Os 13:15 - Kaqchiquel Bible

¹⁵ Stape' ri Israel xtiwinaqir-q'anej chikikojol ri rach'alal, xa kan xtipe k'a jun kaq'iq' pa relebel-q'ij, xa kan xtipe k'a jun kaq'iq' wichin yin Jehová ri xtijote-pe pa tz'iran ruwach'ulew. Re kaq'iq' re' kan xtuchaqirisaj k'a kan ronojel ri ralaxbal taq ya' y kan xkek'is k'a ronojel. Ri e etzelanel kichin xa kan xtikik'uaj k'a el ronojel ri beyomel y ronojel ri k'o rejqalen ri k'o kik'in.

Os 13:15 ပူးပေါင်းရင်းမြစ်များ

Wuj Richin ri Rutikeribel 41:23

Xeri' xintz'et chi ek'o wuqu' chik ruwi' trigo ri xebek'iy-pe, ri e chaqi'j-chaqi'j yetzu'un, taq e kokoj ok kipan y e k'atineq roma ri kaq'iq' ri nipe ri pa relebel-q'ij.

Wuj Richin ri Rutikeribel 41:52

Y xalex k'a ri ruka'n ruk'ajol y xubini'aj Efraín y re' nel chi tzij niwachin, roma rija' xubij: Ri Dios xuben chuwe richin xek'oje' walk'ual chupan re ruwach'ulew akuchi janila xintej poqon, xcha'.

Wuj Richin ri Rutikeribel 41:6

K'ari' xutz'et k'a chi ek'o chuqa' wuqu' ruwi' trigo ri ye'el-pe, ri e chaqi'j y e k'atineq yetzu'un roma ri kaq'iq' ri nipe kere' pa relebel-q'ij.

Wuj Richin ri Rutikeribel 48:19

Jak'a ri rutata' man xrajo' ta y xubij chire ri José: ¡Wetaman chik nuk'ajol yin, kan wetaman! Ri nimalaxel xtok na wi jun achin ri janila ruq'ij y xtuben-q'anej jun tinamit, jak'a ri chaq'laxel kan xtik'oje' k'a más nim ruq'ij chuwech re nimalaxel; roma ri rijatzul janila e k'iy ri xkebek'oje' chuwech ri ruwach'ulew, xcha' ri Jacob.

Wuj Richin ri Rutikeribel 49:22

Ri José achi'el tipe jun tikilik che', rija' tikil chuchi' jun ralaxbel-ya' y jebel niwachin, ri ruq'a' kan yejote' k'a chuwech ri tz'aq.

Wuj Richin ri Achin Job 18:16

Kan xtuk'uluwachij k'a achi'el nuk'uluwachij jun che', toq nichaqi'j-qa ri ruxe', y keri' k'a pa rutum-el.

Wuj Richin Bix Chire ri Dios 1:4

Man keri' ta k'a nibanatej kik'in ri yebanon ri etzelal. Rije' xa e achi'el k'a ri solot ri nuxupupej-el kaq'iq'.

Wuj Richin Bix Chire ri Dios 109:13

Xkek'is ta k'a ri rijatzul, y chirij ri ruka'n sol ruwinaq kan ta k'a xtiyojtej jumul ri rubi'.

Wuj Richin ri Isaías 14:21

Roj kan xkeqakamisaj ri awalk'ual roma ri itzel ri xe'aben rat y ri ate-atata'. Richin keri' rije' man xtikiq'et ta tzij pa ruwi' jun ruwach'ulew, ni man xtikipaba' ta el jun chik tinamit.

Wuj Richin ri Isaías 17:13

Jak'a ri Dios yeruch'olij ri winaqi' ri', y rije' xa kan ye'animej-el nej. Xke'uk'uex-el achi'el ri páxa ri uk'uan-el roma ri kaq'iq'. Xketalux-el achi'el nuben ri surkum rik'in ri poqolaj.

Wuj Richin ri Isaías 27:8

Jak'a ri Dios xuya' ri rutojbalil pa kiwi' ri qawinaq achi'el ri k'atzinel. Y xuteq k'a pe jun nimalej kaq'iq' pa tz'iran ruwach'ulew richin xerutaluj-el, achi'el nuben ri kaq'iq' ri peteneq pa relebel-q'ij.

Wuj Richin ri Isaías 41:16

Kan xke'italuj-el ri e etzelanel iwichin, achi'el toq nijopij chikaj ri trigo, y kan ja ri kaq'iq' ri xtitalun-el ri q'ayis. Jak'a rix kan jantape' xkixkikot wik'in yin Jehová; y xtik'oje' ri ruwa-iq'ij wik'in yin ri in Loq'olej richin Israel.

Wuj Richin ri Jeremías 20:5

Keri' chuqa' xtinjech-el ronojel ri beyomel richin re tinamit re', ronojel ri e kich'akon rik'in ri kisamaj y ri k'o rejqalen ri k'o kik'in. Y xtinya' ronojel beyomel ri kichin ri rey pa kiq'a' ri e etzelanel iwichin. Xtikelesaj k'a el ronojel chuwi-kiq'a' y xtikik'uaj-el pa Babilonia.

Wuj Richin ri Jeremías 4:11

Y toq xtapon ri q'ij ri', xtibix chire ri tinamit Jerusalem: Jun nimalej meq'en kaq'iq' ri peteneq pa tz'iran ruwach'ulew nuxupuj-pe pa ruchojmilal ri nutinamit. Y man ja ta kaq'iq' ri' ri nik'atzin richin nijosq'ix ri trigo.

Wuj Richin ri Jeremías 4:12

Ri kaq'iq' ri xtinteq-pe yin kan más k'a ruchuq'a' y rik'in ri' xtinq'et-tzij pa kiwi' rije'.

Wuj Richin ri Jeremías 51:1

Ri Jehová nubij: Yin kan xtinbentaqa-pe jun tzobaj aj-labal achi'el jun nimalej kaq'iq' pa ruwi' ri ruwach'ulew Babilonia ri kan xtuk'is ronojel.

Wuj Richin ri Jeremías 51:36

Ri Jehová nubij: Yin ninbenq'ata-tzij pa kiwi' ri aj-Babilonia, y kan xtinya' ri ruk'ayewal pa kiwi'. Kan xkenchaqirisaj k'a ri raqen taq ya' y ronojel ri alaxibel taq ya' ri ek'o chiri'.

Ez 17:10

Stape' xtitik chik qa, man xtibejotayin ta chik pe. Y toq xtipe ri kaq'iq' re kere' pa relebel-q'ij, xa xtichaqi'j-qa ri ruxe', xcha'.

Ez 19:12

Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Dn 11:8

Xkekik'uaj k'a el ri e ruwachibel ri ki-dios ri aj-Siria, ri banon rik'in saqipueq y q'anapueq. Y toq xketzolin pan Egipto, kan k'iy k'a juna' ri man xtikineq ta ri Siria.

Os 10:1

Ri aj-Israel kan achi'el k'a jun tiko'n richin uva ri janila ruxaq k'o. Jak'a ri ruwech ri nuya' xa kan xaxe richin qa rija', achi'el k'a ri ruwech ri nuya', keri' ri porobel ri xeruben-q'anej. Achi'el ri rubanik ri jebelej ruwach'ulew, keri' chuqa' ri paban-abej ri xerupabala-q'anej richin nikiya' kiq'ij.

Os 2:3

Roma man xa tinwelesaj ronojel chire, man xa tinben chire achi'el rubanikil toq xalex, y xtinben chire chi xtok kan achi'el tz'iran ruwach'ulew; kan achi'el ri ruwach'ulew ri chaqi'j-chaqi'j y xa xtinkamisaj roma chaqi'j-chi'ij.

Os 4:19

Xtapon k'a ri q'ij toq xtipe achi'el jun surkum chikij y kan xkeruk'uaj. Xtoqaqa k'a chikik'u'x ri kamelabel ri yekisujula' y xa xkek'ixbitej roma ri', ncha' ri Dios.

Os 9:11

Ri ruwaq'ijaj ri xk'oje' rik'in ri tinamit Israel xa kan xtibe achi'el nuben jun aj-xik' chikop. Roma ri' xa kan man jun chik k'a xtalex chikikojol, ri ixoqi' man xkeyawej ta chik chirij ak'ual, kan man jun chik k'a ak'ual xtitz'ukutej-pe kik'in.

Wuj Richin ri Jonás 4:8

Y toq xmeq'e' k'a pe ri q'ij, ri Dios xuteq k'a pe jun k'aten kaq'iq' pa relebel-q'ij. Y ri Jonás kan nik'at chuwech ri q'ij y xlawalo-qa roma ri k'aten ri'. Jari' toq xurayij ri rukamik y xubij: Más ta utz yiken ke chuwech ri in k'es, xcha'.

Wuj Richin ri Nahum 2:9

¡Ri e etzelanel kichin nikibij: ¡Qak'uaj-el ri saqipueq y ri q'anapueq! ¡Ri rubeyomel ri Nínive kan man yojtikir ta niqak'is-el!

Deut 33:17

Rix achi'a' aj-Efraín ri ix richin oyowal, kan janila iwuchuq'a' achi'el jun alaj achij wákix. Chuqa' rix achi'a' aj-Manasés ri ix richin oyowal, kan ix achi'el jun achij wákix ri janila mal. Rik'in ri iwuk'a' xke'ich'ek konojel ri e etzelanel iwichin. Rik'in ri ikum xke'ich'ek tinamit ri ek'o pa ruk'isibel chire ri ruwach'ulew.