Os 12:10 - Kaqchiquel Bible

¹⁰ Yin kan xich'on k'a pe iwik'in koma ri e q'alajirisey nuch'abel. Kan k'iy k'a ri xinq'alajirisaj chikiwech, rije' kan k'iy k'a ri k'ambel taq tzij ri xkikusaj ri xinbij chike.

Os 12:10 ပူးပေါင်းရင်းမြစ်များ

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

1 Rey 19:10

Y ri Elías xubij chire: Jehová Dios k'iytisanel richin ronojel: Yin kan at nutzeqeliben k'a pe y man jun bey at nuya'on kan. Jak'a ri nuwinaq israelita xa xkich'er kan ki' chire ri ajikibel-tzij. Xekiwulaj-el ri porobel akuchi niya'ox-wi aq'ij rat, y rik'in espada xekikamisaj ri e q'alajirisey ach'abel. Xaxe chik k'a yin ri xikolotej kan, y wakami yinkikanoj richin nikelesaj chuqa' ri nuk'aslen yin, xcha'.

2 Rey 17:13

K'ari' rija' xeruteq k'a q'alajirisey ruch'abel y achi'a' ri kan yetikir nikitz'et ri chikiwech-apo, y xerukusaj richin tikiq'alajirisaj chikiwech ri israelita richin chi titzolej-pe kik'u'x y tikiya' kan ri itzel bey ri kik'uan, y kan tikibana' achi'el nubij ri pixa' ri xuk'ut chikiwech ri kite-kitata'.

Wuj Richin ri Nehemías 9:30

Man rik'in ri' xe'akoch' k'iy juna'. Y ri Utzilej Espíritu xerukusaj ri e q'alajirisey ri ach'abel, richin chi xubij chike chi titzolej-pe kik'u'x awik'in. Jak'a rije' man xkajo' ta xkak'axaj. Y roma ri' xe'ajech pa kiq'a' ch'aqa' chik winaqi' ri ek'o chikinaqaj.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Wuj Richin ri Jeremías 19:1

Chirij ri', ri Jehová xubij chuwe: Tabeloq'o' jun bojo'y y ke'awachibilaj-el ka'i-oxi' achi'a' ri k'o kiq'ij chupan ri tinamit y jujun aj-raqen kichin ri e sacerdote y

Wuj Richin ri Jeremías 19:10

Toq xabij yan qa re ch'abel re', k'ari' xtapaxij ri bojo'y chikiwech ri achi'a' ri e tzeqelibeyon-el awichin.

Wuj Richin ri Jeremías 25:4

Ri Jehová kan jantape' k'a e rutaqon-pe ch'aqa' chik e rusamajela' ri e q'alajirisey ruch'abel y jak'a rix xa man xiwak'axaj ta, ni man xinimaj ta kitzij.

Wuj Richin ri Jeremías 7:25

Kan ja toq xe'el-pe ri iwati't-imama' pan Egipto k'a re wakami, yin e nutaqon-pe ri e nusamajela' ri yeq'alajirisan ri nuch'abel.

Ez 17:2

Rat Ezequiel, kach'on pa nubi' kik'in ri awinaq israelita y taya' jun k'ambel-tzij chikiwech.

Ez 20:49

Y yin xinbij k'a chire: ¡Ajaw!, ri winaqi' nikibij chi yin xaxe yenbila' ch'abel ri man jun achoq chuwech niq'ax-wi, xicha'.

Os 13:4

Ri Jehová nubij chire ri tinamit Israel: Ja yin Jehová ri a-Dios kan k'a toq k'a atk'o na pan Egipto. Roma ri' kan man ninwajo' ta chi nik'oje' jun chik a-dios chinuwech yin. Xa kan xaxe k'a yin ri in akolonel y man jun chik k'o chuwij yin.

Os 3:1

Ri Jehová xch'on chik k'a jun bey wik'in yin Oseas y xubij chuwe: Wakami kan tawajo' chik jun bey jun ixoq itzel ruk'aslen ri ajowan koma ch'aqa' chik achi'a'. Kan tawajo' k'a achi'el ri wajowabal yin Jehová, kik'in ri tinamit Israel. stape' ri winaqi' ri' xa kan xekitzeqelibej ch'aqa' chik dios. Y kan niqa' chikiwech ri kaxlan-wey ri banon rik'in uva ri sujun chik chikiwech ri Baal, xcha' chuwe.

Joel 2:28

Chirij k'a ronojel re', xtinya-pe ri nu-Espíritu pan iwi' chi'iwonojel rix. Chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri rijita'q taq achi'a', k'o xkenq'alajirisaj chike pa kachik'.

Wuj Richin ri Chojmirisabelri'il 23:42

Chi wuqu' k'a q'ij ri' chi'iwonojel rix xkixk'oje' chupan ri taq jay ri xke'iben rik'in ri ruq'a-che'. Y ri iwijatzul chuqa' xkek'oje' wuqu' q'ij pa taq jay ri e banon rik'in ruq'a-che',

Am 7:14

Jari' toq xinbij chire ri Amasías: Yin man in jun ta q'alajirisey ruch'abel ri Dios, ri ninben ta richin ninch'ek nu-méro. Rubanon kan xa in yuq'unel, y yenwux wíkix ri ek'o pa k'echelaj.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

Hechos 2:17

chupan ri rutz'iban kan rija', ri Dios nubij:*f5* Chupan ri ruk'isibel taq q'ij, xtinya-pe ri Loq'olej Espíritu pan iwi' chi'iwonojel rix. Y chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri achi'a' e rijita'q chik, pa kachik' k'a ri k'o xkenq'alajirisaj chike.

2 Corintios 12:1

Y kan qitzij wi chi man ruk'amon ta ninya-qa nuq'ij. Jak'a wakami yin xkich'on juba' chirij ri achik' y ronojel ri nuk'ut ri ajaw chinuwech.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.