Os 11:8 - Kaqchiquel Bible8 Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech. အခန်းကိုကြည့်ပါ။ |
Os 11:8
38 ပူးပေါင်းရင်းမြစ်များ
Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.
K'ari' jun chike ri ixoqi' xubij: Utz wi keri' nibanatej, roma ni chuwe yin ni chawe rat man niya'ox ta. Más utz titzak'ix pa nik'aj, xcha' ri ixoq ri'. Jak'a ri rute' ri ak'ual ri k'es, roma kan nujoyowaj ruwech ri ti ral, kere' xubij chire ri rey: ¡Ni, wajaw yin!, tabana' utzil man nakamisaj ta la ak'ual. Más utz taya' chire la ixoq, xcha'.
Wakami k'a rat qa-Dios, katzu'un k'a pe ri k'a akuchi atk'o-wi; y tatz'eta' jebel k'a chupan ri loq'olej atz'uyubal ri akuchi nitz'etetej-wi ri aruwaq'ijaj. ¿Akuchi k'o-wi ri awajowabal y ri nimalej awuchuq'a'? ¿Akuchi k'o-wi ri ana'oj? Rik'in juba' xk'is yan ri joyowanik ri k'o awik'in pa qawi' roj.
Y rije' kan xkinoqaqa k'a chikik'u'x toq juk'an chik chire re ruwach'ulew ek'o-wi. Kan xtoqaqa k'a chikik'u'x chi janila kisokon ri wánima roma man xkiben ta ri xinbij chike y chuqa' roma xkich'er kan ki' wik'in y xekitzeqelibej ch'aqa' chik dios. Y k'ari' itzel xtikina-qa roma ri itzel taq kibanobal ri xekibanala'.
Roma ri' yin Jehová, ri in k'iytisanel richin ronojel, ninya' nutzij chi ri ruwach'ulew Moab xtiberuk'uluwachij achi'el ri Sodoma, y ri Amón achi'el ri Gomorra. Xtibe'ok kan juyu' richin k'ix y ulew richin atz'an. Kan xtitole' k'a kan richin q'asen. Jak'a ri xkekolotej kan chike ri nutinamit yin, xtikichinaj kan ronojel ri k'o rejqalen, y xtok kan kichin rije' richin q'asen.
K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.
Y xtikitz'et k'a chi ri chiri' kan xtok kan tz'iran ruwach'ulew, xa kan xaxe chik ri chuwilej-abej, atz'an y k'atineq ulew k'o y man niwachin ta chik y ni ta q'ayis man nik'ase' ta chik chuwech, roma kan xtibanatej rik'in achi'el ri xbanatej kik'in ri tinamit Sodoma, Gomorra, Admá y Zeboím, roma ri Jehová xyakatej janila royowal chikij y xeruk'is.
Y chuqa' ri Dios kan man xukoch' ta ri kimak ri aj-Sodoma y Gomorra. Xa xubij chi k'o chi yek'is. Y kan keri' wi xbanatej. Rija' xeruk'is ri tinamit ri' rik'in q'aq', richin keri' tiketamaj ri winaqi' ri yek'oje' kan, chi wi man chojmilej k'aslen ta xtikik'uaj chuwech ri Dios, xtiqaqa chuqa' jun nimalej ruk'ayewal pa kiwi' rije'.
Y keri' chuqa' xuben chike ri ojer taq winaqi' ri xek'oje' pa taq tinamit Sodoma y Gomorra y ri ek'o-apo chikinaqaj. Re winaqi' re' xemakun chi achi'a' chi ixoqi', kan xkikanola-ki' richin xemakun. Ri achi'a' man xekajo' ta ixoqi', xa kik'in chik achi'a' xek'oje-wi-qa. Roma ri' konojel ri winaqi' ri', ri Dios xeruya' pa q'aq' ri nik'at richin jantape'. Y re' richin nuk'ut chiqawech ri xtikik'uluwachij ri winaqi' ri nikik'uaj itzel k'aslen.
ကြော်ငြာတွေ