Os 11:10 - Kaqchiquel Bible

¹⁰ Rix aj-Israel kan xtitzeqelibej k'a ri Jehová. Rija' kan xtiwajin k'a achi'el nuben jun koj, xtiwajin y ri alk'ualaxela' kan xkek'ark'ot k'a. Xkepe chuwech y xke'el-pe pa qajbel-q'ij.

Os 11:10 ပူးပေါင်းရင်းမြစ်များ

Am 1:2

Ri Jehová nisik'in pa ruwi' ri juyu' Sión; kan nak'axatej-el k'a pa Jerusalem achi'el niq'ajan ri koqolajay. Ri soq'olbel kan nichaqi'j-qa; keri' chuqa' nichaqi'j-qa ri ruwi' ri juyu' Carmelo.

Joel 3:16

Jari' toq yin xtinreq nuchi' pa juyu' Sión, xkich'on kan achi'el koqolajay pa Jerusalem. Ri kaj y ri ruwach'ulew kan xkek'ark'ot k'a, jak'a yin kan xkento' ri nutinamit Israel.

Wuj Richin ri Isaías 31:4

Ri Jehová k'iytisanel richin ronojel xubij chuwe chi kan xtipe pa ruwi' ri juyu' Sión richin xtorubana' oyowal richin xtuto' ri rutinamit, achi'el nuben jun koj toq rukamisan chik jun karne'l, y kan niq'ajan-pe chirij ri napon-apo rik'in. Y stape' xtikimol-ki' e k'iy yuq'unela' chirij rija', man xtuxibij ta ri', ni man jun chire rija' ri kiraqoj-chi'ij ri yuq'unela'.

Wuj Richin ri Jeremías 25:30

Chuqa' rat Jeremías xtaq'alajirisaj k'a chikij ri winaqi' ri' y xtabij k'a: Ri Jehová, kan xtisik'in k'a pe ri chila' pa jotol, xtisik'in k'a ri akuchi k'o-wi. Kan rik'in royowal xtich'on chikij ri ruwinaq, kan xtureq k'a ruchi' chikij ri ch'aqa' chik winaqi' achi'el nikiben ri achi'a' toq nikipitz' ri uva.

Wuj Richin ri Jeremías 31:9

Xkepe rik'in oq'ej y nikik'utuj utzil chuwe. Y yin xkenk'uaj chunaqaj ch'uti'n raqen taq ya', pa jun bey ri kan choj nibe, ri akuchi ri kan man xtikipajk'ij ta kaqen. Roma yin kan in jun tata'aj richin ri tinamit Israel y ri Efraín ri nabey nuk'ajol.

Wuj Richin ri Isaías 64:2

Kaqaqa-pe richin chi ri e etzelanel awichin niketamaj ri abi', y konojel ri tzobaj winaqi' richin ri ruwach'ulew xkebaybot ta chawech, achi'el nuben ri ya' niroqo, toq niya'ox más si' chuxe'.

2 Pedro 2:10

Y más niqa' ruk'ayewal pa kiwi' ri winaqi' ri yebanon ri itzel taq rayinik, y ri yeketzelaj ri q'atoy-tzij. Rije' man yek'ix ta, y janila kinimirisan-ki'. Roma ri' ni man nikixibij ta ki' richin nikibij tzij chikij ri itzel taq espíritu.

Romanos 8:1

Wakami k'a kan man xtiqaqa ta ri nimalej ruk'ayewal pa qawi', roj ri jun chik qabanon rik'in ri Cristo Jesús.

Hechos 24:25

Ri Pablo xapon kik'in, y xuchop k'a rubixik chike chirij ri achike rubanik jun k'aslen choj, ri achike rubanik richin naq'il-awi' richin man naben ta ri mak, y chi ri pa ruk'isibel ri Dios xtuq'et-tzij pa kiwi' ri winaqi'. Ri Félix janila xuxibij-ri' rik'in ri xrak'axaj, y xubij chire ri Pablo: Wakami k'a kabiyin. Y toq xtijame' chik k'a juba' nuwech, xkatinwoyoj chik k'a jun bey, xcha' ri Félix.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

Wuj Richin ri Zacarías 10:12

Yin kan xtinya' k'a kuchuq'a' ri nuwinaq aj-Israel, y kan pa nubi' yin xkebiyin-wi, xcha' ri Jehová.

Wuj Richin ri Zacarías 8:7

Yin kan xkenkol k'a ri nuwinaq ri ek'o pa taq ruwach'ulew ri ek'o chikinaqaj.

Wuj Richin ri Habacuc 3:16

Rik'in ronojel re xinwak'axaj yin, kan xink'en janila rukiy. Ri nuchi' kan nik'ark'ot; ri nuch'akul kan xelawalo-qa roma kan janila xinxibij-wi'. Jak'a yin kan woyoben rik'in ch'uch'ujil ri q'ij toq xtiqaqa ruk'ayewal pa kiwi' ri winaqi' aj-Babilonia.

Wuj Richin ri Miqueas 4:5

Stape' ri ch'aqa' chik winaqi' xkebiyin pa rubi' ri ki-dios, man rik'in ri' roj kan xqojbiyin pa rubi' ri Jehová ri qa-Dios, richin q'asen y tibe-q'ij tibe-seq.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

Am 3:4

Ri koj ri k'o pa k'echelaj man niwuyin ta wi man rukamisan ta ri achike nutej. Ri koj ri k'o pa rusok man niq'ajan ta wi maneq jun chikop ri xuchop.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Wuj Richin ri Jeremías 33:9

Kan jantape' k'a xkikikot kik'in re tinamit re'. Kan xtik'oje' k'a nim nuq'ij-nuk'ojlen chikiwech konojel tzobaj winaqi' richin re ruwach'ulew roma xtikak'axaj ronojel utzil ri xtinben kik'in ri nuwinaq. Y ri ch'aqa' chik winaqi' richin ri ruwach'ulew xtikimey y xtik'is ri kuchuq'a' roma ronojel ri utzil y ri uxlanen ri xtinya' chike ri nuwinaq.

Wuj Richin ri Jeremías 7:9

Yixeleq', yixkamisan, ri e k'ulan taq winaqi' yekikanoj kachibil richin yemakun kik'in, niya' itzij y xa man qitzij ta yixch'on, niporoj pom chuwech ri Baal, ye'iya' kiq'ij dios ri xa man e iwetaman ta kiwech,

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Wuj Richin ri Isaías 49:10

Kan man xkewayjan ta, ni man xtichaqi'j ta kichi'. Chuqa' ri q'ij y ri k'aten kan man jun xtuben chike. Roma yin yenwajo' rije', y roma ri' yin kan xkenyuqej chuchi' ri raqen taq ya'.

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Wuj Richin ri Isaías 2:5

Y ri israelita xtikibij: ¡Wakami k'a roj ri oj aj pa rachoch kan ri Jacob, qojbiyin pa saqil ri ruya'on kan ri Jehová!, xkecha'.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin Bix Chire ri Dios 2:11

Tik'oje' k'a rukiy ri Dios chiwech toq nisamajij, kixkikot k'a rik'in qasanri'il.

Wuj Richin ri Achin Job 37:1

Y roma ri kaq'iq' ri' kan janila nuxibij-ri' ri wánima, kan niropin janila achi'el xa ta pa ruk'ojelibal.

Apocalipsis 10:3

Re ángel re', rik'in k'a ronojel ruchuq'a' xch'on, kan achi'el toq niq'ajan jun koj. Y toq ch'owineq chik qa, chuqa' ek'o wuqu' achi'el koqolajay ri xech'on-pe chire.

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Isaías 66:5

Kan tiwak'axaj ri nuch'abel yin Jehová, rix ri kan iya'on nuq'ij. Kan ek'o iwach'alal ri kan itzel nikina' chiwe, roma rix in itzeqeliben yin. Rije' nikibij chiwe chi yin nink'ut ri nuk'ojlen, y chi rije' nikajo' richin yixkitz'et rik'in kikoten. Man rik'in ri' rije' xkek'ixbitej, nicha' ri Dios.

Ez 26:16

Jari' toq konojel k'a ri e rey pa kiwi' ri ch'aqa' chik tinamit ri', kan xkeyakatej k'a el pa kitz'uyubal, y xtikelesaj k'a el ri jebelej taq tzieq y rik'in k'a janila xibinri'il xkebetz'uye' pan ulew. Y jantape' k'a k'o xibinri'il kik'in y roma ri' xkebaybot y xtikimey ri xbanatej.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Jeremías 50:4

Yin Jehová ri yibin. Chupan ri q'ij ri', rix winaqi' richin ri ruwach'ulew Israel y ri Judá kan rik'in k'a oq'ej xkinikanoj.

Wuj Richin ri Zacarías 10:10

Roma ja yin ri xkik'amo-pe kichin k'a kela' pa ruwach'ulew Egipto. Xkenk'en-pe ri ek'o pan Asiria, y xkenk'uaj k'a pa ruwach'ulew Galaad y pa Líbano. Kan e janila chi winaqi', y kan man xkeruben ta k'a ri ruwach'ulew.