Os 13:8 - Kaqchiquel Bible

⁸ Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Os 13:8 ပူးပေါင်းရင်းမြစ်များ

2 Sam 17:8

Y chuqa' ri Husai xubij chire: Rat awetaman chi ri atata' y ri achi'a' ri e beneq rik'in, e achi'a' ri man nikixibij ta ki'. Wakami rije' kan itzel kina'on y yakatajineq koyowal achi'el jun ixoq oso toq e majon-el ri taq ral chuwech. Chuqa' ri atata', rija' jun achin ri kan richin oyowal, y man xtuq'axaj ta re aq'a' re' junan kik'in ri ruwinaq.

Wuj Richin ri Jeremías 12:9

Chuqa' rije' kan e achi'el jun kot, y xkepe k'a ch'aqa' chik aj-xik' chikopi' richin nikiben oyowal kik'in. Tikimolo-pe-ki' y kepe richin ye'okik'isa-el ri nuwinaq.

Wuj Richin ri Isaías 56:9

Kixanpe rix chikopi' ri ixk'o pa k'echelaj, kixanpe rix chikopi' ri ixk'o pa taq juyu', richin ye'ik'is-el konojel.

Wuj Richin ri Isaías 5:29

Ri kich'abel ri e etzelanel iwichin kan achi'el k'a toq niq'ajan-pe ri koj. Kan xtisik'in achi'el ri pa ruchi' ri ti alaj koj. Kan xkixkichop k'a rix, achi'el ri koj ri nuqach'ach'ela' k'a rey richin niberuchapa' ri ruq'ijun-pe. K'ari' xkixkik'uaj-el, y man jun xkixkolon kan pa kiq'a'.

Wuj Richin Etamabel-Tzij 17:12

Más utz juba' nabek'ulu-pe jun ixoq oso, ri yakatajineq royowal roma ri e elesan-el ri taq ral chuwech; ke chuwech nabek'ulu-pe jun wineq ri xa maneq runa'oj, y xa ch'abel ri ch'obon man ch'obon yerubila'.

Wuj Richin Bix Chire ri Dios 80:13

Rije' xa e achi'el juyubel aq ri xa nikikich rupan ri qaruwach'ulew; e achi'el ri k'uxunela' taq chikopi' ri xa xe'ok chupan richin xkik'is-el ronojel.

Wuj Richin Bix Chire ri Dios 50:22

Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

Wuj Richin ri Jeremías 25:38

Xel k'a pe achi'el jun koj ri nel-pe chupan ri rujul y roma ri nimalej royowal, ri ruwach'ulew kan xtik'is y kan xtok kan tz'iran. Chuqa' xtuteq-pe jun nimalej ruk'ayewal richin chi ri winaqi' kan xkekamisex k'a chi espada.

Os 2:12

Xtinben k'a chi xkechoy ronojel ri juwi-uva y ri ruche'el wíkix, ri achoq pa ruwi' xubij-wi chi kan jari' ri ruch'akoj kik'in ri achi'a' ri xe'ajowan richin. Ronojel ri ulew richin tiko'n kan xtinben k'a chire chi xtok kan jun soq'olbel; chiri' k'a xkewa-wi ri chikopi' ri e richin pa juyu'.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.