Os 13:6 - Kaqchiquel Bible

⁶ Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Os 13:6 ပူးပေါင်းရင်းမြစ်များ

Wuj Richin ri Nehemías 9:35

Man xatkisamajij ta, stape' rije' xekikot rik'in ri utzilej taq ulew richin tiko'n ri xaya' chike.

Wuj Richin Bix Chire ri Dios 10:4

Roma nim nuna-ri', kan man yarukanoj ta rat, kan man yarunataj ta k'a chupan ronojel ri nuch'ob.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.

Wuj Richin ri Isaías 17:10

Kan xinimestaj yin ri xikolon iwichin, y kan man xoqaqa ta chi'ik'u'x chi ja yin ri itobal. Jak'a pa ruk'exel, rix nitik k'a ruwech ri qejoj ri kan jebel niwachin, richin niya' kiq'ij ri ch'aqa' chik dios.

Wuj Richin ri Jeremías 5:7

Roma ri' yin kere' ninbij: Yin kan man xtinkuy ta ri imak. Chuqa' ri iwalk'ual xinkimalij kan y kan xkiya' kitzij pa kibi' dios ri xa man e qitzij ta. Xinya' kiway pa ruk'iyal, jak'a rije' xa man xkinimaj ta nutzij y rije' xa xekitzeqelibej ch'aqa' chik dios.

Ez 23:35

Roma rat Jerusalem xa xinamestaj kan y xapiskolij-el-awi' chinuwech, roma ri' k'o chi xtatoj ri rutojbalil ri amak toq xachop jun itzel k'aslen, xcha' ri Jehová.

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Os 10:1

Ri aj-Israel kan achi'el k'a jun tiko'n richin uva ri janila ruxaq k'o. Jak'a ri ruwech ri nuya' xa kan xaxe richin qa rija', achi'el k'a ri ruwech ri nuya', keri' ri porobel ri xeruben-q'anej. Achi'el ri rubanik ri jebelej ruwach'ulew, keri' chuqa' ri paban-abej ri xerupabala-q'anej richin nikiya' kiq'ij.

Os 12:8

Rije' kan xkibij k'a qa: Kan janila xibeyomer-q'anej kan nim k'a ri beyomel ri wilon yin. Kan man jun k'a xtitikir xtich'ojin chuwe ri akuchi nuk'amon-wi ronojel re beyomel re', ni kan man jun k'a mak xtilitej chupan, yecha'.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Os 4:7

Rokik más xek'iyer-q'anej ri sacerdote, keri' chuqa' más xk'iyer-q'anej ri mak chinuwech yin. Yin kan xtinben k'a chi pa ruk'exel ri ruwaq'ijaj ri kik'uan, xa kan xtikiya' k'a kik'ix.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Os 7:14

Man xinkoyoj ta k'a rik'in ronojel kánima, stape' kan kiqasan-ki' k'a pan ulew kan xkisokola' k'a qa ki'. Richin chi xkik'utuj ri ki-trigo y ri ki-vino, xa xkipaba' k'a ki' chinuwech yin.

Os 8:14

Ri aj-Israel xa xkimestaj k'a ri banayon kichin, kan xkipabala' k'a q'anej jay kichin q'atbel-tzij. Ri aj-Judá xekiyakala' k'a q'anej tinamit ri sutin-kij chi tz'aq. Jak'a yin kan xtinya' k'a ruq'aq'al ri kitinamit y kan xkeruk'is k'a q'aq' ronojel ri jay ri xekipabala-q'anej, ncha' ri Dios.

Os 8:4

Rije' xkich'okoba' k'a ri ki-rey richin nik'oje' pa kiwi', ri xa man ja ta yin xicha'on chikiwech. Xekikanoj k'a qa aj-raqen chikikojol, jak'a yin man xinwetamaj ta. Rik'in ri saqipueq y ri q'anapueq xekibanala-qa ri ki-dios. Ronojel re' xuben chike richin chi xpe wululen chikij.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.