Os 14:2 - Kaqchiquel Bible

² Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Os 14:2 ပူးပေါင်းရင်းမြစ်များ

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

2 Sam 24:10

Jak'a toq ri David xuben yan re tz'iban bi'aj re', k'ari' xuna' chi xmakun, y xubij k'a chire ri Jehová: Yin kan janila ximakun chawech roma xinben re jun tz'iban bi'aj re'. Wakami k'a, nink'utuj utzil chawe chi takuyu' numak, roma yin kan xinben re' roma maneq nuna'oj, xcha'.

Wuj Richin ri Achin Job 7:21

¿Achike roma man yinakuy wi ximakun chawech, y namestaj chi kan in aj-mak-wi? Roma yin xa xkiken-el y xkibe kan pan ulew, y toq rat xkinakanoj, xa in maneq chik, xcha' ri Job.

Wuj Richin Bix Chire ri Dios 119:108

Tabana' utzil, xtak'awomaj ta k'a toq ninya' aq'ij rik'in bix, y tak'utu' chinuwech ri apixa'.

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

Wuj Richin Bix Chire ri Dios 51:16

Rat kan man niqa' ta k'a chawech chi yin ninsuj kamelabel chawe. Man nawajo' ta chi ninporoj chikop chawech.

Wuj Richin Bix Chire ri Dios 51:17

Ri sipanik ri niqa' chawech, kan ja ri jun ri ruqasan-ri'. Ri nibison y ruqasan-ri' chawech, kan man nawetzelaj ta rat nimalej Dios.

Wuj Richin ri Isaías 44:22

Yin kan xinyoj yan k'a ronojel imak, kan xinben yan chire achi'el toq nik'is-el ri sutz' richin nimaq'a'. Roma ri' kan titzolin k'a pe ik'u'x wik'in, roma yin kan xixinkol yan.

Wuj Richin ri Isaías 6:7

y xuya-apo ri q'aq' ri' chi nuchi', y xubij chuwe: Re q'aq' re' xuneq ri achi'. Y re' xuben chi kan xkuyutej k'a ronojel ri amak, richin kan man xtawejqalej ta chik, xcha'.

Wuj Richin ri Jeremías 3:12

Wakami k'a Jeremías, kabiyin y tabeya' re jun rutzijol re' chike ri winaqi' israelita ri ek'o pa xaman y tabij chike: Titzolin-pe ik'u'x wik'in rix ri xiniya' kan, yin kan xkixink'ul chi utzil y man xtipe ta woyowal chiwe richin jantape', xcha'.

Os 12:7

Ri Dios nubij: Ri aj-Israel kan e achi'el k'a jun k'ayinel ri nukusaj etabel ri man tz'aqet ta. Kan ja ri eleq' ri niqa' chikiwech.

Os 5:5

Ri runimirisanen ri tinamit Israel xa kan xtiq'alajirisex k'a chupalej. Ri Israel xa xtibetzaq k'a chupan ri rumak. Keri' chuqa' ri Judá xa kan xkerutzeqelibej, xa kan xtitzaq junan kik'in rije'.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Joel 2:17

Chuqa' ke'oq' ri sacerdote ri rusamajela' ri Jehová. Ke'oq' chukojol ri okibel richin ri rachoch ri Dios y ri porobel. Y tikibij: Jehová takuyu' janila qamak ri oj atinamit; man taya' q'ij richin ri ch'aqa' chik winaqi' yojkiyojobej, ni man taya' q'ij chi rije' yek'oje' pa qawi'. Man taya' q'ij chike richin nikibij: ¿Akuchi-k'o-wi ri ki-Dios?

Wuj Richin ri Jonás 2:9

Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

Wuj Richin ri Zacarías 3:4

K'ari' ri ángel xubij chike ri yeto'on richin, chi tikijala' ri rutziaq tz'il ri Josué, y tikiwiqa' rik'in jebelej taq tzieq. Y chire rija' xubij: Ri tz'il atziaq nuk'exewachuj ri amak. Wakami k'a xinwelesaj ri amak, y xkatinwiq rik'in jebelej taq tzieq ri nuk'exewachuj ri ruchojmilal, xcha'.

San Mateo 7:11

Wi rix stape' kan janila ix mal, man yixtikir ta niben keri' chike ri iwalk'ual, k'a ta la' k'a ri aj-chikajil qatata' chi man ta nuya-pe chiwe ri nik'utuj chire. Y ronojel ri nuya-pe rija' kan e utz wi.

San Lucas 11:13

Wi rix ri xa man kan ta utz ina'oj, man yixtikir ta niben keri' chike ri iwalk'ual, k'a ta la' chik k'a ri aj-chikajil qatata'. Rija' kan nuya-wi k'a ri Loq'olej Espíritu chike ri kan nikik'utuj, xcha' ri Jesús.

San Lucas 18:13

Jak'a ri moloy méro k'a nej xk'oje-wi kan richin nich'on rik'in ri Dios, pa'el y jun lukul-wi chiri', roma chuwech rija' kan man ruk'amon ta nuyek ri runaq' taq ruwech chikaj. Rija' nubajila' k'a ruwa-ruk'u'x, y nubij k'a chire ri Dios: Tajoyowaj nuwech, roma yin in jun aj-mak chawech, nicha'.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Romanos 11:27

Yin kan xtinben jun jikibel-tzij kik'in toq xtinkuy ri kimak, nicha'.

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 10:4

Roma ri kikik'el ri achija' taq wákix y ri tzuntzun kan man yetikir ta nikelesaj ri kimak.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

1 Juan 3:5

Rix iwetaman chi ri Jesucristo xpe chuwech re ruwach'ulew, richin xukuy ri qamak stape' rija' kan man jun rumak.