Os 14:4 - Kaqchiquel Bible

⁴ Ri Dios nubij k'a: Yin kan xtinkuy k'a ronojel ri kimak ri aj-Israel. Kan xkenwajo' chik k'a, stape' man ruk'amon ta roma ri itzel kibanobal. Roma xa kan xk'is yan qa ri woyowal pa kiwi'.

Os 14:4 ပူးပေါင်းရင်းမြစ်များ

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin Bix Chire ri Dios 20:8

Rije' xa nik'is ri kuchuq'a' y yetzaq, jak'a roj kan jantape' oj pa'el.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Wuj Richin ri Isaías 12:1

Chupan k'a ri q'ij ri' rix nuwinaq xtibij: Xtiqabixaj k'a abi' rat Jehová. Stape' xpe awoyowal chiqe, jak'a re wakami xa xq'ax yan, y maneq chik janila q'axo'n qik'in.

Wuj Richin ri Isaías 55:1

Iwonojel rix ri janila chaqi'j ichi', kixanpe richin tiqumu' iya'. Y rix ri maneq iméro, kixanpe, kixloq'on y kixwa'. Kixanpe, kixloq'on stape' maneq iméro, y kan maneq rajel ri vino y ri leche.

Wuj Richin ri Isaías 57:18

Stape' kan nintz'et yan k'a ri kibanobal, jak'a yin xa xtinch'ajch'ojirisaj, y xkenyuqej chikiq'a', y kan xtinkuquba' kik'u'x ri yebison.

Wuj Richin ri Jeremías 14:7

Y ri winaqi' xkibij chire: Ri qabanobal nuq'alajirisaj ri qamak y k'iy mul kan man niqaben ta ri nabij rat. Kan oj makuwineq-wi chawech. Man rik'in ri', rat Jehová kan qojakolo' k'a roma ri ruruwaq'ijaj ri abi'.

Wuj Richin ri Jeremías 17:14

Kan ja rat Jehová kataq'oman wichin, richin xkik'achoj-el. Kinakolo' y xkikolotej, roma yin xa kan xaxe rat ri ninya' aq'ij.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Wuj Richin ri Jeremías 33:6

Jak'a yin kan xtinpaba' chik q'anej ri tinamit y xkenwaq'omaj ri winaqi' richin chi rije' xkek'ase' rik'in uxlanibel-k'u'x y qitzijri'il.

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Ez 33:14

Rik'in juba' ninbij chire jun wineq ri rujachon-ri' chubanik ri etzelal chi rija' kan xtiken roma ri itzel rubanobal. Jak'a wi rija' xa nitzolej k'a pe ruk'u'x y nuya' kan ri itzel k'aslen y nuchop k'a rubanik ri utz,

Ez 36:36

K'ari' ri juba' winaqi' ri xkek'oje' kan chi'inaqaj xtiketamaj chi ja yin Jehová ri xipaban chik q'anej ri wulatejineq kan y xintik chik qa ri ulew ri malin kan. Yin Jehová ri yibin.

Os 11:7

Rokik k'a ri' rije' kan jantape' yemakun chinuwech yin. Stape' kan yenwoyoj, jak'a xa man jun ri najowan ta ninimirisan nuq'ij.

Os 2:19

Israel: Yin kan xtinben k'a chawe chi kan xkatok wixjayil richin q'asen. Wixjayil ri kan yik'ule' awik'in rik'in ruchojmilal achi'el nubij ri q'atbel-tzij, roma kan yatinwajo' rik'in ronojel wánima.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin ri Sofonías 3:17

Roma ri Jehová kan k'o pa qanik'ajal roj. Rija' ri k'o ronojel uchuq'a' rik'in, xqojrukol. Roj kan xqojkikot rik'in. Rik'in ri rajowabal xtuya' k'ak'a' quchuq'a'.

Wuj Richin ri Q'axanri'il 25:11

Ri Finees ri ruk'ajol ri Eleazar, ri rumam kan ri nimalej sacerdote Aarón, kan xuben k'a chuwe chi xqaqa ruwi' ri woyowal chikij ri awinaq israelita. Rija' chuqa' kan xyakatej royowal achi'el yin, roma ri mak ri', y roma ri' yin man xink'is ta re tinamit.

Wuj Richin ri Q'axanri'il 25:4

K'ari' ri Jehová xubij chire ri Moisés: Ke'amolo' konojel ri e aj-raqen ri ek'o pa kiwi' ri awinaq y ke'akamisaj chinuwech yin Jehová y kan paq'ij k'a toq xke'akamisaj. Richin keri' ri woyowal ri yakatajineq chiwij xtik'is-el, xcha'.

Romanos 3:24

Roma ri rutzil ri Dios toq man jun qamak yojk'ulun chuwech rija'. Man jun k'a rajel nuk'utuj chiqe, roma ri Cristo Jesús xken richin xojtotej.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Tito 3:4

Jak'a toq ri Dios ri qakolonel xuk'ut ri rutzil y ri rajowabal chiqawech,