Os 11:1 - Kaqchiquel Bible

¹ Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Os 11:1 ပူးပေါင်းရင်းမြစ်များ

Wuj Richin Bix Chire ri Dios 129:1

Kan k'a pa nuk'ajolil k'a ri janila in kitz'ilon-pe. Wakami tubij k'a ri tinamit Israel:

Ex 19:4

Rix kan xitz'et k'a jebel ri xinben yin kik'in ri aj-Egipto, ri xinben richin xixink'en-pe wawe' wik'in yin, achi'el xa ta xixpe pa ruwi' ruxik' jun kot.

Ex 4:22

Y xtabij k'a chire ri rey: Ri Jehová kere' ri rubin-pe: Ri tinamit Israel kan achi'el ri nabey nuk'ajol.

Ex 4:23

Xinbij yan chawe richin taya' q'ij chire ri nuk'ajol richin nel-el, richin chi niberuya' nuq'ij y wi rat man naya' ta el q'ij chire, rija' xtukamisaj ri nabey ak'ajol. Kere' rubin-pe ri Dios, xkacha' chire ri rey, xcha' ri Dios.

Wuj Richin ri Isaías 43:4

Roma chinuwech yin kan janila iwejqalen, kan janila iruwaq'ijaj, y yin kan janila yixinwajo'. Roma ri' kan xkenjech k'a achi'a' pa kamik richin yixinkol rix, y xkenya' ch'aqa' chik ruwach'ulew pa ruk'exel ri ik'aslen rix.

Wuj Richin ri Jeremías 12:7

Y ri Jehová xubij chik: Kan janila yenwajo' ri nuwinaq, jak'a wakami xtinmalij kan ri wachoch y chuqa' xkenmalij kan rije' y kan xkenjech kan pa kiq'a' ri e etzelanel kichin.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.

Ez 16:22

Rik'in ri itzel ak'aslen kan man niqaqa ta chik chi'ak'u'x toq k'a at ti ko'ol na, toq man jani k'o atziaq y nabolqotila-awi' chupan ri akik'el.

Ez 16:6

Y yin Jehová xiq'ax k'a chiri' y jari' toq xintz'et chi nabolqotila-awi' chupan ri akik'el. Jari' toq yin xinch'ob richin xatinto' richin xak'ase-q'anej.

Os 10:15

Keri' k'a xtuben chiwe rix winaqi' ri ixk'o pa Betel, keri' xtuben chiwe roma ri nimalej imak. Ri rey richin Israel xa kan kamineq chik k'a toq xtiseqer-pe, ncha' ri Dios.

Os 12:13

Rik'in k'a jun q'alajirisey nuch'abel xenwelesaj-pe ri israelita pan Egipto, kan xeyuqex k'a roma ri q'alajirisanel ri', nubij ri Dios.

Os 12:9

Jak'a yin Jehová ri i-Dios ri kan ink'o pe iwik'in ri pa ruwach'ulew Egipto. Wakami xa kan xtinben k'a chiwe chi xa xkik'oje' chik chupan jay banon rik'in tzieq, achi'el ri q'ij toq xich'on iwik'in pa tz'iran ruwach'ulew.

Os 13:4

Ri Jehová nubij chire ri tinamit Israel: Ja yin Jehová ri a-Dios kan k'a toq k'a atk'o na pan Egipto. Roma ri' kan man ninwajo' ta chi nik'oje' jun chik a-dios chinuwech yin. Xa kan xaxe k'a yin ri in akolonel y man jun chik k'o chuwij yin.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Wuj Richin ri Malaquías 1:2

Yin Jehová kan ix wajowan-pe. Jak'a rix nik'utuj ri achoq ik'in nuk'utun-wi chiwech chi kan yixinwajo'. Stape' ri Jacob chaq'laxel chuwech ri Esaú, yin kan ja ri Jacob ri xincha'.

San Mateo 2:15

Kan k'a pan Egipto k'a xek'oje-wi y xetzolin pan Israel k'a toq kamineq na chik ri rey Herodes. Richin keri' kan xtz'aqet k'a ri ruq'alajirisan kan ri Dios chuwech ri rusamajel ri xk'oje' ojer kan toq xubij: Kan k'a pan Egipto k'a xinwoyoj-wi ri nuk'ajol, nicha'.*f5*

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Deut 7:7

Ri Jehová xixrucha'; man roma ta janila iwejqalen chikikojol ri ruwach'ulew, roma stape' xa ja rix ri más ix ko'ol chikiwech konojel ruwach'ulew.