Os 12:13 - Kaqchiquel Bible

¹³ Rik'in k'a jun q'alajirisey nuch'abel xenwelesaj-pe ri israelita pan Egipto, kan xeyuqex k'a roma ri q'alajirisanel ri', nubij ri Dios.

Os 12:13 ပူးပေါင်းရင်းမြစ်များ

Wuj Richin ri Rutikeribel 28:2

Xa kabiyin k'a chupan ri ruwach'ulew rubini'an Padán-aram pa rachoch ri amama' Betuel, rutata' ri ate', y kak'ule' rik'in jun rumi'al ri Labán ruxibal ri ate'.

Wuj Richin ri Rutikeribel 29:20

Y keri' ri Jacob xsamej k'a wuqu' juna' roma ri Raquel, jak'a chuwech rija' man k'iy ta juna' xsamej, roma janila nrajo'.

Wuj Richin Bix Chire ri Dios 77:20

Xe'ayuqej k'a ri qawinaq achi'el jun q'ataj karne'l, ja ri Moisés y ri Aarón xe'akusaj richin xeyuqen kichin.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 14:19

Y xbanatej k'a chi ri ángel richin ri Dios ri kan beneq-wi chikiwech, xq'ax k'a kan chikij rije'. Y kan ja chuqa' ri' toq ri sutz' pa'el chikaj ri beneq chikiwech, xq'ax kan chuqa' chikij y chiri' xbepa'e-wi.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

Deut 26:5

Y kere' k'a xtibij-apo chuwech ri Jehová ri qa-Dios: Ri qati't-qamama' e aj-Aram xebe-kela' xebe-kela' xkiben y xa juba' man xeken. Chuqa' xebek'oje' pan Egipto y e juba' ok. Chiri' janila xewinaqir. Kan xe'ok jun nimalej tinamit y xk'oje' kuchuq'a'.

1 Sam 12:8

Toqaqa k'a chi'ik'u'x toq ri Jacob y ri rijatzul xe'ok pan Egipto, y ri aj-Egipto xekiya' pa tijoj-poqonal ri qati't-qamama'. Rije' xesujun chuwech ri Jehová chire ri tijoj-poqonal ri nikiq'axaj, y roma ri' ri Jehová xuteq ri Moisés y ri Aarón richin xerelesaj-pe pan Egipto ri qati't-qamama', y xeruya' kan re wawe'.