Os 11:6 - Kaqchiquel Bible

⁶ Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Os 11:6 ပူးပေါင်းရင်းမြစ်များ

Wuj Richin Bix Chire ri Dios 106:39

Rik'in ri banobel ri' xe'ok man e ch'ajch'oj ta ri israelita. Kan achi'el k'a jun ixoq itzel ruk'aslen, keri' xkiben rije' kik'in ri dios ri'.

Wuj Richin Bix Chire ri Dios 106:43

Ri Jehová kan k'iy k'a mul xerukol ri israelita, jak'a rije' xa chaq xkipaba-ki' chuwech y man xkinimaj ta ri rupixa'. Roma ri kimak kan xqasex kiq'ij.

Wuj Richin ri Isaías 18:5

Xtisijan-pe ri kitiko'n, jak'a man jani tichaq'aj-pe ri ruwech, Ri Dios xtujol-el ri ruxaq y xkeruchoy-el ri ruq'a'.

Wuj Richin ri Isaías 27:10

Ri tinamit ri jebel e tz'apen-kij chi tz'aq xa xketole' kan, achi'el toq nimalix kan jun jay, y nuben achi'el jun tz'iran ruwach'ulew ri e maneq winaqi' chupan. Ri chiri' xtok k'a ri akuchi xkeyuq'ux-wi ri awej ri akuchi nelesex-el ronojel kixaq ri che'.

Wuj Richin ri Isaías 30:1

Jare' ri rutzijol ri xuya' ri Jehová chike ri israelita ri man yeniman ta tzij: Toq'ex iwech rix roma niben achi'el alk'ualaxela' ri man yeniman ta tzij, y xa nich'ob ri man nuch'obon ta yin. Niya' itzij kik'in ch'aqa' chik, jak'a man yinik'ulubej ta yin. Y re' xa nimol más imak chiwij.

Wuj Richin ri Isaías 9:14

Roma ri' ri Jehová kan xkerelesaj-el konojel ri winaqi', nitiker-pe k'a pa kijolon y napon k'a chikaqen. Ri e tata'al y ri aj-raqen kan xkerutzak'ij-el, achi'el toq nitzak'ix-el ri rutum ri che' palma. Ri e q'alajirisey richin ri yebanatej xkechoy-el, achi'el yechoy ri pop, roma xaxe tz'ukun-tzij ri nikiben.

Wuj Richin ri Jeremías 5:17

Rije' xtikitej ronojel ruwech ri itiko'n y ri iway. Xkekik'uaj konojel ri iwalk'ual. Xkekitej ronojel ri iwawej y xkekik'is ri ijuwi-uva y ri iwíkix. Kan rik'in k'a ri kikamisabal xtikik'is kan ronojel ri nima'q taq itinamit ri kan e tz'apen rik'in tz'aq, ri achoq ik'in ikuquban-wi ik'u'x.

Wuj Richin ri Jeremías 50:35

Yin Jehová ri yibin. Ri woyowal xtiqaqa pa kiwi' ri aj-Babilonia, pa kiwi' ri e aj-raqen y pa kiwi' ri achi'a' e aj-na'oj.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Ez 20:47

Taya' rutzijol chi yin xtinteq-pe q'aq' ri kan xkeruk'is ronojel che'; rex o chaqi'j. Re q'aq' re' kan man xtichup ta k'a, jak'a kan xkek'at chuqa' konojel ri winaqi' ri ek'o chiri', nitiker-el rik'in jun ruk'ulba't y napon k'a rik'in chik ri jun.

Os 10:14

Roma ri' ri winaqi' ri ek'o pa taq itinamit xa kan xtisach k'a kik'u'x. Ronojel ri jay richin tobel ri tz'apen-kij chi tz'aq xa xkewulex, achi'el xuben ri rey Salman chire ri tinamit Bet-arbel chupan ri labal, toq ri teja' xekamisex junan kik'in ri taq kal.

Os 10:6

Jajun ri ruwachibel ri alaj achij wákix xtuk'uex-el pan Asiria. Kan xtok k'a jun sipanik chire ri nimalej rey, keri' ri winaqi' aj-Israel xa xkek'ixbitej k'a. Rije' xa xkek'ixbitej roma ri wachibel ri kibanon.

Os 13:16

Ri tinamit Samaria kan xtiqaqa k'a ri rutojbalil-mak pa ruwi' roma kan xupaba-ri' chuwech ri Dios, kan xkekamisex chi espada. Ri taq ak'uala' kan xkek'aq k'a pan ulew, ri ixoqi' ri nibe'alex yan taq kal xa kan xtijaq k'a ri kipan, ncha' ri Dios.

Os 4:16

Ri ruwach'ulew Israel xa kan rupaban-ri' achi'el jun alaj wákix ri kan man jun nitikir rik'in. Keri' rubanon richin xuch'er kan ri' wik'in yin Jehová. Roma ri' kan xkenwisq'opej k'a kan y man xkenyuqej ta chik.

Os 4:17

Ri aj-Israel kan kijachon k'a ki' chuya'ik kiq'ij wachibel, kan tik'oje' na k'a keri'.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Wuj Richin ri Miqueas 5:11

Kan xkeruwulaj k'a ronojel ri qatinamit y ronojel ri jay ri e tz'apen chi tz'aq.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Deut 28:52

Xtikisutij-rij ri tinamit richin iruwach'ulew y xtikiben oyowal k'a toq xketzaq na qa ri tz'aq ri más e nima'q y nej e jotol chikaj ri achoq ik'in ikuquban-wi-ik'u'x rix. Kan xkekich'ek k'a ronojel ri tinamit ri ek'o chupan ri ruwach'ulew ri xtiberuya' ri Jehová ri qa-Dios chiwe.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.