Os 12:8 - Kaqchiquel Bible

⁸ Rije' kan xkibij k'a qa: Kan janila xibeyomer-q'anej kan nim k'a ri beyomel ri wilon yin. Kan man jun k'a xtitikir xtich'ojin chuwe ri akuchi nuk'amon-wi ronojel re beyomel re', ni kan man jun k'a mak xtilitej chupan, yecha'.

Os 12:8 ပူးပေါင်းရင်းမြစ်များ

Apocalipsis 3:17

Rix kan nibij chi k'o iméro, chi ix beyoma' y man jun chik ri nik'atzin chiwe. Jak'a man iwetaman ta chi rix xa tijoyowex iwech. Xa ix meba'i', xa man jun k'o iwik'in, xa ixch'anel, y chuqa' ix moyi'.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

Wuj Richin ri Zacarías 11:5

Ri loq'onela' man xtiqaqa ta rutojbalil pa kiwi' toq yekikamisaj-qa. Y ri xek'ayin-el kichin nikibij-qa: Kan janila nim ruq'ij ri Jehová, roma xojbeyomer kan, yecha-qa. Ni ta k'a ri xyuq'un kichin man nujoyowaj ta k'a kiwech.

Wuj Richin Etamabel-Tzij 30:20

Keri' nibanatej rik'in ri ixoq k'ulan, ri nik'oje' kik'in achi'a'; chuwech rija', xa achi'el toq niwa', nusu' ri chi ruchi' y k'ari' nubij chi man jun itzel rubanon.

Wuj Richin Etamabel-Tzij 30:12

Ek'o sol winaqi' ri kan nikich'ob-qa chi jebel e ch'ajch'oj, y xa k'a man jani e ch'ajch'ojirisan ta chire ri tz'il k'aslen.

Wuj Richin Bix Chire ri Dios 52:7

Titzu' ri xuk'uluwachij ri wineq ri man xukuquba' ta ruk'u'x rik'in ri Dios. Xa kan rik'in k'a ri rubeyomel ri xukuquba-wi ruk'u'x. y jantape' xk'oje' chupan ri rumak.

Wuj Richin Bix Chire ri Dios 49:6

Ri kikuquban kik'u'x rik'in ri kibeyomel, y ri kan nikinimirisaj-ki' rik'in ronojel ri k'o kik'in,

Deut 8:17

Man tibij-qa pan iwánima chi ronojel ri ibeyomel kan ich'akon rik'in ri isamaj y ri iwuchuq'a'.

1 Timoteo 6:17

Y rat Timoteo, tabij chike ri qach'alal ri e beyoma' chi man tikinimirisaj-ki', ni man tikoyobej chi ri beyomel nuk'en-pe ronojel chike, roma ri beyomel xa nik'is. Pa ruk'exel ri' xa kan tikikuquba' kik'u'x rik'in ri Dios ri niya'on ronojel ri utz chiqe paruk'iyal richin nikikot ri qánima.

San Lucas 16:15

Roma ri' ri Jesús xubij chike: Rix kan nibananej chikiwech ri winaqi' chi kan janila ix choj. Jak'a ri Dios retaman achike ri k'o pan iwánima. Ri k'o janila rejqalen chuwech re ruwach'ulew, ri Dios kan nrixowaj.

San Lucas 16:13

Man jun k'a samajel ri nitikir ta yerilij e ka'i' rajaw pa jun bey. Roma wi nrajo' jun chike ri rajaw, nretzelaj chik kan ri jun. Y wi kan nunimaj rutzij ri jun, man nitikir ta nuben keri' rik'in ri jun chik. Chuqa' man nitikir ta nibe ránima chirij ri beyomel, y nutzeqelibej chuqa' ri Dios, xcha' ri Jesús.

San Lucas 12:19

Xtinbij-qa pa wánima chi janila k'o wik'in y k'iy juna' man xtintej ta wayjal. Xkikikot k'a, y xkinuxlan. Xkiwa' y xkinuk'ya', xcha-qa ri beyom.

San Lucas 10:29

Jak'a re etamanel re' kan xrajo' chi tiq'alajin chi kan k'o-wi etamabel rik'in. Roma ri' xuben chi achi'el man q'axineq ta chuwech ri achike k'a ri' ri ruwinaq, ri ruk'amon chi nrajo' achi'el nrajo-qa-ri' rija'.

Wuj Richin ri Malaquías 3:13

Rix kan ibilon poqon taq ch'abel chuwij yin, y k'ari' nibij chi man jun itzel ibin chuwij.

Wuj Richin ri Habacuc 1:16

Rije' nikiya' kiq'ij ri kikamisabal, achi'el ri e chapoy ker ri kan yekisuj kamelabel pa rubi' ri kiya'l, y kan yekamela'an k'a roma ri'. Roma rik'in ri' nikil-wi ri janila jebelej taq q'utun, y kan pa ruk'iyal.

Wuj Richin ri Jeremías 2:23

¿Achi'el toq nibij chi man ix tz'ilobitajineq ta, ni man jun bey xitzeqelibej ch'aqa' chik dios? Toqaqa chi'ik'u'x ri ibanobal ri xiben chiri' pa taq'aj kojol juyu'.*f2* Toqaqa k'a jebel chi'ik'u'x ri achike ri e ibanalon. Rix xa kan xitzeqelibej achi'el nuben jun ixoq camello ri nibujuj richin nukanoj jun achij y xabakuchi nibe-wi.

Wuj Richin ri Jeremías 2:35

jak'a rix nibij chi man jun imak ibanon. Y rix nich'ob chi yin man woyowal ta chik chiwe. Roma nibij chi man ix makuwineq ta, roma ri' wakami, yin xtinq'et-tzij pan iwi'.

Wuj Richin ri Malaquías 2:17

Ri Jehová kan xkos yan k'a chi rak'axaxik ri ich'abel, y man rik'in ri' rix nik'utuj ri achike k'a ri nibij rix richin ri Jehová xkos yan iwik'in. Roma rix kan jantape' nibij chi ri Jehová kan yeqa' chuwech konojel ri nikiben itzel, y chuqa' man niniman ta chike ri winaqi' ri yebanon etzelal.

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Os 4:8

Rik'in k'a ri sipanik ri nuya' ri tinamit richin nikuyutej kimak, rik'in ri' e k'es-wi. Roma ri' rije' kan nikirayij chi ri nutinamit nimakun ta más.

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Os 14:1

Tinamit Israel, kan titzolej chik k'a ak'u'x rik'in ri Jehová ri qa-Dios. Roma xa kan at tzaqineq k'a roma ri amak.

Wuj Richin Etamabel-Tzij 11:1

Ri Dios kan man utz ta yerutz'et ri winaqi' ri ye'ukusan pajbel ri xa ye'eleq', jak'a kan nikikot ri ránima kik'in ri winaqi' ri ye'ukusan pajbel ri kan e tz'aqet,

Wuj Richin ri Jeremías 5:27

Kan nikinojisaj ri kachoch rik'in ronojel ri keleq', achi'el toq yenoj ri taq jay kichin ri aj-xik' taq chikopi'. Roma ri' xebeyomer-q'anej.

Am 8:5

Rix nibij: ¿Janipe' k'a nik'is richin ninimaq'ijux ri k'ak'a' ik', richin niqak'ayij ri qa-trigo? ¿Janipe' k'a nik'is ri q'ij richin uxlanen, richin niqak'ayij ri jalajoj ruwech ixin? Tiqakusaj pajbel ri man e tz'aqet ta. Tiqajotoba' rajel ronojel. Tiqakusaj etabel ri man e tz'aqet ta.