Os 13:2 - Kaqchiquel Bible

² Wakami xa kan k'a yemakun na k'a, roma kan k'a nikiya'erisaj na saqipueq y yekibanala' wachibel chire richin nikiya' kiq'ij. Achi'el k'a xqa' chikiwech rije' keri' xkiben chire, k'ari' xkibij chike ri winaqi' chi kekamela'an chikiwech. Ri winaqi' kan yekitz'ubaj k'a ri wachibel richin bóyix ri xeban.

Os 13:2 ပူးပေါင်းရင်းမြစ်များ

Os 2:8

Jak'a rija' xa man xuya' ta rejqalen chi ri trigo, ri vino y ri aceite xa ja yin ri in yoyon chire. Ri q'anapueq y ri saqipueq ri kan pa ruk'iyal nuya'on chire, xa chire ri Baal xusuj-wi.

Wuj Richin ri Isaías 46:6

Ek'o jujun winaqi' nikelesaj janila q'anapueq pa taq kik'ojelibal, y niketaj saqipueq chupan jun etabel. K'ari' nikikanoj jun samajiy q'eqapueq richin nuben jun dios chire richin yexuke' chuwech y nikiya' ruq'ij.

1 Rey 19:18

Jak'a yin kan e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Jehová.

Wuj Richin ri Jeremías 10:4

K'ari' nikiwiq rik'in saqipueq y q'anapueq y richin chi man nisilon ta nikiya' clavo chupan.

Romanos 11:4

¿Y achike xubij ri Dios chire ri Elías? Ri Dios xubij:*f41* Yin e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Dios.

2 Timoteo 3:13

Jak'a ri winaqi' ri xa itzel k'aslen kik'uan y ri q'olonela', xa más xtikinim ki' chupan ri etzelal. Xkekiq'ol ri winaqi', y rije' chuqa' xa xkeq'olotej.

Romanos 2:5

Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Os 10:1

Ri aj-Israel kan achi'el k'a jun tiko'n richin uva ri janila ruxaq k'o. Jak'a ri ruwech ri nuya' xa kan xaxe richin qa rija', achi'el k'a ri ruwech ri nuya', keri' ri porobel ri xeruben-q'anej. Achi'el ri rubanik ri jebelej ruwach'ulew, keri' chuqa' ri paban-abej ri xerupabala-q'anej richin nikiya' kiq'ij.

Os 8:6

Re wachibel re' kan richin chuqa' ri Israel. Re' xa achin xbanon richin, xa kan xtik'ajix k'a roma xa man dios ta.

Os 8:4

Rije' xkich'okoba' k'a ri ki-rey richin nik'oje' pa kiwi', ri xa man ja ta yin xicha'on chikiwech. Xekikanoj k'a qa aj-raqen chikikojol, jak'a yin man xinwetamaj ta. Rik'in ri saqipueq y ri q'anapueq xekibanala-qa ri ki-dios. Ronojel re' xuben chike richin chi xpe wululen chikij.

Wuj Richin ri Isaías 46:8

Toqaqa chi'ik'u'x ronojel re', kan tich'obo' rij, rix ri ix yakatajineq chuwij.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.

Wuj Richin ri Isaías 1:5

¿Achike k'a roma k'a niwajo' na más tijoj-poqonal? ¿K'a niwajo' na yixk'oje' chupan ri iyakatajinenri'il? Rix kan ix achi'el jun wineq ri janila yawa'. Chijun ri ijolon kan janila k'a sokotajineq, y ri iwánima janila chik niq'axon,

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

2 Crón 33:23

Kan man jun bey k'a xuqasaj-ri' chuwech ri Jehová, stape' ri rutata' xuqasaj-ri' chuwech ri Jehová. Rija' xa kan xunimirisaj ri rumak.

2 Crón 28:13

Rije' xkibij k'a chike ri aj-labal: Man ye'ik'en ta pe wawe' ri winaqi' ri e ik'amon-pe pan oyowal, roma re' xa kan xtuben chiqe chi yojmakun más chuwech ri Jehová stape' ri qamak xa kan xik'o yan ruwi'. Wi rix xke'ik'en-pe ri winaqi' ri' wawe', ri Dios xa kan más k'a xtipe royowal chire ri qaruwach'ulew Israel, xecha' rije'.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

Wuj Richin ri Q'axanri'il 32:14

Y wakami ja chik rix ri xixk'oje' kan pa kik'exel ri qate-qatata'. Rix xa ix jun tzobaj winaqi' aj-maki'. Xaxe richin niyek chik jun bey royowal ri Jehová pa qawi'.

Wuj Richin ri Jeremías 10:8

Konojel rije' xa maneq kina'oj y xa maneq kinojibal, roma xa xketamaj kik'in ri wachibel ri e banon rik'in che'.

Os 4:17

Ri aj-Israel kan kijachon k'a ki' chuya'ik kiq'ij wachibel, kan tik'oje' na k'a keri'.

Os 8:5

Rix aj-Samaria, ri ruwachibel ri achij wákix ri xiben, jari' k'a ri xixjik'on kan wik'in yin. Yin kan yakatajineq k'a woyowal chiwij rix. ¿K'a janipe' k'a xtich'ajch'ojirisaj-iwi' rix israelita?

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Wuj Richin ri Isaías 44:11

Kan konojel k'a ri nikiya' ruq'ij ri wachibel xa xkek'ixbitej. Ri xebanon kichin ri wachibel ri' xa e relik taq winaqi'. Wi ta konojel rije' nikimol-ki' richin nikito-ki' chinuwech yin, rije' xa xtikixibij-ki', y xtel itzel kitzijol.

Wuj Richin ri Jeremías 8:5

Jak'a rix aj-Jerusalem, ¿achike k'a roma xa xiniq'ol? ¿Achike roma xiben richin xixyakatej chuwij y man xiwajo' ta xixzolin-pe wik'in?

Os 11:2

Toq yin más yenwoyoj, jari' toq rije' más xkijech'ej kan ki' wik'in yin. Xa chikiwech k'a ri Baal ri xekamela'an-wi, xa chikiwech k'a ri wachibel ri xkisujula-wi ri poron chikop.