Os 14:9 - Kaqchiquel Bible

⁹ Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Os 14:9 ပူးပေါင်းရင်းမြစ်များ

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Wuj Richin Bix Chire ri Dios 107:43

Ri kan aj-na'oj k'o chi nik'oje' k'a chuk'u'x ronojel re', niq'ax k'a chuwech ri nimalej rajowabal ri Jehová.

Wuj Richin Bix Chire ri Dios 119:128

Roma ri' kan ja ri apixa' ri nutzeqeliben pa ruwi' ronojel; kan ninwetzelaj k'a ronojel ri man qitzij ta.

Wuj Richin Bix Chire ri Dios 119:75

Jehová, yin wetaman chi ri chojmilal ri naben rat kan pa rubeyal-wi, chi toq yinaya' pa tijoj-poqonal, xa kan roma ri awajowabal pa nuwi'.

Wuj Richin Bix Chire ri Dios 84:5

Jebel ruwa-kiq'ij ri kan nikil kuchuq'a' awik'in rat, roma kan rik'in ronojel kánima yebe pa juyu' Sión.

Wuj Richin Bix Chire ri Dios 84:7

Y ri kuchuq'a' kan nik'iyer rokik yeq'ax chupan ri bey ri'. Y pa ruk'isibel chire ri kibinen, yatkitz'et rat chiri' pa juyu' Sión.

Wuj Richin Etamabel-Tzij 10:29

Ri Dios kan yeruto' k'a konojel ri winaqi' ri kan tz'aqet ri kik'aslen, y yeruk'is k'a konojel ri winaqi' ri yebanon etzelal.

Wuj Richin Etamabel-Tzij 16:21

Ri winaqi' kan niketamaj k'a ruwech ri kan aj-na'oj-wi, roma kan nuch'ob na jebel ri achike nuben; y ri ruki'il ri ch'abel ri ye'el pa ruchi', kan yeruch'ek más winaqi'.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin ri Isaías 1:28

Jak'a ri man e nimey ta tzij y ri e aj-maki' xa xkek'is, y chuqa' ri xkemalin kan wichin yin, kan xkeken.

Wuj Richin ri Isaías 17:8

Xa kan xtimulun ik'u'x chirij ri porobel ri xe'iben rix, y xa kan man xtitzu' ta chik ronojel ri wachibel ri xe'iben. Chuqa' man xtich'ob ta chik ri ruwachibel ri Asera, y ni ri porobel-pom ri xe'iben.

Wuj Richin ri Isaías 26:7

Ri rubey ri wineq ri choj ruk'aslen kan choj-wi, y rat ri qa-Dios, kan ja rat ri más at choj. Y kan nachojmirisaj ri rubey ri wineq ri choj ruk'aslen.

Wuj Richin ri Jeremías 29:12

Chupan ri q'ij ri', rix xkixch'on wik'in y yin kan xkixinwak'axaj.

Wuj Richin ri Jeremías 9:12

Y yin xink'utuj chire ri Dios achike rubanik richin niq'ax chinuwech ronojel re'. ¿Achoq chire ta k'a xuk'ut-wi-ri' ri Jehová ronojel re' richin chi nitikir nuq'alajirisaj chike ri ch'aqa' chik? ¿Achike roma re ruwach'ulew re' k'o pa ruk'ayewal y kan chaqi'j achi'el tz'iran ruwach'ulew ri kan man jun chik niq'ax?

Ez 11:18

Y toq xkixtzolej-pe, rix kan xtimalij k'a kan ronojel ruwech itzel taq banobel y ri jalajoj kiwech wachibel ri k'o iwik'in.

Ez 18:25

Jak'a rix nibij chi yin man pa ruchojmilal ta ri ninben. Roma ri' kan ninbij chiwe rix winaqi' israelita chi xa ja rix ri yixbanon ronojel itzel taq banobel y re' man pa ruchojmilal ta.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Dn 12:10

E k'iy k'a ri xkeq'ax chupan ri tijoj-poqonal, richin xkek'ulun k'a más e choj y más e ch'ajch'oj. Jak'a ri e banoy taq etzelal kan xtikiben chik k'a más ri etzelal, y man xtiq'ax ta k'a chikiwech ri ruk'ayewal ri najin. Xa kan xaxe k'a chikiwech ri e aj-na'oj ri xtibeq'ax-wi ronojel re'.

Wuj Richin ri Sofonías 3:5

Jak'a ri Jehová kan k'o chiri' pa tinamit, y kan man jun itzel nuben. Rija' kan ronojel nimaq'a' nuq'et-tzij pa ruchojmilal, y kan man jun ri man ta nuben. Man rik'in ri' ri nibanon etzelal xa kan maneq ruk'ix.

Wuj Richin ri Zacarías 10:6

Roma yin Jehová kan xtinya' k'a kuchuq'a' ri aj-Judá, y kan xkenkol ri aj-Israel. Kan xtinben chike richin xketzolej chik chupan ri kiruwach'ulew, roma kan ninjoyowaj kiwech. Kan xtinben chike chi achi'el xa ta man jun bey xkijech'ej kan ki' wik'in, roma ja yin Jehová ri ki-Dios, y ninwak'axaj ri kich'owen ri nikiben wik'in.

San Mateo 11:19

Jak'a yin, ri xiqaqa-pe achi'el wineq chi'ikojol, toq yiwa-yinuk'ya' kan nibij k'a chuwe chi in jun achin aj-wa'il, qumuy vino, kachibil ri e moloy taq méro ri nitoj chike ri aj-Roma, chuqa' ri winaqi' ri man nikitzeqelibej ta ri pixa'. Jak'a yin ninbij chi ri etamabel richin ri Dios kan niq'alajin k'a rik'in banobel, xcha' ri Jesús.

San Lucas 2:34

Jari' toq ri Simeón xerurtisaj y xubij chire ri María: Tawak'axaj na pe, re ak'ual re' ya'on-pe roma ri Dios richin chi e k'iy chike ri qawinaq judío xkeyakatej y e k'iy chuqa' ri xketzaq. Rija' kan xya'ox k'a pe richin jun retal richin ri kolotajik, jak'a e k'iy ri xa xtiketzelaj.

San Lucas 7:23

Tibij k'a chire chi jun wineq ri kan rukuquban ruk'u'x wik'in y man jun bey yirumalij kan, jebel ruwa-ruq'ij, xcha'.

San Juan 15:24

Stape' rije' xkitz'et re nusamaj, jak'a xa yinketzelaj yin y chuqa' ri nata'. Nubanalon k'iy meyel taq banobel. Y wi man ta kitz'eton re banobel re', man ta niq'alajin chi e aj-maki'.

San Juan 18:37

Jak'a ri Pilato xubij chire ri Jesús: ¿Kan at rey wi k'a rat?, xcha'. Ri Jesús jari' k'a toq xubij chire: Ja', keri'. Yin kan in rey wi achi'el ri xabij.*f22* Kan richin wi k'a ri' toq xiqaqa-pe achi'el wineq chuwech re ruwach'ulew; richin chi ninq'alajirisaj ri qitzij chikiwech ri winaqi'. Y konojel k'a ri yeniman y e richin chik ri qitzij, kan nikiben-wi k'a ri ninbij yin chike, xcha'.

San Juan 8:47

Roma ri kan richin chik ri Dios, kan ja ri nubij ri ruch'abel ri Dios ri nuben. Jak'a rix man keri' ta niben, roma man ix richin ta ri Dios, xcha'.

San Juan 9:39

K'ari' ri Jesús xubij chire: Yin xipe k'a chuwech re ruwach'ulew richin ninq'alajirisaj kimak ri winaqi'; ninben k'a chike ri winaqi' ri man nitzu'un ta kánima chi titzu'un. Jak'a ri nikina' chi nitzu'un ri kánima xa ke'ok moyi', xcha'.

Hechos 13:10

y xubij chire: Rat xa nojineq awánima rik'in ronojel ruwech q'oloj y rik'in ronojel ruwech etzelal. Xa at jun ralk'ual ri Itzel-Wineq, roma nawetzelaj ronojel ri utz. Rat xa kan xotoxik naben chire ri chojmilej bey richin ri ajaw Dios. ¿Kan man kami xkatane' ta chubanik ri'?

Romanos 7:12

Ri pixa' kan loq'olej, kan utz y choj ri nubij.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.