Os 11:4 - Kaqchiquel Bible

⁴ Kan xenbochi'ij k'a rik'in ajowabel, kan achi'el k'a jun te'ej ri nrejqaj ri ti ral, keri' xinben chike, kan xiqaqa k'a pe kik'in richin chi xentzuq.

Os 11:4 ပူးပေါင်းရင်းမြစ်များ

San Juan 12:32

Y toq yin xkijotobex-q'anej, ri winaqi' kan xkenk'en-pe wik'in, xcha' rija'.

Wuj Richin ri Chojmirisabelri'il 26:13

Ja yin Jehová ri i-Dios ri xinelesan-pe iwichin pan Egipto richin chi man xixxime' ta chik pa samaj. Xinben chiwe richin xel ri ejqa'n chiwij y xixsolkopitej chuxe' ri ejqa'n ri'.

2 Corintios 5:14

Roj kan ja ri ajowabel richin ri Cristo ri nibanon chiqe chi niqanimaj rutzij. Kan kuqul k'a qak'u'x chi pa qak'exel qonojel roj toq rija' xken. Y roma ri' roj kan xojken-wi k'a rik'in rija'.

Os 2:8

Jak'a rija' xa man xuya' ta rejqalen chi ri trigo, ri vino y ri aceite xa ja yin ri in yoyon chire. Ri q'anapueq y ri saqipueq ri kan pa ruk'iyal nuya'on chire, xa chire ri Baal xusuj-wi.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Wuj Richin ri Nimalej Bix 1:4

Kan chi'anin k'a kinak'uaj-el, kan kinak'uaj k'a el pan awachoch. Kan janila k'a yojkikot awik'in rat. Kan niqaya' más rejqalen ri awajowabal rat ke chuwech ri vino. Xa roma aj k'a ri' janila yatajowex.

Wuj Richin Bix Chire ri Dios 105:40

Xkik'utuj ti'ij chire ri Jehová y rija' xuben chi xepe saqkorowach richin xekitej. Kan xerutzuq k'a rik'in ri aj-chikajil-wey.

2 Sam 7:14

Yin xkinok achi'el jun tata'aj chire rija', y rija' xtok achi'el jun nuk'ajol. Y toq rija' xtimakun chinuwech, yin kan xtinchojmirisaj k'a chi xik'a'y, achi'el nuben jun tata'aj rik'in ri ruk'ajol.

Ex 16:32

Y ri Moisés xubij k'a: Tiwak'axaj k'a ri ruchojmilal ri rubin ri Jehová, chi tiqak'ama' kan oxi' libra aj-chikajil-wey y tiqayaka-apo, chike ri qijatzul ri e peteneq chiqawech-apo, richin chi rije' kan tikitzu' k'a ri wey ri xuya' ri Jehová chiqe, chiri' pa tz'iran ruwach'ulew, toq xojrelesaj-pe pan Egipto, xcha'.

Deut 32:12

Kan xaxe ri Jehová ri xok uk'uey kibey rije', y man ja ta ri dios kichin ri tinamit.

Deut 32:14

Chuqa' chiri' xitej jebelej mantequilla roma ri iwawej kan janila chi leche xkiya'. Xitej kich'akul karne'l y tzuntzun richin Basán, ri jebel e ti'ojirisan. Y xitej ri jebelej taq trigo y xiqum ri jebelej taq vino.