetaman ta kiwech,

Wuj Richin ri K'uxla'anik 1:4

Ronojel ri bey richin Sión, kan bis, bis nitzu'un. Kan man jun chik wineq napon ta chiri' richin ninimaq'ijun. Ri pa taq ronojel okibel kan man jun chik nok-apo chupan. Ri e sacerdote kan yejilon janila, ri xtani' ri yebixan chiri' kan e poqonatajineq, ri ruk'aslen ri tinamit xa k'ey-k'ey rubanon.

Wuj Richin ri K'uxla'anik 5:14

Ri e tata'al kan e maneq chik k'a pan okibel chire ri qatinamit. Kan man nak'axatej ta chik ri kibix ri alaboni'.

Ez 16:12

chuqa' retz'aba'l-atza'n, ruwi-axikin y jun tz'ajtz'ik ch'ich' pan ajolon richin retz'aba'l rusumal-awi'.

Ez 16:17

Ri wiqobel ri e banon rik'in q'anapueq y saqipueq ri xensipaj chawe, xa xe'aya'erisaj pa q'aq' richin xaben kiwachibel achi'a' chire. Y xeri' xak'oje' kik'in, achi'el nuben jun ixoq itzel ruk'aslen.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Ez 23:35

Roma rat Jerusalem xa xinamestaj kan y xapiskolij-el-awi' chinuwech, roma ri' k'o chi xtatoj ri rutojbalil ri amak toq xachop jun itzel k'aslen, xcha' ri Jehová.

Os 11:2

Toq yin más yenwoyoj, jari' toq rije' más xkijech'ej kan ki' wik'in yin. Xa chikiwech k'a ri Baal ri xekamela'an-wi, xa chikiwech k'a ri wachibel ri xkisujula-wi ri poron chikop.

Os 13:1

Pa nabey kan, toq ri winaqi' richin ri tinamit Efraín yech'on, kan konojel k'a ri ch'aqa' chik tzobaj ye'ak'axan kichin, roma kan k'o kikiy. Kan xnimirisex k'a kiq'ij koma ri kach'alal. Jak'a toq xemakun roma xkiya' kiq'ij ri Baal, xa xek'is.

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Os 2:5

Ri te'ej xa xutz'ilobisaj ri ruk'aslen, xa ruyon rija' xuqasaj ruq'ij roma xubij-qa: Kentzeqelibej na ri ye'ajowan wichin. Rije' kan xtikiya' k'a ri nukaxlan-way y ri nuya'. Kan xtikiya' k'a nutziaq ri e banon rik'in lana y lino. Kan xtikiya' k'a ri nu-aceite y ronojel ri xtinqum, xcha-qa.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

Os 4:13

Xekamela'an pa ruwi' taq juyu', xekiporola' pom pa ruwi' taq tanatik. Keri' xkiben chuxe' taq che' ri janila kixaq. Roma ri' xemakun ri kimi'al. Ri kali' xemakun kik'in ch'aqa' chik achi'a'.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Os 8:14

Ri aj-Israel xa xkimestaj k'a ri banayon kichin, kan xkipabala' k'a q'anej jay kichin q'atbel-tzij. Ri aj-Judá xekiyakala' k'a q'anej tinamit ri sutin-kij chi tz'aq. Jak'a yin kan xtinya' k'a ruq'aq'al ri kitinamit y kan xkeruk'is k'a q'aq' ronojel ri jay ri xekipabala-q'anej, ncha' ri Dios.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.

Deut 6:12

man timestaj k'a ri Jehová ri xixelesan-pe pa ruwach'ulew Egipto, ri akuchi xixxime' pa samaj.

Wuj Kichin ri To'onela' 10:6

Jak'a ri israelita xa xkichop chik rubanik itzel taq banobel chuwech ri Jehová, y xekisamajij ri dios Baal y ri Astarté, y chuqa' ri ki-dios ri aj-Siria, ri aj-Sidón, ri aj-Moab, ri aj-Amón y ri aj-Filistea. Rije' xa xkimalij kan ri Jehová y man xkisamajij ta chik.

Wuj Kichin ri To'onela' 3:7

Ri kibanobal ri israelita kan janila itzel chuwech ri Jehová roma xa xemestan rik'in rija' y xa ja ri Baal y ri Astarot ri xkiya' kiq'ij.

1 Sam 12:9

Jak'a rije' xa xkimestaj kan ri Jehová ri qa-Dios. Roma ri' rija' xerujech pa ruq'a' ri Sísara, jun aj-raqen kichin ri aj-labal richin ri Jabín, rey richin ri tinamit Hasor. Xerujech chuqa' pa kiq'a' ri aj-Filistea, y pa kiq'a' chuqa' ri moabita.