Os 13:16 - Kaqchiquel Bible

¹⁶ Ri tinamit Samaria kan xtiqaqa k'a ri rutojbalil-mak pa ruwi' roma kan xupaba-ri' chuwech ri Dios, kan xkekamisex chi espada. Ri taq ak'uala' kan xkek'aq k'a pan ulew, ri ixoqi' ri nibe'alex yan taq kal xa kan xtijaq k'a ri kipan, ncha' ri Dios.

Os 13:16 ပူးပေါင်းရင်းမြစ်များ

2 Rey 15:16

K'ari' ri Menahem, xuben oyowal kik'in ri aj-Tífsah, xuch'ek k'a y xerukamisaj konojel ri winaqi', y kan xujeq kipan konojel ixoqi' ri koyoben alanik. K'ari' xrelesaj-pe chuwi-kiq'a' ronojel ri k'o rejqalen. Kan keri' chuqa' xuben kik'in konojel ri tinamit ri ek'o chunaqaj y k'a napon ri pa Tirsá. Keri' xuben roma kan man xkajo' ta k'a richin xok rey pa kiwi'.

2 Rey 8:12

Y ri Hazael xubij chire: ¿Achike roma yatoq' wajaw?, xcha' chire. Y ri Eliseo xubij: Roma wetaman chi rat kan k'iy itzel ri xtabebana' chike ri nuwinaq israelita; y ri tz'aq xtabeya' ruq'aq'al, y xke'akamisaj ri alaboni' rik'in espada. Kan xke'abojla' ri taq ak'uala' chuwech abej, y kan xtachobila' kipan ri ixoqi' ri e yawa'i' chik, xcha'.

Wuj Richin ri Isaías 13:16

Kan chikiwech k'a rije' xkepotz'ix pan ulew ri taq kalk'ual. Ronojel ri rupan kachoch kan xtelesex-el chike, y ri kixjayilal kan xtiqasex k'a kiq'ij, roma xkek'oje' achi'a' kik'in stape' rije' man xtikajo' ta.

Am 1:13

Kere' nubij ri Jehová pa kiwi' ri aj-Amón: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xkiqupij kipan ri ixoqi' ri koyoben alanik ri chiri' pa ruwach'ulew Galaad. Ronojel re' xkiben xaxe richin chi ninimer ri kulew.

Wuj Richin ri Nahum 3:10

Man rik'in ri' ri Tebas xa xuk'uex-el pa ximonri'il. Chuqa' ri taq ak'uala' xek'aq tzan taq abej pa taq krusin-bey. Ri achi'a' ri k'o kiq'ij xban sakinik pa kiwi' richin achike ri yekik'uaj-el, y ri k'o kuchuq'a' xe'uk'uex-el y xexim-el rik'in q'eqapueq.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Wuj Richin ri Miqueas 1:4

Ri akuchi niq'ax-wi ri Jehová kan yebelel-qa ri nima'q taq juyu', achi'el niya'er-qa ri cera chuwech ri q'aq'. Ri taq'aj kojol taq juyu' kan xkesoboso-qa, achi'el nuben jun raqen-ya' chuwech jun ruwa-xulan.

Am 9:1

Yin xinben chik jun achi'el achik', y xintz'et ri Jehová pa'el chunaqaj ri porobel, y xubij chuwe: Ke'asiloj ri ruwi' pilar richin xkekorotej ronojel che'; richin nitzaq-qa ronojel pa kiwi' ri winaqi'. Y ri xkekolotej kan, ja yin xkikamisan kichin rik'in espada. Kan man jun xtitikir xtiberewaj-ri', ni man jun xtukol kan ri'.

Am 3:9

Tiya' rutzijol chike ri winaqi' ri ek'o pa jay richin tobel chiri' pa tinamit Asdod. Tiwak'axaj ri rutzijol rix ri ixk'o pa jay richin tobel chiri' pan Egipto. Timolo-iwi' pa taq juyu' richin Samaria richin titz'eta' ri wululen ri k'o chiri', y titzu' ri kamik ri nibanatej.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Os 10:2

Rije' xa kan ruch'aron-ri' ri kánima, wakami kan xtibekitojo' k'a ri kimak. Ri Jehová kan xtuben k'a chi xkewulex-el ronojel porobel ri e kibanon. Kan xkewulex k'a chuqa' ronojel ri wachibel ri e kibanalon richin nikiya' ruq'ij.

Os 7:14

Man xinkoyoj ta k'a rik'in ronojel kánima, stape' kan kiqasan-ki' k'a pan ulew kan xkisokola' k'a qa ki'. Richin chi xkik'utuj ri ki-trigo y ri ki-vino, xa xkipaba' k'a ki' chinuwech yin.

Wuj Richin ri Isaías 17:3

Ri tinamit ri sutin-kij ri ek'o chiri' pan Israel kan xkewulatej, Y ri uchuq'a' ri k'o rik'in ri rey richin Damasco xa xtelesex-el. Y ri juba' ri xkekolotej kan chike ri aj-Siria xa kan xkek'ixbitej achi'el xkiben ri aj-Israel. Yin Jehová k'iytisanel richin ronojel ri yinbin.

Wuj Richin ri Isaías 8:4

Roma toq ri ak'ual xtitikir xtubij táta, nána, jari' toq ri aj-Damasco y ri aj-Samaria xtelesex-el ronojel kibeyomel y xke'uk'uex-el rik'in ri rey richin Asiria.

2 Rey 17:18

Roma ri' ri Jehová kan xyakatej k'a janila royowal rik'in ri tinamit Israel. Kan xerelesaj-el pa ruwach'ulew Israel richin xeruya' chik juk'an ruwach'ulew, y xaxe k'a ri ruwach'ulew Judá xk'oje' kan chiri'.

2 Rey 17:6

K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

2 Rey 17:5

Ri rey richin Asiria xbe-el pan Israel richin xberubana' oyowal y kan xusutij-rij ri Samaria oxi' juna' richin xeruch'ek.