Os 13:7 - Kaqchiquel Bible

⁷ Roma ri' kan xkinok k'a chawe rat achi'el xa ta jun koj. Achi'el jun leopardo ri kan niq'eleben.

Os 13:7 ပူးပေါင်းရင်းမြစ်များ

Wuj Richin ri Achin Job 10:16

Roma wi yin nim ninna-q'anej-wi', rat xa yinawoqotala' achi'el nuben jun kanonel rik'in jun koj. Y rik'in ri keri' niq'alajin ri nima'q taq banobel ri ye'abanala' rat.

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Wuj Richin ri Jeremías 25:38

Xel k'a pe achi'el jun koj ri nel-pe chupan ri rujul y roma ri nimalej royowal, ri ruwach'ulew kan xtik'is y kan xtok kan tz'iran. Chuqa' xtuteq-pe jun nimalej ruk'ayewal richin chi ri winaqi' kan xkekamisex k'a chi espada.

Wuj Richin ri Jeremías 5:6

Roma ri' ri koj ri k'o pa k'echelaj kan xkerukamisaj, ri utiwa' ri ek'o pa tz'iran ruwach'ulew kan xkekiwech', ri balma xtuchop ri' kik'in chiri' chunaqaj ri kitinamit y kan xkeruk'ajij toq xke'el-pe, roma janila k'iy mak e kibanalon y janila k'iy q'oloj ri xekibanala'.

Wuj Richin ri K'uxla'anik 3:10

Yin xinna' chi ri Dios xiruchop richin xiruwech', kan achi'el k'a jun oso o jun koj ri k'o kiq'eleben. Keri' xuben ri Jehová wik'in yin.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Am 1:2

Ri Jehová nisik'in pa ruwi' ri juyu' Sión; kan nak'axatej-el k'a pa Jerusalem achi'el niq'ajan ri koqolajay. Ri soq'olbel kan nichaqi'j-qa; keri' chuqa' nichaqi'j-qa ri ruwi' ri juyu' Carmelo.

Am 3:4

Ri koj ri k'o pa k'echelaj man niwuyin ta wi man rukamisan ta ri achike nutej. Ri koj ri k'o pa rusok man niq'ajan ta wi maneq jun chikop ri xuchop.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

Apocalipsis 13:2

Ri nimalej itzel chikop ri xintz'et, achi'el nitzu'un jun balma, jak'a ri raqen achi'el raqen oso, y ri pa ruchi' achi'el koj. Y ri nimalej itzel keq rij chikop ri k'o pa sanayi' chuchi' ri palou, xuya' uchuq'a' y q'atbel-tzij chire ri chikop ri' richin nuq'et-tzij pa ruwi' ri ruwach'ulew.