Os 14:1 - Kaqchiquel Bible

¹ Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Os 14:1 ပူးပေါင်းရင်းမြစ်များ

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.

Wuj Richin ri Jeremías 4:1

Yin Jehová kere' ninbij: Rix nuwinaq israelita, wi ta niwajo' nitzolin-pe ik'u'x, titzolin k'a pe ik'u'x wik'in yin. Tiwelesaj k'a el chi'ikojol ri wachibel ri kan man utz ta nintz'et y kan man tijech'ej chik el iwi' wik'in yin.

Os 13:9

Kan xkatink'is k'a, rat tinamit Israel, kan man jun k'a xtitikir xkakolon pa nuq'a'.

Wuj Richin ri K'uxla'anik 5:16

Ri ruwaq'ijaj ri xk'oje' qik'in xa kan xk'is k'a jumul. Kan toq'ex k'a qawech wakami roma kan xojmakun.

Os 5:5

Ri runimirisanen ri tinamit Israel xa kan xtiq'alajirisex k'a chupalej. Ri Israel xa xtibetzaq k'a chupan ri rumak. Keri' chuqa' ri Judá xa kan xkerutzeqelibej, xa kan xtitzaq junan kik'in rije'.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Isaías 19:22

Y kan keri' k'a ri Jehová kan xkerukol toq xuya' yan ri ruk'ayewal pa kiwi'. Rije' kan xtitzolin-pe kik'u'x rik'in, y rija' kan xtujoyowaj kiwech y kan xkeruto'.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Ez 33:14

Rik'in juba' ninbij chire jun wineq ri rujachon-ri' chubanik ri etzelal chi rija' kan xtiken roma ri itzel rubanobal. Jak'a wi rija' xa nitzolej k'a pe ruk'u'x y nuya' kan ri itzel k'aslen y nuchop k'a rubanik ri utz,

Os 4:8

Rik'in k'a ri sipanik ri nuya' ri tinamit richin nikuyutej kimak, rik'in ri' e k'es-wi. Roma ri' rije' kan nikirayij chi ri nutinamit nimakun ta más.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Os 10:12

Yin xinbij k'a chike ri aj-Israel chi tikitika-qa ri ruchojmilal, richin nikiwachij ajowabel. Tinaba' ri iwulew richin niqaqa jun k'ak'a' tiko'n. Roma xa kan xapon k'a ri q'ij richin yinikanoj chik yin Jehová. Kan keri' k'a tibana' k'a toq xkipe yin richin nonk'utu' chiwech ri ruchojmilal.

Os 12:8

Rije' kan xkibij k'a qa: Kan janila xibeyomer-q'anej kan nim k'a ri beyomel ri wilon yin. Kan man jun k'a xtitikir xtich'ojin chuwe ri akuchi nuk'amon-wi ronojel re beyomel re', ni kan man jun k'a mak xtilitej chupan, yecha'.

2 Rey 8:12

Y ri Hazael xubij chire: ¿Achike roma yatoq' wajaw?, xcha' chire. Y ri Eliseo xubij: Roma wetaman chi rat kan k'iy itzel ri xtabebana' chike ri nuwinaq israelita; y ri tz'aq xtabeya' ruq'aq'al, y xke'akamisaj ri alaboni' rik'in espada. Kan xke'abojla' ri taq ak'uala' chuwech abej, y kan xtachobila' kipan ri ixoqi' ri e yawa'i' chik, xcha'.

Ez 16:46

Ri animal pa xaman k'o-wi y ri' ja ri Samaria y ri e kokoj taq rutinamit. Y ri achaq' pa xokon k'o-wi y rija' ja ri Sodoma y ri e kokoj taq rutinamit.

Os 9:13

Yin nintz'et chi ri tinamit Israel kan junan rik'in ri tinamit Tiro. Ri kan jebel ri akuchi k'o-wi; jak'a xa kan xeruk'iytisaj ri ralk'ual xaxe richin yerujech pa kamik.

Am 1:13

Kere' nubij ri Jehová pa kiwi' ri aj-Amón: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xkiqupij kipan ri ixoqi' ri koyoben alanik ri chiri' pa ruwach'ulew Galaad. Ronojel re' xkiben xaxe richin chi ninimer ri kulew.